Year: 2017

ബെംഗളൂരു∙ ദീപാവലിക്കു ബെംഗളൂരുവിൽ നിന്നു കേരളത്തിലേക്കുള്ള കർണാടക ആർടിസി സ്പെഷൽ സർവീസുകളിൽ റിസർവേഷൻ തുടങ്ങി. നാട്ടിലേക്കു വലിയ തിരക്കു പ്രതീക്ഷിക്കുന്ന 17നു കോട്ടയം (1), എറണാകുളം (2), തൃശൂർ (1), മൂന്നാർ (1), പാലക്കാട് (1) എന്നിവിടങ്ങളിലേക്കാണ് സ്പെഷൽ സർവീസുകൾ അനുവദിച്ചത്. തിരക്കനുസരിച്ചു വരുംദിവസങ്ങളിൽ കൂടുതൽ സ്പെഷലുകൾ പ്രഖ്യാപിക്കും. അതേസമയം ദീപാവലി ഇടദിവസമായതിനാൽ നാട്ടിലേക്കു വൻതിരക്കു പ്രതീക്ഷിക്കുന്നില്ല. പതിവു ബസുകളിലെ ടിക്കറ്റുകൾ തീരുന്നതനുസരിച്ചായിരിക്കും കേരള ആർടിസി ദീപാവലി സ്പെഷലുകൾ പ്രഖ്യാപിക്കുക. സ്കാനിയ കമ്പനിയിൽ നിന്നു വാടകയ്ക്കെടുത്ത പുതിയ എസി ബസുകളും ദീപാവലി ആകുമ്പോഴേക്കും സർവീസ്…

ബെംഗളൂരു ∙ മഴദൈവങ്ങൾ കനിയാനായി പൂജയർപ്പിച്ചും മേഘക്കൊയ്ത്തു നടത്തിയും കാത്തിരുന്നിട്ടൊടുവിൽ തുടർച്ചയായി മഴ പെയ്യാൻ തുടങ്ങിയപ്പോൾ നഗരനിരത്തുകൾ സാക്ഷാൽ നരകമായി. ഇന്നലെ ഉച്ചയോടെ ഇടിമിന്നലിന്റെ അകമ്പടിയോടെ പെയ്തിറങ്ങിയ കനത്ത മഴയിൽ ബൊമ്മനഹള്ളി, ഇലക്ട്രോണിക് സിറ്റി, വിദ്യാരണ്യപുര, യെലഹങ്ക മേഖലകൾ പെരുവെള്ളത്തിൽ മുങ്ങി. വൈകിട്ട് അഞ്ചുവരെ പെയ്ത 42 മില്ലിമീറ്റർ മഴയിൽ മരങ്ങൾ കടപുഴകി. മഞ്ജുനാഥ നഗറിൽ റോഡിലേക്കു മരം വീണതിനെ തുടർന്നു ഗുഡ്സ് ഓട്ടോറിക്ഷ തകർന്നു. എച്ച്എസ്ആർ ലേഒൗട്ടിലും ബൊമ്മനഹള്ളിയിലും വീടുകളിലേക്കു വെള്ളം കയറി. ഇലക്ട്രോണിക് സിറ്റി ഇൻഫോസിസ് പ്രധാന ക്യാംപസ് വെള്ളത്തിലാഴ്ന്നു. നായന്ദനഹള്ളിയിൽ…

ബെംഗളൂരു : കാതടപ്പിക്കുന്ന ശബ്ദത്തിൽ ഹോൺ മുഴക്കുന്ന വാഹനങ്ങൾക്കെതിരെ പൊലീസ് നടപടി ശക്തമാക്കി. ഇത്തരം ഹോൺ ഉപയോഗിച്ചതിനു നൂറുകണക്കിനു വാഹനങ്ങളാണ് ഇന്നലെ പിടിയിലായത്. പിഴ ഈടാക്കി ഹോണുകൾ അഴിച്ചെടുത്തശേഷമാണ് വാഹനങ്ങൾ വിട്ടുകൊടുത്തത്. പിടിയിലായവയിലേറെയും നഗരത്തിൽ നിന്നുള്ള ഹ്രസ്വദൂര സ്വകാര്യ ബസുകളായിരുന്നു. വരും ദിവസങ്ങളിലും പരിശോധന തുടരുമെന്നു ട്രാഫിക് പൊലീസ് വ്യക്തമാക്കി. ഇത്തരം ഹോണുകൾ കണ്ടെത്തി നീക്കം ചെയ്യാൻ എല്ലാ ഉദ്യോഗസ്ഥർക്കും നിർദേശം നൽകിയതായി അഡീഷനൽ കമ്മിഷണർ (ട്രാഫിക്) ആർ. ഹിതേന്ദ്ര പറഞ്ഞു. ടൗൺഹാൾ, ഹഡ്സൻ സർക്കിൾ, രാജാജി നഗർ എന്നിവിടങ്ങളിലെല്ലാം പൊലീസ് ഇന്നലെ ഹോൺ…