Day: 1 November 2019

ബെംഗളൂരു: നഗരത്തിൽ ഐ.എം.എ. ജൂവലറി തട്ടിപ്പിനുപിന്നാലെ കോടികളുടെ മറ്റൊരു നിക്ഷേപത്തട്ടിപ്പുകൂടി പുറത്തായി. നഗരത്തിലെ കാൻവ സൗഹാർദ സഹകരണസൊസൈറ്റി ലിമിറ്റഡിന്റെ പേരിലാണ് നിക്ഷേപകർ പരാതിയുമായി രംഗത്തെത്തിയത്. സൊസൈറ്റി എം.ഡി. നഞ്ചുണ്ടയ്യ, സി.ഇ.ഒ. പ്രക്താത്, ഭാര്യ പൂജ എന്നിവരെപ്പറ്റി യാതൊരു വിവരവുമില്ലെന്നാരോപിച്ച് വ്യാഴാഴ്ച നിക്ഷേപകർ സൊസൈറ്റിക്കുമുന്നിൽ പ്രതിഷേധപ്രകടനം നടത്തി. ജീവനക്കാരോട് തട്ടിക്കയറാൻശ്രമിച്ച പ്രതിഷേധക്കാരെ പോലീസെത്തിയാണ് നിയന്ത്രിച്ചത്. നിക്ഷേപിച്ച പണം തിരികെലഭിക്കണമെന്നാണ് പ്രതിഷേധക്കാരുടെ ആവശ്യം. 12,000-ത്തോളംപേരാണ് സൊസൈറ്റിയിൽ നിക്ഷേപം നടത്തിയിട്ടുള്ളത്. കോടികളുടെ നിക്ഷേപമുള്ള സൊസൈറ്റിയാണിതെന്ന് പോലീസ് പറഞ്ഞു. പരാതിയുടെ അടിസ്ഥാനത്തിൽ ബസവേശ്വരനഗർ പോലീസ് കേസെടുത്തു.

ബെംഗളൂരു: കെ.എസ്.ആർ. ബെംഗളൂരു – മൈസൂരു മെമു (66551) തീവണ്ടി സ്ത്രീകൾക്ക് പ്രത്യേക കോച്ചുകളുമായി സർവീസ് ആരംഭിച്ചു. മാണ്ഡ്യ റെയിൽവേ സ്റ്റേഷനിൽ സുമലത അംബരീഷ് എം.പി. ഫ്ളാഗ് ഓഫ് ചെയ്തു. 16 കോച്ചുകളുള്ള തീവണ്ടിയിൽ രണ്ടുകോച്ചുകൾ ഇനി സ്ത്രീകൾക്ക് മാത്രമായിരിക്കും. തീവണ്ടിയിൽ സ്ത്രീകൾക്കായി പ്രത്യേകം കോച്ചുവേണമെന്നത് ദീർഘകാലമായുള്ള ആവശ്യമായിരുന്നു. അടുത്തിടെ ബെംഗളൂരുവിൽ എം.പി.മാരും ദക്ഷിണ പശ്ചിമ റെയിൽവേ ജനറൽ മാനേജരുമായി നടത്തിയ ചർച്ചയിൽ സുമലത ഇക്കാര്യം ആവശ്യപ്പെട്ടിരുന്നു.

ബെംഗളൂരു : 50 വർഷം മുൻപ് ‘മരിച്ച’ വ്യക്തി ഈ വർഷത്തെ ദീപാവലി കുടുംബത്തിനൊപ്പം ആഘോഷിച്ചു. കർണാടകയിലെ ചിത്രനായകനഹള്ളിയിലാണു വേറിട്ട സംഭവം. അരനൂറ്റാണ്ട് മുൻപ് മുപ്പതാം വയസിൽ സന്ന എരണ്ണ മരിച്ചുവെന്നാണ് എല്ലാവരും കരുതിയത്. അന്ന് വീട്ടുകാർ മൃതദേഹം സംസ്കരിക്കുകയും ചെയ്തു. എന്നാൽ ദിവസങ്ങൾക്ക് മുൻപ് ഇയാളെ ആന്ധ്രയിൽ കണ്ടതായി കുടുംബത്തിന് വിവരം ലഭിച്ചു. ഇതിനു പിന്നാലെ നടത്തിയ അന്വേഷണമാണ് സത്യം പുറത്തെത്തിച്ചത്. ഇപ്പോൾ 80 വയസ്സുണ്ട് സന്ന എരണ്ണയ്ക്ക്.  മുപ്പതുവയസുള്ളപ്പോൾ ഇയാളെ കാണാതായി. വീട്ടുകാരും നാട്ടുകാരും ഒരുപാട് അന്വേഷിച്ചെങ്കിലും കണ്ടെത്താനായില്ല. ആ സമയത്താണു…

ബെംഗളൂരു : ജനതാദൾ എസിൽ നിന്നും ബിജെപിയിലേക്കും കോൺഗ്രസിലേക്കും കൂറുമാറാൻ ഒരുങ്ങുന്ന അസംതൃപ്തരെ മലേഷ്യയിലേക്ക് കൊണ്ടുപോയി അനുനയിപ്പിക്കാൻ നിയമസഭാകക്ഷി നേതാവ് കുമാരസ്വാമി നടത്തിയ ശ്രമം പാളി . ഡിസംബർ അഞ്ചിന് 15 നിയമസഭാ മണ്ഡലങ്ങളിൽ നടക്കാനിരിക്കുന്ന ഉപതെരഞ്ഞെടുപ്പിന്റെ പശ്ചാത്തലത്തിലാണ് ജെഡിഎസ് സിൽ ഒരു വിഭാഗം എംഎൽഎമാരും എം എൽ സി മാരും കൂറുമാറ്റ നീക്കം നടത്തുന്നത്. ഇന്ന് മലേഷ്യയിലേക്ക് പോകാനായി ടിക്കറ്റും താമസ സൗകര്യവും മറ്റും ഒരുക്കിയിരുന്നു എന്നാൽ ഇവർ ക്ഷണം നിരസിച്ചതിനാൽ നീക്കം പരാജയപ്പെട്ടു. രാജി ഭീഷണി മുഴക്കി നേതൃത്വത്തിന് എതിരെ രംഗത്ത്…