Day: 4 March 2019

ബെംഗളൂരു : ബെംഗളൂരു മുതല്‍ മൈസുരു വരെയുള്ള എല്ലാ റെയില്‍വേ സ്റ്റേഷനുകളിലും സൌജന്യ വൈ ഫൈ സംവിധാനം ഏര്‍പ്പെടുത്തിയതായി ദക്ഷിണ പശ്ചിമ റെയില്‍വേ അറിയിച്ചു.2014 ല്‍ ബെംഗളൂരു സിറ്റിയില്‍ വൈ ഫൈ സംവിധാനം ഏര്‍പ്പെടുത്തിയിരുന്നു ,ഈ റൂട്ടില്‍ പതിനേഴ്‌ സ്റ്റേഷനുകളില്‍ വൈ ഫൈ സംവിധാനം ഏര്‍പ്പെടുത്തി. കെങ്കേരി,ബിടഡി,രാമനഗര,ചന്നപട്ടന്ന,മദ്ദൂര്‍,മാണ്ട്യ,ശ്രീരംഗ പട്ടണം,മൈസുരു,നയന്തനഹള്ളി,ഹെജ്ജല,ഷെട്ടി ഹള്ളി,ഹനക്കാരെ,യെളിയുര്‍,ബൈദര ഹള്ളി,പാണ്ഡവപുര,നാഗനഹള്ളി എന്നീ സ്റ്റേഷനുകളില്‍ ആണ് വൈ ഫൈ സംവിധാനം നിലവില്‍ വന്നത്. മൊബൈല്‍ നമ്പര്‍ നല്‍കിയതിനു ശേഷം അതില്‍ വരുന്ന ഓ ടി പി ഉപയോഗിച്ചാണ്‌ ലോഗിന്‍ ചെയ്യേണ്ടത്.

ബെംഗളൂരു : 80കളിലെ അവസാനത്തിൽ ദൂരദർശന്റെ സ്ഥിരം പ്രേക്ഷകർക്ക് മാൽഗുഡി ഡേയ്സ് നെ കുറിച്ച് എന്തെങ്കിലും പറഞ്ഞു കൊടുക്കേണ്ടതുണ്ടെന്ന് തോന്നുന്നില്ല. ആർകെ നാരായണൻ എഴുതി കന്നഡയിലെ ഗതകാലത്തെ സൂപ്പർ താരം ശങ്കർ നാഗ് സംവിധാനം ചെയ്ത സീരിയൽ ഇന്നും ഒരു തലമുറക്ക് ഗൃഹാതുരത്വമുണർത്തുന്നതാണ്. മഴക്കാടുകൾ നിറഞ്ഞ അഗുംബെ ഗ്രാമം ഈ സീരിയലിലൂടെയാണ് പ്രശ്സ്തമായത്. മാൽഗുഡി ഡേസ് ചിത്രീകരിച്ച അരസലു എന്ന റെയിൽവേ സ്റ്റേഷന്റെ പേര് മാൽഗുഡി എന്ന് പുനർ നാമകരണം ചെയ്യാൻ റെയിൽവേ ഒരുങ്ങുന്നു.ശിവമൊഗ്ഗ-തലഗുപ്പ പാതയിലാണ് ഈ സ്റ്റേഷൻ. ഈ സറ്റേഷന്റെ വികസനത്തിന് 1.3…

ബെംഗളൂരു: ലോക്‌സഭാ തിരഞ്ഞെടുപ്പ് അടുത്തതോടെ സംസ്ഥാനത്ത് കൂറുമാറ്റത്തിന്റെ കാലമായി. ബി.ജെ.പി. നേതാവ് ബി. ശ്രീരാമുലുവിന്റെ അടുത്ത അനുയായിയായിരുന്ന തിപ്പസ്വാമി കോൺഗ്രസിൽ ചേർന്നതോടെയാണ് നേതാക്കളുടെ കളംമാറ്റത്തിന് തുടക്കമായത്. വരും ദിവസങ്ങളിൽ കൂടുതൽ പേർ കളംമാറുമെന്നാണ് പാർട്ടി നേതൃത്വങ്ങളിൽനിന്ന് ലഭിക്കുന്ന വിവരം. കഴിഞ്ഞ നിയമസഭാ തിരഞ്ഞെടുപ്പിൽ സീറ്റ് നിഷേധിച്ചതിനെത്തുടർന്ന് തിപ്പസ്വാമി സ്വതന്ത്ര സ്ഥാനാർഥിയായി മത്സരിച്ചിരുന്നു. തുടർന്നാണ് കോൺഗ്രസിലേക്ക് ചേക്കേറിയത്. 2013-ൽ ശ്രീരാമുലുവിന്റെ ബി.എസ്.ആർ. കോൺഗ്രസ് സ്ഥാനാർഥിയായി മൊളകുൽമുരുവിൽനിന്ന് വിജയിച്ച തിപ്പസ്വാമി മേഖലയിലെ പിന്നാക്ക നേതാവാണ്. ബല്ലാരി, ചിത്രദുർഗ ജില്ലകളിലായി ബി.ജെ.പി.യിൽ നിന്ന് കൂടുതൽപേർ പാർട്ടിയിൽ ചേരുമെന്ന് കോൺഗ്രസ്…

ബെംഗളൂരു: മാണ്ഡ്യ ലോക്‌സഭാ സീറ്റിനെച്ചൊല്ലി കോൺഗ്രസും ജനതാദൾ- എസും തർക്കം തുടരുന്നതിനിടെ സുമലത മാണ്ഡ്യയിൽ പ്രചാരണം തുടങ്ങി. പ്രാദേശിക കോൺഗ്രസ് നേതാക്കളുടെ പിന്തുണയോടെ ക്ഷേത്രങ്ങളും മഠങ്ങളും സന്ദർശിച്ചും ആരാധകരുമായി കൂടിക്കാഴ്ച നടത്തിയുമാണ് അവർ ജനങ്ങളുടെ പിന്തുണ തേടുന്നത്. സുമലതയുടെ ഭർത്താവും അന്തരിച്ച കോൺഗ്രസ് നേതാവുമായ അംബരീഷ് മൂന്ന് തവണയാണ് മാണ്ഡ്യയിൽനിന്ന്‌ വിജയിച്ചത്. അദ്ദേഹത്തിന്റെ തട്ടകത്തിൽ ഇക്കുറി മത്സരിക്കുമെന്ന ഉറച്ച നിലപാടിലാണ് സുമലത. കന്നഡ സിനിമാലോകവും പിന്തുണ അറിയിച്ചിട്ടുണ്ട്. മുൻ മുഖ്യമന്ത്രി സിദ്ധരാമയ്യയെ കണ്ട് മാണ്ഡ്യയിൽ മത്സരിക്കണമെന്ന ആഗ്രഹവും അവർ പ്രകടിപ്പിച്ചതാണ്. എന്നാൽ തങ്ങളുടെ സിറ്റിങ്…