Month: March 2020

  ബെംഗളൂരു : കോവിഡ് ഭീതി സംസ്ഥാനത്തെ ഇറച്ചിക്കോഴി വ്യാ പാരത്തെ തകിടം മറിച്ചു. കോലാർ, ബൈളഗാവി ജില്ലകളിലെ കോഴി വളർത്തൽ കേന്ദ്രങ്ങളിൽ ഇവയെ കൂട്ടമായി കൊന്നൊടുക്കുകയാണ്. കോഴിയിലൂടെയാണ് കോവിഡ്-19 വൈറസ് പടരുന്നതെന്നെ തെറ്റായ പ്രചാരണത്തെ തുടർന്നാണിത്. കോലാറിലെ ബംഗാർപേട്ട്മാ ഗൊണ്ടിയിൽ രണ്ട് ദിവസം മുൻപ് മാത്രം 9000 കോഴികളെയാണു കൊന്നത്. ആവശ്യക്കാർ കുറഞ്ഞതിനാൽ, ചിക്കൻ വില ഇടിഞ്ഞതു കോഴിവ്യാപാരികളെയും വലയ്ക്കുന്നുണ്ട്.

  ബെംഗളൂരു : കോവിഡിനെ നേരിടുന്ന ഡോക്ടർമാർക്കും പാരാമെഡിക്കൽ ജീവനക്കാർക്കും അധിക ആരോഗ്യ ഇൻഷുറൻസ് നൽകാൻ കർണാടക സർക്കാർ ആലോചിച്ചു വരുന്നതായി മെഡിക്കൽ വിദ്യാഭ്യാസ മന്ത്രി ഡോ.കെ സുധാകർ. നിലവിലുള്ള ആരോഗ്യ പരിരക്ഷാ പദ്ധതികൾക്കു പുറമേയാണിത്. വിക്ടോറിയ ആശുപത്രി ക്യാംപസിലെ ബാംഗ്ലൂർ മെഡിക്കൽ കോളജ് ആൻഡ് റിസർച്ച് ഇൻസ്റ്റ്യൂട്ടിൽ പുതുതായി ആരംഭിച്ച് അത്യാധുനിക ലാബ് ഉദ്ഘാടനം ചെയ്യുകയായിരുന്നു അദ്ദേഹം. രോഗലക്ഷണം ഇല്ലാത്തവർ മെഡിക്കൽ സ്റ്റോറുകളിൽ നിന്നു വ്യാപകമായി മാസ്കകൾ വാങ്ങിക്കൂട്ടുന്ന പ്രവണത അവസാനിപ്പിക്കണമെന്നും മന്ത്രി ആവശ്യപ്പെട്ടു.

  ബെംഗളൂരു : കോവിഡ്  പരിശോധനയ്ക്ക് വിസമ്മതിക്കുന്നവരെ ആരോഗ്യവകുപ്പ് അധികൃതർക്ക് ബലമായി ഐസൊലേഷൻ വാർഡിൽ പ്രവേശിപ്പിക്കാൻ സാധിക്കുന്ന രീതിയിൽ സംസ്ഥാനത്ത് ഒരു വർഷത്തേക്ക് പകർച്ചവ്യാധി തടയൽ നിയമം ഏർപ്പെടുത്തി സർക്കാർ. കൊറോണ വൈറസ് പടരുന്നത് തടയാൻ സാധാരണ നിയമങ്ങൾ ഫലപ്രദമല്ലെന്ന വിലയിരുത്തലാണ് എപ്പിഡമിക് ഡിസീസ് നിയമത്തിലെ വിവിധ വകുപ്പുകൾ പ്രയോഗിക്കാൻ തീരുമാനിച്ചത് . കോവിഡ് ബാധയുണ്ടെന്ന്  സംശയിക്കുന്നവരെ ഉദ്യോഗസ്ഥർക്ക് ബലമായി ചികിത്സയ്ക്ക് വിധേയനാക്കാനായി എല്ലാ സർക്കാർ ആശുപത്രികളിലും രോഗബാധിതർക്ക് ചികിത്സാ സൗകര്യം ഒരുക്കണം. ഇവരുടെ എല്ലാ യാത്ര രേഖകളും സൂക്ഷിക്കണം. രോഗം സ്ഥിരീകരിച്ച രാജ്യങ്ങളിൽ…