Day: 3 April 2020

ബെംഗളൂരു : കർണാടകയുടെ വിവിധ ഭാഗങ്ങളിൽ നേരിയ തോതിൽ ഭൂചലനം അനുഭവപ്പെട്ടു. റിക്ടർ സ്കെയിലിൽ 2.6 രേഖപ്പെടുത്തിയ ഭൂകമ്പം അനുവഭപ്പെട്ടത് മൈസൂരു, മണ്ഡ്യ, ഹാസൻ ജില്ലകളിലാണ്. വൈകുന്നേരം 5.20 നോടടുത്ത് ഉണ്ടായ ഭൂചലനം 3 സെക്കൻ്റ് നേരത്തേക്ക് തുടർന്നു. അർക്കൽ ഗുഡു വിനും കെ ആർ നഗറിനും സമീപമാണ് ഭൂചലനത്തിൻ്റെ പ്രഭവകേന്ദ്രമെന്ന് കർണാടക സംസ്ഥാന പ്രകൃതി ദുരന്ത നിരീക്ഷണ വിഭാഗത്തിൻ്റെ ശാസ്ത്രജ്ഞൻ ഡോ: സി.എൻ പ്രഭു അറിയിച്ചു. ആരും ഭയപ്പെടേണ്ടതില്ല എന്നും അദ്ദേഹം കൂട്ടിച്ചേർത്തു.

ബെംഗളൂരു: സംസ്ഥാനത്ത് അധികമായി സംഭരിക്കുന്ന പാൽ ലോക്ഡൗൺ കാലാവധി കഴിയുന്നതുവരെ സാമ്പത്തികമായി പിന്നാക്കംനിൽക്കുന്നവർക്ക് വിതരണംചെയ്യാൻ തീരുമാനം. അധികംവരുന്ന പാലുകൊണ്ട് ഇതുവരെ പാൽപ്പൊടിയാണ് നിർമിച്ചിരുന്നത്. ആവശ്യത്തിലുമധികം പാൽപ്പൊടി ഉത്‌പാദിപ്പിച്ചുകഴിഞ്ഞതിനാൽ മറ്റു മാർഗങ്ങൾ കണ്ടെത്തേണ്ട സാഹചര്യമാണുള്ളത്. ഇതോടെയാണ് സാമ്പത്തികമായി പിന്നാക്കംനിൽക്കുന്നവർക്ക് പാൽ സൗജന്യമായി വിതരണംചെയ്യാൻ തീരുമാനിച്ചത്. അതിർത്തികൾ അടച്ചതിനാൽ മറ്റുസംസ്ഥാനങ്ങളിലേക്ക് പാൽ എത്തിക്കാൻ കഴിയാത്തതും ഭക്ഷണശാലകൾപൂട്ടിയതും പാൽ ഉപഭോഗം കുത്തനെ കുറഞ്ഞിട്ടുണ്ട്. എന്നാൽ ക്ഷീരകർഷകരെ ദോഷകരമായി ബാധിക്കുമെന്നതിനാൽ പാൽ സാധാരണപോലെ സംഭരിക്കാനാണ് സഹകരണസംഘമായ നന്ദിനിയുടെ തീരുമാനം. അതത് തദ്ദേശസ്വയംഭരണസ്ഥാപനങ്ങൾക്കാണ് പാൽ ലഭിക്കാൻ അർഹരായവരെ കണ്ടെത്താനുള്ള ചുമതല. ജില്ലാഭരണകൂടം…

ബെംഗളൂരു: ശിവാജിനഗർ ബാംബൂ ബസാറിലുണ്ടായ തീപ്പിടിത്തത്തിൽ 25-ഓളം കടകൾ കത്തിനശിച്ചു. വ്യാഴാഴ്ച പുലർച്ചെ രണ്ടുമണിയോടെയാണ് സംഭവം. 13 കടകൾ പൂർണമായും കത്തിയമർന്നു. വിലപിടിപ്പുള്ള സാധനങ്ങൾ സൂക്ഷിച്ചിരുന്ന ഫർണിച്ചർ കട, ഇലക്‌ട്രോണിക്സ് കട ഉൾപ്പെടെയുള്ളവയാണ് കത്തിനശിച്ചത്. നഗരത്തിന്റെ വിവിധ ഭാഗങ്ങളിൽനിന്ന് 17 അഗ്നിശമനസേനാ യൂണിറ്റുകളെത്തി മണിക്കൂറുകൾനീണ്ട ശ്രമത്തിനൊടുവിലാണ് തീയണച്ചത്. സമീപത്തെ ജനവാസ കേന്ദ്രത്തിലേക്ക് തീപടരാതെ നിയന്ത്രിക്കാൻ സാധിച്ചത് വൻ ദുരന്തത്തിൽനിന്ന് ഒഴിവായി. ബെംഗളൂരു സിറ്റി പോലീസ് കമ്മിഷണർ ഭാസ്കർ റാവു സ്ഥലം സന്ദർശിച്ചു. നിരവധികടകൾ കത്തിനശിച്ചെന്നും പലതും അൻപതുവർഷത്തിലധികം പഴക്കമുള്ളവയാണെന്നും അദ്ദേഹം പറഞ്ഞു. തീപ്പിടിത്തത്തിന്റെ കാരണം…