Day: 4 February 2018

ബെംഗളൂരു : കേന്ദ്രബജറ്റിൽ പ്രഖ്യാപിച്ച ദേശീയ ആരോഗ്യ സംരക്ഷണ പദ്ധതിയുടെ ചുവടുപിടിച്ച് കർണാടക സർക്കാർ ഈ മാസം സമഗ്ര ആരോഗ്യ പദ്ധതി (യുഎച്ച്സി) തുടക്കമിടും. ഇതോടെ സർക്കാരിന്റെ എല്ലാ ആരോഗ്യപദ്ധതികളും ഒരു കുടക്കീഴിൽ ലഭ്യമാക്കുന്ന യുഎച്ച്‌സി നടപ്പാക്കുന്ന ആദ്യ സംസ്ഥാനമാകും കർണാടക. വരുമാനം നോക്കാതെ കർണാടകയിലെ 1.43 കോടി കുടുംബങ്ങളെയും യുഎച്ച്സി പദ്ധതിയിൽ ഉൾപ്പെടുത്തും. സർക്കാർ ആശുപത്രികളിൽ ചികിൽസാ ചെലവിനു പരിധിയുണ്ടാകില്ല. പദ്ധതി നടത്തിപ്പിനു പ്രതിവർഷം 1500 കോടി രൂപയാണ് സർക്കാർ കണക്കാക്കുന്ന ചെലവ്. പദ്ധതിയിൽ അംഗങ്ങളാകുന്ന കുടുംബങ്ങൾക്കും വ്യക്തികൾക്കും യുഎച്ച്സി കാർഡുകൾ നൽകുമെന്ന്…

ബെംഗളൂരു : ബെംഗളൂരു രാജ്യാന്തര ചലച്ചിത്രമേളയിൽ കന്നഡ സിനിമകളുടെ പ്രോത്സാഹനത്തിനായി പ്രത്യേക പാക്കേജ് പ്രഖ്യാപിക്കും. മൈസൂരുവിലെ ഫിലിം സിറ്റിയുടെ നിർമാണ ഉദ്ഘാടനവും ഇതിന്റെ ഭാഗമായി നടത്തും. പ്രാദേശിക സിനിമകളുടെ ചിത്രീകരണത്തിന് കുറഞ്ഞ നിരക്കിൽ ഷൂട്ടിങ് ലോക്കേഷനുകൾ നൽകുന്നതും പരിഗണനയിലാണ് കർണാടക ചലനച്ചിത്ര അക്കാദമി ചെയർമാൻ എസ്.വി.രാജേന്ദ്ര സിങ് ബാബു പറഞ്ഞു. ഫെബ്രുവരി 22 മുതൽ മാർച്ച് ഒന്നുവരെ നീളുന്ന ചലച്ചിത്രമേള ബെംഗളൂരുവിലെ 15 സ്ക്രീനുകളിലായാണ് പ്രദർശിപ്പിക്കുന്നത്. 9000 ഡെലിഗേറ്റുകളെയാണ് പ്രതീക്ഷിക്കുന്നതെന്നും രാജേന്ദ്ര സിങ് പറഞ്ഞു.

ബെംഗളൂരു : മൂന്നു ഹെലിപാ‍ഡ്, 20 എൽഇഡി സ്ക്രീൻ, ലക്ഷക്കണക്കിനു പ്രവർത്തകർ… ഇന്നു പാലസ് ഗ്രൗണ്ടിൽ പ്രധാനമന്ത്രി നരേന്ദ്ര മോദി പങ്കെടുക്കുന്ന പരിപാടി ഗംഭീരമാക്കാനുള്ള സർവസന്നാഹങ്ങളും ബിജെപി ഒരുക്കിക്കഴിഞ്ഞു. പാർട്ടി സംസ്ഥാനാധ്യക്ഷൻ ബി.എസ്.യെഡിയൂരപ്പയുടെ നേതൃത്വത്തിൽ നടന്ന 90 ദിവസത്തെ കർണാടക പരിവർത്തനയാത്രയുടെ സമാപന സമ്മേളനത്തെ അഭിസംബോധന ചെയ്യാനാണു മോദിയെത്തുന്നത്. കന്നഡ സംഘടനകൾ ഇന്നു പ്രഖ്യാപിച്ചിരുന്ന ബെംഗളൂരു ബന്ദ് പിൻവലിക്കുകകൂടി ചെയ്തതോടെ സംസ്ഥാനത്തിന്റെ വിവിധ ഭാഗങ്ങളിൽനിന്നായി ലക്ഷക്കണക്കിനു പ്രവർത്തകരെ സമ്മേളനത്തിൽ പങ്കെടുപ്പിക്കാനാകുമെന്ന വിശ്വാസത്തിലാണു ബിജെപി. ചിത്രദുർഗയിൽനിന്നുമാത്രം 25000 പ്രവർത്തകർ എത്തുമെന്നു പാർട്ടി നേതാക്കൾ പറയുന്നു. സമ്മേളനത്തിൽ…