ബെംഗളൂരു∙ ദീപാവലിക്കു ബെംഗളൂരുവിൽ നിന്നു കേരളത്തിലേക്കുള്ള കർണാടക ആർടിസി സ്പെഷൽ സർവീസുകളിൽ റിസർവേഷൻ തുടങ്ങി. നാട്ടിലേക്കു വലിയ തിരക്കു പ്രതീക്ഷിക്കുന്ന 17നു കോട്ടയം (1), എറണാകുളം (2), തൃശൂർ (1), മൂന്നാർ (1), പാലക്കാട് (1) എന്നിവിടങ്ങളിലേക്കാണ് സ്പെഷൽ സർവീസുകൾ അനുവദിച്ചത്.
തിരക്കനുസരിച്ചു വരുംദിവസങ്ങളിൽ കൂടുതൽ സ്പെഷലുകൾ പ്രഖ്യാപിക്കും. അതേസമയം ദീപാവലി ഇടദിവസമായതിനാൽ നാട്ടിലേക്കു വൻതിരക്കു പ്രതീക്ഷിക്കുന്നില്ല. പതിവു ബസുകളിലെ ടിക്കറ്റുകൾ തീരുന്നതനുസരിച്ചായിരിക്കും കേരള ആർടിസി ദീപാവലി സ്പെഷലുകൾ പ്രഖ്യാപിക്കുക.
സ്കാനിയ കമ്പനിയിൽ നിന്നു വാടകയ്ക്കെടുത്ത പുതിയ എസി ബസുകളും ദീപാവലി ആകുമ്പോഴേക്കും സർവീസ് തുടങ്ങിയേക്കും. അതേസമയം ദീപാവലിക്കു സ്വകാര്യ ബസുകൾ ടിക്കറ്റ് ചാർജ് കുത്തനെ ഉയർത്തി. ബെംഗളൂരുവിൽ നിന്ന് എറണാകുളത്തേക്കും തിരുവനന്തപുരത്തേക്കും മൂവായിരം രൂപ വരെയാണ് ടിക്കറ്റ് ചാർജ്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
