ബെംഗളുരു; മെട്രോ സർവ്വീസ് എന്ന് തുടങ്ങുമെന്ന കാര്യത്തിൽ ഇതുവരെ ധാരണയിലെത്തിയിട്ടില്ലങ്കിലും വർധിച്ച് വരുന്ന കോവിഡിന്റെ പശ്ചാത്തലത്തിൽ മാർഗ നിർദേശങ്ങൾ പുറത്തിറക്കി നമ്മ മെട്രോ രംഗത്ത്.
ടണലുകളിലെയും ട്രെയിനുകളിലെയും ശീതികരണം സംബന്ധിച്ച മാർഗ നിർദേശങ്ങളാണ് പുറത്തിറക്കിയത്. എ.സി.കളുടെ പ്രവർത്തനം കൃത്യമായി നിയന്തിച്ച് താപനില വർ‌ധിപ്പിക്കാനാണ് തീരുമാനം കൈക്കൊണ്ടിട്ടുള്ളത്. കൂടാതെ ശുദ്ധ വായുവിന്റെ ലഭ്യത ഉറപ്പാക്കണമെന്നും നിർദേശമുണ്ട്.
ഭൂഗർഭ സ്റ്റേഷനുകളിൽ നിന്ന് വായു വലിച്ചെടുക്കുന്ന എക്സ്ഹോസ്റ്റ് ഫാനുകൾ ഉൾപ്പെടെയുള്ള കാര്യങ്ങളും കൂടാതെ ട്രെയിനുകൾക്കുള്ളിൽ ശുദ്ധവായു ഉറപ്പാക്കുക എന്നിവയാണ് പ്രഥമമായി നൽകിയിരിക്കുന്ന നിർദേശങ്ങൾ നടപ്പിലാക്കുന്നതെന്ന് നമ്മ മെട്രോ.
മെട്രോ സർവ്വീസുകൾ ലോക് ഡൗൺ അവസാനിപ്പിക്കുന്നതിന്റെ മൂന്നാം ഘട്ടത്തിലാണ് പ്രവർത്തനം ആരംഭിയ്ക്കുകയെന്ന് അധികൃതർ വ്യക്തമാക്കി.
കൂടാതെ കേന്ദ്ര സർക്കാരിന്റെ കർശന നിർദേശങ്ങൾ പിന്തുടർന്നാകും മെട്രോ പ്രവർത്തനം ആരംഭിയ്ക്കുക. രാജ്യത്തെ എല്ലാ മെട്രോ സർവ്വീസുകൾക്കുമായി കേന്ദ്രം പൊതുവായ മാർഗ നിർദേശം കൊണ്ടു വരുമെന്നാണ് കരുതുന്തെന്നും അധികൃതർ വ്യക്തമാക്കി.
മെട്രോ യാത്രക്കാർക്കും ജീവനക്കാർക്കും പൂർണ്ണ സുരക്ഷ ഒരുക്കിയായിരിയ്ക്കും സർവ്വീസ് നടത്തുകയെന്നും മെട്രോ അധികൃതർ.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
