Month: July 2020

ബെംഗളൂരു:കോവിഡ്  പ്രതിരോധത്തിന്റെ ഭാഗമായി പ്രഖ്യാപിച്ച കര്‍ഫ്യു ഇന്ന് രാത്രി 8 മണി മുതല്‍ തുടങ്ങും,നാളെ മുഴുവന്‍ സമയത്തിന് ശേഷം തിങ്കളാഴ്ച രാവിലെ വരെ നിരോധനാജ്ഞ നില നില്‍ക്കും. ദുരന്ത നിര്‍വഹണ നിയമം 2005 പ്രകാരം നിരത്തില്‍ ഇറങ്ങുന്ന വാഹനങ്ങള്‍ എല്ലാം പിടിച്ചെടുക്കും,തിരിച്ചു കിട്ടാന്‍ കോടതിയെ സമീപിക്കേണ്ടാതായി വരും. യാതൊരു കാരണവശാലും പുറത്തിറങ്ങരുത് എന്ന് സിറ്റി പോലീസ് കമ്മിഷണര്‍ ഭാസ്കര്‍ റാവു ഐ എ എസ് ട്വിറ്റെറിലൂടെ അറിയിച്ചു. ഓരോരോ കാരണങ്ങള്‍ പറയരുത്,നിങ്ങളുടെ ഒരു ആവശ്യം ഒരു ദിവസത്തേക്ക് മാറ്റി വച്ചാല്‍ സ്വര്‍ഗം പോട്ടിവീഴുകയൊന്നും ഇല്ലെന്നും അദ്ദേഹം ട്വീറ്റ്…

ബെംഗളൂരു : കോവിഡ്  ബാധിച്ചു മരിച്ച ആളുടെ മൃതദേഹം മണിക്കൂറുകള്‍ റോഡ്‌ സൈഡില്‍ കിടന്നതായി ആരോപണം. ഇന്നലെ ഉച്ചയോടെ ഹനുമന്ത നഗറില്‍ ആണ് സംഭവം,വ്യാഴാഴ്ച സ്രവം പരിശോധനക്ക് നല്‍കിയ മധ്യവയസ്ക്കന് വെള്ളിയാഴ്ചയാണ് കോവിഡ്  സ്ഥിരീകരിച്ചത്. Video: Covid patient dies on road waiting for ambulance in Bengaluru #Covid19 #CautionYesPanicNo pic.twitter.com/dAw0IA99Je — TOI Bengaluru (@TOIBengaluru) July 4, 2020 ആശുപത്രിയിലേക്ക് പോകാന്‍ ആംബുലന്‍സ് വീടിന് മുന്നില്‍ വരുന്നത് ഒഴിവാക്കാന്‍ മെയിന്‍ റോഡിലേക്ക് നടക്കുകയായിരുന്നു അദേഹം,നടക്കുന്ന വഴിയില്‍ ഹൃദയാഘാതം മൂലം…

ബെംഗളുരു: ഓൺലൈൻ ലൈവ് ക്ലാസുകൾക്കായി സർക്കാർ നിശ്ചയിച്ച സമയം തീരെകുറവെന്നു ഒരു വിഭാഗം രക്ഷിതാക്കൾ, ഇതിനെതിരെ ‘ഡിജിറ്റൽ’ പ്രതിഷേധവും നടത്തി. വീടുകളിൽ മെഴുകുതിരി തെളിച്ച് മൊബൈലിലൂടെയും ലാപ്ടോപ്പിലൂടെയുമെല്ലാം പ്രദർശിപ്പിച്ച ‘വെർച്വൽ മാർച്ചിൽ’ നൂറുകണക്കിനു രക്ഷിതാക്കൾ പങ്കെടുത്തു. കുട്ടികൾക്കു നിലവിൽ ഓൺലൈൻ പാനത്തിന് അനുവദിച്ച സമയം വളരെ കുറവാണെന്നാണ് ഈ രക്ഷിതാക്കളുടെ വാദം. എൽകെജികുട്ടികൾക്ക് ആഴ്ചയിൽ 45 മിനിറ്റ്, 1-5 ക്ലാസുകളിൽ ഒന്നിടവിട്ട ദിവസങ്ങളിൽ 45 മിനിറ്റ്, 10 വരെ ക്ലാസുകളിൽ പരമാവധി 3 മണിക്കുർ എന്നിങ്ങനെയാണ് സർക്കാർ അനുവദിച്ച സമയം. വിദ്യാർഥികൾക്കെല്ലാം ഇന്റർനെറ്റ് സൗകര്യമില്ലെന്നു…

ബെംഗളൂരു : സംസ്ഥാനത്തെ സ്കൂളുകളും കോളജുകളും ആഗസ്റ്റിന് ശേഷമേ തുറക്കാൻ സാധ്യതയുള്ളൂവെന്നു പ്രാഥമിക വിദ്യാഭ്യാസ മന്ത്രി എസ്.സുരേഷ് കുമാർ. വിദഗ്ധരുമായി കൂടിയാലോചിച്ച ശേഷം കൃത്യമായ തീയതി പ്രഖ്യാപിക്കും. ആദ്യഘട്ടത്തിൽ പിയു കോളജുകളും രണ്ടാം ഘട്ടത്തിൽ ഹൈസ്കൂളുകളും തുറക്കും. കോവിഡ് പൂർണമായും നിയന്ത്രണ വിധേയമായ ശേഷമേ പ്രൈമറി സ്കൂളുകൾ തുറക്കുകയുള്ളൂവെന്നും മന്ത്രി അറിയിച്ചു.

ബെംഗളൂരു : ബെംഗളൂരു റൂറൽ ജില്ലാ കളക്ടർ പി.എൻ.രവീന്ദ്രക്ക് കോവിഡ് സ്ഥിരീകരിച്ചു. വന്ദേ ഭാരത് മിഷൻ ഏകോപിപ്പിക്കാൻ മാർച്ച് 15 മുതൽ രാജ്യാന്തര വിമാനത്താവളത്തിൽ പ്രവർത്തിക്കുന്നതിനിടെയാണ് കോവിഡ് സ്ഥിരീകരിച്ചത്. പനിയും കടുത്ത ചുമയേയും തുടർന്ന് സ്രവ പരിശോധന നടത്തിയപ്പോൾ ആണ് കോവിഡ് സ്ഥിരീകരിച്ചത്. അതേ സമയം ആരോഗ്യ വകുപ്പ് കമ്മീഷണറായ പങ്കജ് കുമാർ പാണ്ഡെയുടെ ഓഫീസിലും കോവിഡ് സ്ഥിരീകരിച്ചു. ഡ്രൈവർക്ക് രോഗം സ്ഥിരീകരിച്ചതിനെ തുടർന്ന് ഓഫീസ് അടച്ചിട്ട് അണുവിമുക്തമാക്കി. കമ്മീഷണറുടെയടക്കം സ്രവ സാമ്പിൾ പരിശോധനക്കയച്ചു.