Month: January 2020

ബെംഗളൂരു:  നഗരത്തിൽ ആട്ടിറച്ചി വില കുതിച്ചുയരുന്നു. മേൽത്തരം ഇറച്ചിക്ക് കിലോയ്ക്ക് 800 മുതൽ 1000 രൂപവരെയായി ഉയർന്നു. വടക്കൻ കർണാടകയിൽ നിന്ന് ആടുകളുടെ വരവ് കുറഞ്ഞതാ ണ് വില വർധനയ്ക്ക് കാരണമെന്ന് വ്യാപാരികൾ പറയുന്നു. പ്രളയത്തെ തുടർന്ന് ആടുവളർത്തൽ കേന്ദ്രങ്ങൾക്ക് വ്യാപക നാശനഷ്ടമുണ്ടായി. ഇതോടെ ഉൽപാദനം  പാതിയായികുവില കുതിച്ചുയരാൻ കാരണമായത്. പ്രായമായ ചെമ്മരിയാടുകളുടെ ഇറച്ചിക്ക് കിലോയ്ക്ക് 500 മുതൽ 650 രൂപവരെയാണ് വില. കൊപ്പാൾ, അത്താണി, ബാഗൽകോട്ട്, ചിത്രദുർഗ എന്നിവിടങ്ങളിൽ നിന്നാണ് നഗരത്തിലേക്ക് കൂടുതലായി ഇറച്ചിആടുകളെ എത്തിക്കുന്നത്.

ബെംഗളൂരു : ഏകദേശം ഒന്നര മാസത്തോളമായി വൈറ്റ് ടോപ്പിംങ് ജോലികൾക്കായി അടച്ചിട്ടിരുന്ന ഹൊസൂർ റോഡിലെ ഡയറി സർക്കിൾ മുതൽ ഫോറത്തിന് മുൻപിലൂടെയുള്ള ഒന്നര കിലോമീറ്റർ ദൂരം ഇരു വശത്തേക്കുമുള്ള വാഹന ഗതാഗതത്തിനായി തുറന്നു കൊടുത്തു. ഒരു വശത്തേക്കുള്ള വൈറ്റ് ടോപ്പിങ് ജോലികൾ കഴിഞ്ഞതിനാലാണ് ഇത്. ഡയറി മുതൽ സെന്റ് ജോൺസ് ആശുപത്രിയുടെ ദിശയിലേക്കുള്ള ട്രാക്കിലെ ജോലികൾ ആണ് പൂർത്തിയായത്, തിരിച്ചുള്ള പാതയുടെ ജോലി പിന്നീട് പൂർത്തിയാക്കും. ആദ്യമെ വലിയ ഗതാഗതക്കുരുക്ക് ഉണ്ടായിരുന്ന ഇവിടെ, ബി.ടി.എം ചെക്ക് പോസ്റ്റിലെ ജയദേവ മേൽപ്പാലം മെട്രോ ജോലിക്ക് വേണ്ടി…

ബെംഗളൂരു : നഗരത്തിലെ വല്ലതും തിരക്കുകൂടിയതുമായ ചന്തയാണ് കൃഷ്ണ രാജേന്ദ്ര മാർക്കെറ്റ് എന്നറിയപ്പെടുന്ന കെ ആർ മാർക്കറ്റ്. ഈ മാർക്കറ്റിന്റെ കവാടത്തിൽ മഹാനഗര പാലിഗെ സ്ഥാപിച്ച ബോർഡ് ആണ് ഇപ്പോൾ വാർത്തയാകുന്നത്. നിരവധി ബിസിനസ് നടക്കുന്ന ചന്തയിൽ ആളുകൾ സ്വന്തം റിസ്ക്കിൽ പ്രവേശിക്കണമെന്നാണ് ബോർഡിൽ എഴുതിയിരിക്കുന്നത്. നിരവധി അനധികൃതമായ കടകൾ ഒഴിപ്പിക്കുന്ന നടപടികളും നിർമാണ പ്രവർത്തിക്കും അവിടെ നടന്നു വരുന്നുണ്ട്.

ബെംഗളൂരു:ബെംഗളൂരു കോർപ്പറേഷൻ മഹാദേവപുര സോണിൽ മലിനജല ശുദ്ധീകരണ പ്ലാന്റുകളില്ലാത്ത പാർപ്പിട സമുച്ചയങ്ങൾക്ക് മലിനീകരണ നിയന്ത്രണബോർഡ് പിഴചുമത്തി. 495 വൻകിട പാർപ്പിട സമുച്ചയങ്ങൾക്ക് ആകെ 291 കോടി രൂപയാണ് പിഴ ചുമത്തിയിരിക്കുന്നത്. 5000 രൂപമുതൽ മൂന്നുകോടി രൂപവരെ വിവിധ പാർപ്പിട സമുച്ചയങ്ങൾ പിഴയൊടുക്കണം. 15 ദിവസത്തിനുള്ളിൽ പിഴയടച്ചില്ലെങ്കിൽ അപ്പാർട്ട്മെന്റിലേക്കുള്ള കുടിവെള്ള വിതരണം ഉൾപ്പെടെ നിർത്തിവെക്കുമെന്ന് മലിനീകരണ നിയന്ത്രയണ ബോർഡ് വ്യക്തമാക്കി. വൻകിട പാർപ്പിട സമുച്ചയങ്ങൾ സ്വന്തമായി മലിനജല ശുദ്ധീകരണ പ്ലാന്റ് സ്ഥാപിക്കണമെന്ന് നേരത്തേ മലിനീകരണ നിയന്ത്രണബോർഡ് കർശന നിർദേശം നൽകിയിരുന്നു. തുടർന്ന് നടന്ന പരിശോധനയിൽ ഒട്ടേറെ…

ബെംഗളുരു :താനുൾപ്പെടെ 15 പേർക്കു ലഭിച്ച ഭീഷണിക്കത്തിനു പിന്നിൽ സംഘപരിവാർ സംഘടനകളാണെന്ന് ആരോപിച്ച് ജനതാ ദൾ (എസ്) നേതാവും മുൻ മുഖ്യമന്ത്രിയുമായഎച്ച്.ഡി. കുമാരസ്വാമി. ഇത്തരം ഭീഷണികൾക്കൊന്നും തന്നെ നിശ്ശബ്ദനാക്കാനാകില്ലെന്നും അദ്ദേഹം പറഞ്ഞു. ബിജെപിയുമായി ബന്ധമുള്ള സംഘടനകൾ മറ്റു സമുദായങ്ങളിലെ തീവ്രവാദ പ്രവർത്തനങ്ങളെക്കുറിച്ചു വാചാലരാകും. എന്നാൽഅവർക്കിടയിലും തീവ്രവാദികളുണ്ട്.വളരെ കരുതലോടെയാണ് അവർപ്രവർത്തിക്കുന്നതെന്നും കുമാരസ്വാമിആരോപിച്ചു.