Month: May 2018

ബെംഗളൂരു : സുപ്രീം കോടതി നിർദേശം അനുസരിച്ചു കാവേരിയിൽനിന്നു തമിഴ്നാടിനു ലഭിക്കേണ്ട ജലം വിട്ടുനൽകാൻ പുതിയ സർക്കാർ തയാറാകണമെന്നാവശ്യപ്പെട്ട നടൻ രജനികാന്തിനു മറുപടിയുമായി നിയുക്ത മുഖ്യമന്ത്രി എച്ച്.ഡി.കുമാരസ്വാമി. രജനികാന്തിനു കർണാടകയിൽ നേരിട്ടെത്തി സ്ഥിതിഗതികൾ വിലയിരുത്താം. ഇവിടെ വെള്ളം ഉണ്ടെങ്കിലേ തമിഴ്നാടിനു കൊടുക്കാൻ സാധിക്കൂ. കർണാടകയിലെ അണക്കെട്ടുകളിലെ സ്ഥിതി എന്താണെന്നും കർഷകരുടെ അവസ്ഥ എന്താണെന്നും അദ്ദേഹത്തിനു കണ്ടു മനസ്സിലാക്കാം. ഇതെല്ലാം കണ്ടതിനുശേഷവും വെള്ളം ആവശ്യപ്പെടുന്നുവെങ്കിൽ, അതു ചർച്ചചെയ്യാം. ഇവിടത്തെ സാഹചര്യം മനസ്സിലാക്കി രജനികാന്ത് നിലപാടു മാറ്റുമെന്നാണു തന്റെ വിശ്വാസമെന്നും കുമാരസ്വാമി പറഞ്ഞു.

മൈസൂരു: ബെംഗളൂരു-മൈസൂരു ദേശീയപാത വികസനത്തിന്റെ ഭാഗമായി 1615 മരങ്ങൾ വെട്ടിമാറ്റേണ്ടിവരുമെന്ന് ദേശീയപാത വികസന അതോറിറ്റി. റോ‍ഡ് നിർമാണത്തിനുള്ള ടെൻഡർ നടപടിയിലാണ് മുറിച്ച് മാറ്റേണ്ടി വരുന്ന മരങ്ങളുടെ കണക്ക് വ്യക്തമാക്കിയിരിക്കുന്നത്. പകരം മരങ്ങൾ വച്ചുപിടിപ്പിക്കുമെന്നും എൻഎച്ച്എഐ വിശദീകരിക്കുന്നു. രാമനഗര, ചന്നപട്ടണ, മണ്ഡ്യ, മദൂർ, ശ്രീരംഗപട്ടണ എന്നിവിടങ്ങളിലൂടെ കടന്നുപോകുന്ന 117 കിലോമീറ്റർ ദൂരം വരുന്ന പാത പത്ത് വരിയായാണ് വികസിപ്പിക്കുന്നത്. നിലവിലെ നാലുവരിപ്പാത എട്ട് വരിയായി വികസിപ്പിക്കുന്നതോടൊപ്പം രണ്ട് സർവീസ് റോഡുകളും നിർമിക്കും. എട്ട് പുതിയ മേൽപാലങ്ങളും തിരക്കേറിയ ജംക്‌ഷനുകളിൽ ബൈപാസ് റോഡുകളും നിർമിക്കും. റോഡ് വികസനം…

ബെംഗളൂരു : ജൂൺ നാലുമുതൽ അനിശ്ചിതകാല പണിമുടക്കിന് ആഹ്വാനം ചെയ്തു ബെംഗളൂരു മെട്രോ റെയിൽ കോർപറേഷൻ (ബിഎംആർസിഎൽ) ജീവനക്കാരുടെ യൂണിയൻ. ശമ്പളപരിഷ്കരണം, യൂണിയന് അംഗീകാരം തുടങ്ങിയ ആവശ്യങ്ങളുന്നയിച്ചു മാർച്ച് 23 മുതൽ അനിശ്ചിതകാല പണിമുടക്കിന് ആഹ്വാനം ചെയ്തിരുന്നു. പ്രശ്നം ചർച്ചയിലൂടെ പരിഹരിക്കാനുള്ള ഹൈക്കോടതി നിർദേശത്തെത്തുടർന്നാണ് അന്നു സമരം ഉപേക്ഷിച്ചത്. തുടർന്നു മാനേജ്മെന്റും യൂണിയൻ പ്രതിനിധികളും ഒരുമാസത്തിനിടെ പലവട്ടം ചർച്ച നടത്തിയെങ്കിലും പരിഹാരമുണ്ടായില്ല. കഴിഞ്ഞമാസം 28നു യൂണിയൻ വീണ്ടും പണിമുടക്കിന് ആഹ്വാനം ചെയ്തെങ്കിലും ഹൈക്കോടതി വീണ്ടും ഇടപെട്ടു മേയ് മൂന്നിനകം പ്രശ്നം പരിഹരിക്കാൻ മാനേജ്മെന്റിനോടും യൂണിയനോടും…