Month: February 2020

ബെംഗളൂരു : കൊലപാതകക്കേസിൽ ഒളിവിൽകഴിഞ്ഞിരുന്ന പ്രതിയെ പൊലീസ് കാൽമുട്ടിന് വെടിവച്ചുവീഴ്ത്തി പിടികൂടി. സീഫൻ ഫെർണാണ്ടസ് (29) നെയാണ് സാലദേവനഹള്ളി, ബാഗൽകുണ്ഡ സ്റ്റേഷനുകളിലെ പൊലീസുകാർ പിടികൂടിയത്. മലസാന്ദ്രയിലെ താമസസ്ഥലത്ത് നിന്നാണ് സ്ത്രീഫനെ പിടികൂടിയത്. പൊലീസിനെ കണ്ടതോടെ ഓടിരക്ഷപ്പെടാൻ ശ്രമിച്ച സ്റ്റീഫനെ ബാഗൽകുണ്ഡപൊലീസ് ഇൻസ്പെക്ടർ വെടിവച്ച് വീഴ്ത്തുകയായിരുന്നു. കാലിന് പരുക്കേറ്റ ഇയാളെ സ്വകാര്യ ആശുപത്രിയിൽ പ്രവേശിപ്പിച്ചു.

ബെംഗളുരു : കലബുറഗിയിൽ മതവിദ്വേഷ പ്രസംഗം നടത്തിയതിന് ഓൾ ഇന്ത്യ മജ്ലിസ്-ഇ-ഇത്തെഹാദ് അൽ മുസ്ലിമീൻ (എഐഎംഐഎം) നേതാവ് വാരിസ് പത്താനെതിരെപൊലീസ് കേസെടുത്തു. പൗരത്വനിയമത്തിനെതിരെ 15നു റാലിയിലായിരുന്നു വിവാദ പ്രസംഗം. രാജ്യത്ത് മുസ്ലിംകൾ 15 കോടിയേ ഉള്ളു എങ്കിലും 100 കോടി ഹിന്ദുക്കളെക്കാൾ ശക്തരാണെന്ന തരത്തിൽ പ്രസംഗിച്ചെന്ന പരാതിയിലാണു കേസെടുത്തത്. 29നു ചോദ്യം ചെയ്യലിനു ഹാജരാകാൻ ആവശ്യപ്പെട്ടിട്ടുണ്ടന്നു കലബുറഗി പൊലീസ് കമിഷണർ എം.എൻ നാഗരാജ് പറഞ്ഞു.

ബെംഗളൂരു:പാകിസ്താൻ അനുകൂല മുദ്രാവാക്യം വിളിച്ചതിന് അറസ്റ്റിലായ വിദ്യാർഥിനി അമൂല്യ ലിയോണയ്ക്കെതിരേ അന്വേഷണത്തിന് ബെംഗളൂരു പോലീസ് പ്രത്യേകസംഘത്തെ നിയോഗിച്ചു. അമൂല്യയുടെ സാമൂഹികമാധ്യമങ്ങളിലെ പോസ്റ്റുകളെക്കുറിച്ചും പൊതുരംഗത്തെ ഇടപെടലുകളെക്കുറിച്ചും അന്വേഷിക്കുന്നതിനുവേണ്ടിയാണ് പ്രത്യേകസംഘത്തെ നിയോഗിച്ചത്. അമൂല്യയ്ക്ക് മാവോവാദി സംഘങ്ങളുമായി ബന്ധമുണ്ടെന്ന് മുഖ്യമന്ത്രി ബി.എസ്. യെദ്യൂരപ്പ ആരോപിച്ചിരുന്നു. ഇതും അന്വേഷണത്തിൽ ഉൾപ്പെടും. പൗരത്വനിയമ ഭേദഗതിക്കെതിരേനടന്ന പ്രതിഷേധത്തിൽ അമൂല്യ പാകിസ്താൻ അനുകൂല മുദ്രാവാക്യം വിളിച്ചതിനുപിന്നിൽ ചില സംഘങ്ങളുണ്ടെന്നാണ് പോലീസ് കണ്ടെത്തൽ. ഇതിന്റെ അടിസ്ഥാനത്തിലാണ് അമൂല്യയ്ക്ക് മാവോവാദിബന്ധമുണ്ടെന്ന് മുഖ്യമന്ത്രി ആരോപിച്ചത്. ചിക്കമഗളൂരുവിലെ അമൂല്യയുടെ വീടിനുനേരെ സംഘപരിവാർ സംഘടനകൾ ആക്രമണം നടത്തിയതിന്റെ അടിസ്ഥാനത്തിൽ കുടുംബാംഗങ്ങൾക്ക് പോലീസ്…