Month: March 2020

ബെംഗളൂരു : അധോലോക കുറ്റവാളി രവി പൂജാരിക്ക് കേരളത്തിലെ ചില പോലീസ് ഉദ്യോഗസ്ഥരുമായി അടുത്ത ബന്ധം. പോലീസ് ഉദ്യോഗസ്ഥരുമായി നടത്തിയ സാമ്പത്തിക ഇടപാടുകളുടെ വിവരം രവി പൂജാരി തന്നെ വെളിപ്പെടുത്തിഎന്നാണ് സൂചന. ഇതുമായി ബന്ധപ്പെട്ട് കൂടുതൽ വിവരങ്ങൾ വരും ദിവസങ്ങളിൽ പുറത്തുവരും. കർണാടക പോലീസിന് കസ്റ്റഡിയിൽ ബാംഗ്ലൂരിലുള്ള രവി പൂജാരിയെ ക്രൈംബ്രാഞ്ച് മേധാവി ടോമിൻ തച്ചങ്കരി യുടെ നേതൃത്വത്തിൽ കഴിഞ്ഞ ദിവസം ചോദ്യം ചെയ്തിരുന്നു. കർണാടക പോലീസ് സംഘത്തിനൊപ്പം ആയിരുന്നു ചോദ്യംചെയ്യൽ. കൊച്ചിയിലെ വെടിവെപ്പ് കേസുമായി ബന്ധപ്പെട്ട് ആയിരുന്നു ചോദ്യങ്ങൾ . ഇതിനിടെയാണ് ഈ…

ബെംഗളൂരു: തമിഴ്നാട്ടിലെ അവിനാശിയിലുണ്ടായ ബസ്സപകടത്തിന്റെ പശ്ചാത്തലത്തിൽ, ദീർഘദൂര ബസുകളിൽ കൂടുതൽ സുരക്ഷാസംവിധാനമൊരുക്കാൻ കർണാടക ആർ.ടി.സി. ദീർഘദൂര പ്രീമിയം ബസുകളിൽ നിർമിത ബുദ്ധി(ആർട്ടിഫിഷ്യൽ ഇന്റലിജൻസ്-എ.ഐ.) ഉപയോഗപ്പെടുത്തി പ്രവർത്തിക്കുന്ന പ്രത്യേക ഉപകരണം സ്ഥാപിക്കാനാണ് ലക്ഷ്യമിടുന്നത്. ബസിന്റെ 50 മീറ്റർ ദൂരത്തിൽ മറ്റു വാഹനങ്ങളുണ്ടെങ്കിൽ വേഗം സ്വമേധയാ കുറയുന്ന സംവിധാനമാണിത്. 400 പ്രീമിയം ബസുകളിലാണ് സംവിധാനം നടപ്പാക്കുക. യാത്രയ്ക്കിടെ ഡ്രൈവർമാർ ഉറങ്ങിപ്പോകാതിരിക്കാനുള്ള നിർദേശങ്ങൾ കർശനമായി നടപ്പാക്കും. ഇതിനായി നിരീക്ഷണസംവിധാനമൊരുക്കാനാണ് ലക്ഷ്യമിടുന്നത്. രാത്രി ഒരുമണിമുതൽ പുലർച്ചെ അഞ്ചുവരെ ബസ്സോടിക്കുന്ന ഡ്രൈവർമാർ നിശ്ചിതസ്ഥലങ്ങളിൽ നിർത്തി ഇടവേളയെടുക്കണമെന്ന നിർദേശം നടപ്പാക്കും. ഇത് പരിശോധിക്കാൻ ജീവനക്കാരെ…

ബെംഗളൂരു : എടിഎമ്മിൽ സ്കിമ്മറുകൾ സ്ഥാപിച്ച് കാർഡിലെ രഹസ്യ വിവരങ്ങളും പാസ്വേഡും ചോർത്തി പണം തട്ടുന്ന 2 വിദേശികൾ പിടിയിൽ. ബെംഗളൂരു നിവാസികളും ടാൻസാനിയൻ സ്വദേശികളുമായ അലക്സ് മെൻഡാഡ് (24),ജോർജ് ജീൻസ് (24) എന്നിവരെയാണ് രാമനഗര പൊലീസ് അറസ്റ്റ് ചെയ്തത്. ബെംഗളൂരുവിൽ വിദ്യാർഥികളായ ഇരുവരും വിജനമായ എടിഎമ്മുകളിൽ സ്കിമ്മറുകളും ക്യാമറയും ഘടിപ്പിച്ചാണ് കാർഡിലെ വിവരങ്ങൾ ചോർത്തിയിരുന്നത്. ഇതുപയോഗിച്ച് വ്യാജ എടിഎം കാർഡ് നിർമിച്ച് പണം തട്ടുകയായിരുന്നു പതിവെന്നു പൊലീസ് പറഞ്ഞു. എടിഎമ്മിലെയും സമീപത്തെയും സിസി ക്യാമറകൾ കേന്ദ്രീകരിച്ച് നടത്തിയ പരിശോധനയിലാണ് ഇവർ കുടുങ്ങിയത്.

ബെംഗളുരു : നമ്മ മെട്രോ പാതയുടെ നിർമാണത്തിനിടെ ഒരു മരണം കൂടി. പട്ടനഗെരെയിൽ എസ്കലേറ്ററിലെ അവസാന മിനിക്കു പണികൾ ചെയ്തു കൊണ്ടിരിക്കെ വീണ ആന്ധ്ര സ്വദേശി ശ്രീകാകുലം(56) ആണ് മരിച്ചത്. കരാറുകാരനെതിരെ കെംഗേരി പൊലീസ് കേസെടുത്തു. മെട്രോ നിർമാണവുമായി ബന്ധപ്പെട്ട് മാസങ്ങൾക്കിടെയുണ്ടാകുന്ന മൂന്നാമത്തെ മരണമാണിത്. കഴിഞ്ഞ മാസം കനകപുര മെയ്ൻ റോഡിലെ സൈറ്റിൽ 35 അടി ഉയരത്തിൽ നിന്നു വീണ ചിത്രദുർഗ സ്വദേശിയും നവംബറിൽ ഇലക്ട്രോണിക് സിറ്റിയിൽ ഇരുമ്പുതൂണ് വീണ് മറ്റൊരു തൊഴിലാളിയും മരിച്ചിരുന്നു.