ബെംഗളൂരു : നമ്മ മെട്രോ രണ്ടാംഘട്ട പദ്ധതിക്കു യൂറോപ്യൻ ഇൻവെസ്റ്റ്മെന്റ് ബാങ്ക് (ഇഐബി) 500 ദശലക്ഷം യൂറോ (ഏകദേശം 3900 കോടി രൂപ) വായ്പ നൽകും. ഭൂഗർഭപാത ഉൾപ്പെടുന്ന 21 കിലോമീറ്റർ ഗോട്ടിഗെരെ–നാഗവാര (റെഡ്‌ലൈൻ) പാതയുടെ നിർമാണത്തിനുള്ള തുക രണ്ടു ഘട്ടങ്ങളിലായാകും നൽകുക. ഇതുസംബന്ധിച്ച് ബെംഗളൂരു മെട്രോ റെയിൽ കോർപറേഷൻ (ബിഎംആർസിഎൽ) എംഡി മഹേന്ദ്ര ജെയിനും ഇഐബി സീനിയർ ലോൺ ഓഫിസർ സുനിത ലുക്കൂവും കരാർ ഒപ്പിട്ടു.
ഗോട്ടിഗെരെ–നാഗവാര പാതയുടെ നിർമാണത്തിനായി ബിഎംആർസിഎൽ ആകെ 800 ദശലക്ഷം യൂറോ (ഏകദേശം 6250 കോടി രൂപ) വായ്പയെടുക്കും. ഇതിൽ ശേഷിച്ച 300 ദശലക്ഷം യൂറോ ഏഷ്യൻ ഇൻഫ്രാസ്ട്രക്ചർ ഇൻവെസ്റ്റ്മെന്റ് ബാങ്ക് (എഐഐബി) വായ്പ നൽകും. ഭാവിയിൽ വിമാനത്താവളത്തിലേക്കു ബന്ധിപ്പിക്കുന്ന മെട്രോ പാത ആയതിനാൽ നമ്മ മെട്രോ നെറ്റ്‌വർക്കിൽ ഏറ്റവും തിരക്കേറിയ റൂട്ടായിരിക്കും ഇത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.
If you cannot read Malayalam,Download BengaluruVartha Android app from Google play store and Click On the News Reader Button.
Related
