Year: 2017

ബെംഗളൂരു∙ ദീപാവലി ആഘോഷത്തിന് പടക്കങ്ങൾ പൊട്ടിക്കുന്നതിനായി തുറന്ന സ്ഥലങ്ങൾ ഒരുക്കാൻ കർണാടക മലിനീകരണ നിയന്ത്രണ ബോർഡ് ബിബിഎംപിക്ക് നിർദേശം നൽകി. വീടുകൾക്ക് മുന്നിലും ഇടുങ്ങിയ വഴികളിലും പടക്കങ്ങൾ പൊട്ടിക്കുന്നത് അപകടങ്ങൾക്കിടയാക്കുന്ന സാഹചര്യത്തിലാണ് ബിബിഎംപി നിയന്ത്രണത്തിലുള്ള ഗ്രൗണ്ടുകളിൽ ഇതിനു വേണ്ട സൗകര്യമൊരുക്കാനുള്ള നിർദേശം. അപകടങ്ങളുണ്ടായാൽ നേരിടുന്നതിന് വേണ്ടി ആംബുലൻസ് അടക്കമുള്ള സൗകര്യങ്ങൾ ഒരുക്കണം. വിവിധ റസിഡന്റ്സ് അസോസിയേഷനുകളുടേയും സംഘടനകളുടേയും നേതൃത്വത്തിൽ ഗ്രൗണ്ടുകളിൽ ചടങ്ങുകൾ സംഘടിപ്പിക്കാൻ വേണ്ടിയുള്ള ക്രമീകരണങ്ങൾ നേരത്തെ ആരംഭിക്കണം. ആഘോഷത്തിനുശേഷം മാലിന്യങ്ങൾ നീക്കം ചെയ്യാനുള്ള ക്രമീകരണങ്ങളും ഏർപ്പെടുത്തണം.

ബെംഗളൂരു : തിരക്കനുസരിച്ചു യാത്രാക്കൂലി കുത്തനെ കൂടുന്ന ‘സർജ് പ്രൈസിങ്’ ഉണ്ടാകില്ലെന്ന വാഗ്ദാനവുമായി ടൈഗർ(ടിവൈജിആർ) വെബ്ടാക്സി സർവീസ് 25 മുതൽ. മുൻമുഖ്യമന്ത്രിയും ജനതാദൾ(എസ്) സംസ്ഥാന അധ്യക്ഷനുമായ എച്ച്.ഡി. കുമാരസ്വാമി നേതൃത്വം നൽകുന്ന സംരംഭമാണിത്. ഓല, ഊബർ കമ്പനികളിൽനിന്നു തെറ്റിപ്പിരിഞ്ഞ ഡ്രൈവർമാരുടെ കൂട്ടായ്മയാണ് നടത്തിപ്പുകാർ. പതിനായിരത്തോളം ടാക്സികൾ ഉപയോഗിച്ചാണ് ടൈഗർ ആപ് പ്രവർത്തനം തുടങ്ങുകയെന്നു കൂട്ടായ്മ നേതാവ് തൻവീർ പാഷ പറഞ്ഞു. ഇതിനകം എണ്ണായിരത്തോളം ഡ്രൈവർമാർ കമ്പനിയിൽ റജിസ്റ്റർ ചെയ്തു. ഇവരുടെ രേഖകൾ പരിശോധിച്ചു വരികയാണ്. ഇപ്പോൾ മറ്റു കമ്പനികൾക്കുവേണ്ടി സർവീസ് നടത്തുന്ന ഡ്രൈവർമാരും ഒപ്പം…