Day: 7 February 2020

ബെംഗളൂരു : നാലുനിലക്കെട്ടിടം ചെരിഞ്ഞു, 30 ഓളം വരുന്ന താമസക്കാർ കെട്ടിടത്തിൽ നിന്നും ഒഴിഞ്ഞു പോയി. ആർക്കും പരിക്കില്ല, ഹെബ്ബാൾ കെംപാ പുരയിലെ വിനായക നഗറിൽ ആണ് സംഭവം. സമീപത്തെ ഏതാനും വീട്ടുകാരോട് ഒഴിഞ്ഞു പോകാൻ പോലീസ് ആവശ്യപ്പെട്ടു കഴിഞ്ഞു. സമീപത്ത് നിർമാണാവശ്യത്തിനായി തറനിരപ്പിൽൽ കുഴിയെടുത്തതാണ് കെട്ടിടത്തിന് കേടുപാട് സംഭവിക്കാൻ കാരണമെന്നാണ് ആദ്യ നിഗമനം. വിഷയം സാമൂഹിക മാധ്യമങ്ങളിലും തരംഗമായി. Leaning building of Bengaluru: 31 flee as structure tilts https://t.co/NpmASVmPZ4 pic.twitter.com/10ic2r7h9j — Quickclarity (@quickclarity) February 6, 2020…

ബെംഗളൂരു:ഹൃദയസംബന്ധമായ അസുഖത്തെത്തുടർന്ന് അവശനിലയിലായ 40 ദിവസം പ്രായമായ കുഞ്ഞിനെ മംഗളൂരുവിൽനിന്ന് ബെംഗളൂരുവിലെത്തിക്കാൻ നാടൊരുമിച്ചു. ആംബുലൻസിന് സുഗമമായ വഴിയൊരുക്കാൻ കർണാടക പോലീസിന്റെ നേതൃത്വത്തിൽ സീറോ ട്രാഫിക് ഏർപ്പെടുത്തിയപ്പോൾ നാലരമണിക്കൂറുകൊണ്ടാണ് കെ.എം.സി.സി.യുടെ ആംബുലൻസ് ബെംഗളൂരുവിലെത്തിയത്. വഴിയിൽ പൊതുജനങ്ങളും സ്വന്തം വാഹനം ഒതുക്കി ആംബുലൻസിന് വഴിനൽകി. മുമ്പ് ബെംഗളൂരുവിൽ നിന്ന് കോഴിക്കോട്ടേക്കും സമാനമായി ആംബുലൻസ് ഓടിച്ച ഹനീഫാണ് ഇത്തവണയും ആംബുലൻസിന്റെ ഡ്രൈവിങ് സീറ്റിലുണ്ടായിരുന്നത്. മംഗളൂരു സ്വദേശിയായ ഹാരിസ് ഗുരുകെട്ടയുടെ മകൻ സൈഫുൽ അസ്മാനെയാണ് വിദഗ്ധ ചികിത്സയ്ക്കായി ബെംഗളൂരു ജയദേവ ആശുപത്രിയിലെത്തിച്ചത്. മംഗളൂരുവിലെ ഫാദർ മുള്ളർ ആശുപത്രിയിലാണ് കുഞ്ഞിനെ പ്രവേശിപ്പിച്ചിരുന്നത്.…

ബെംഗളുരു: വാഹനാപകടത്തിൽ മരിച്ച ട്രാഫിക് പൊലീസുകാരന്റെ കണ്ണുകൾ 2 പേർക്കുകാഴ്ച നൽകും. നന്ദിനി ലേഔട്ട് പൊലീസ് സ്റ്റേഷനിലെ ഹെഡ്കോൺസ്റ്റബിൾ എസ്.വൈ.ഭകാറാം (44) ന്റെ കണ്ണുകളാണു മരണശേഷം ബന്ധുക്കൾ രാജ്കുമാർ നേത്ര ബാങ്കിന് കൈമാറിയത്. വിദ്യാരണ്യപുര സപ്തഗിരി ലേഔട്ടിൽ താമസിച്ചിരുന്ന ഭകാറാം ബൈക്കിൽ വീട്ടിലേക്ക് വരുന്നതിനിടെയാണ് യശ്വന്ത്പുര പൈപ്പ് ലൈൻ റോഡിൽ എതിരെ വന്ന ലോറിയിടിച്ച് മരിച്ചത്. അമിത വേഗത്തിലെത്തിയ ലോറി മീഡിയനിൽ ഇടിച്ചുകയറി ബൈക്കിൽ ഇടിക്കുകയായിരുന്നു. ലോറി ഡ്രൈവർ ഹരിപ്രസാദ് (31) നെ യശ്വന്ത്പുര പൊലീസ്അറസ്റ്റ് ചെയ്തു. ഭക്സാറാമിന്റെ ഭാര്യ സുമംഗല കാഴ്ച വൈകല്യത്തിന്…

ബെംഗളൂരു: ലഹരിമരുന്നു വ്യാപാര റാക്കറ്റിന്റെ ഭാഗമായ 2 മലയാളികളെ ബെംഗളൂരു പൊലീസിന് കീഴിലെ സെൻട്രൽ ക്രെംബ്രാഞ്ച് (സിസിബി) അറസ്റ്റ്ചെയ്തു. വയനാടു സ്വദേശി ഷിന്റോ തോമസ് (35), തിരുവനന്തപുരത്തു നിന്നുള്ള താജുദ്ദീൻ തലത്ത് (29) എന്നിവരാണ് അറസ്റ്റിലായത്. ഇവരിൽ നിന്ന് 4.350 കിലോഗ്രാം ഹഷീഷ് ഓയിൽ, 21 കിലോഗ്രാം കഞ്ചാവ്, 9300 രൂപ, 2 മൊബൈൽ ഫോണുകൾ തുടങ്ങിയവയും പിടിച്ചെടുത്തു. കഞ്ചാവ് പൊടിക്കാൻ ഉപയോഗിക്കുന്ന ഉപകരണങ്ങൾ, ലഹരിമരുന്നു നിറയ്ക്കാനുള്ള 450 ഒഴിഞ്ഞ ചെറുപെട്ടികൾ തുടങ്ങിയവയും പിന്നീട് ഇവരുടെ താമസ സ്ഥലത്തു നിന്നു കണ്ടെടുത്തതായി പൊലീസ് പറഞ്ഞു.