വിയന: ലോകകപ്പിന് മുന്നോടിയായി ബ്രസീലിന് ഇന്ന് ഓസ്ട്രിയയുമായി അവസാന സന്നാഹപ്പോരാട്ടം. ഇന്ന് രാത്രി 7.30 നാണ് മത്സരം. ആദ്യ മത്സരത്തില്‍ ക്രൊയേഷ്യയെ 2-0നാണ് ബ്രസീല്‍ പരാജയപ്പെടുത്തിയത്.
പരിക്കില്‍നിന്ന് മോചിതനായ നെയ്മറിന്‍റെ വരവ് കോച്ച്‌ ടിറ്റെയുടെ ആത്മവിശ്വാസം ഉയര്‍ത്തുന്നുണ്ടെങ്കിലും പരിശീലനത്തിനിടെ പരിക്കേറ്റ ഫ്രെഡിന്‍റെ നില ആശങ്കയുണ്ടാക്കുന്നതാണ്.
അവസാന സന്നാഹ മത്സരത്തിൽ തുനീഷ്യക്കെതിരെ സ്പെയിന് കഷ്ടിച്ച് ജയിച്ചു. 84മത്തെ മിനിറ്റിൽ ഇയാഗോ അസ്പാസ് നേടിയ ഏകഗോളാണ് സ്പെയിന് രക്ഷയായത്.
കൂടാതെ, ഫ്രാൻസ്-യുഎസ് മത്സരത്തില്‍ ഇരുടീമും ഓരോ ഗോള്‍ വീതം നേടി. യുഎസിന് വേണ്ടി ഗ്രീനും ഫ്രാൻസിന് വേണ്ടി എംബാപെയും ആണ് വല കുലുക്കിയത്. മറ്റു മത്സരങ്ങളിൽ സ്വീഡനെ പെറു സമനിലയിൽ തളച്ചു. മെക്സിക്കോയെ ഡെന്മാർക്ക് എതിരില്ലാത്ത രണ്ട് ഗോളുകൾക്കാണ് തോൽപിച്ചത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
