മടിക്കേരി∙ സോമവാർപേട്ടിൽ സെക്യൂരിറ്റി ജീവനക്കാരനെ പുള്ളിപ്പുലി കടിച്ചുകൊന്നു. കവർകോളിയിലെ കാപ്പിത്തോട്ടത്തിന്റെ സൂക്ഷിപ്പുകാരനായ മഞ്ചപ്പയാണ് (65) മരിച്ചത്. കാവൽപ്പുരയിൽ കിടന്നുറങ്ങുന്നതിനിടെ തുറന്നു കിടന്ന ജനാലയിലൂടെ പുള്ളിപ്പുലി ഉള്ളിലേക്ക് കയറുകയായിരുന്നെന്ന് പൊലീസ് പറഞ്ഞു.
മുഖവും ഇടതു കൈയും പൂർണമായി കടിച്ചു കീറിയ നിലയിലായിരുന്നു മൃതദേഹം. വനം വകുപ്പ് ഉദ്യോഗസ്ഥർ സ്ഥലം സന്ദർശിച്ച് തെളിവെടുപ്പു നടത്തി. മഞ്ചപ്പയുടെ കുടുംബാംഗങ്ങൾക്ക് വനംവകുപ്പ് അഞ്ചു ലക്ഷം രൂപ നഷ്ടപരിഹാരം പ്രഖ്യാപിച്ചു. പുള്ളിപ്പുലിയെ കുടുക്കാനായി സമീപ പ്രദേശങ്ങളിൽ കെണി ഒരുക്കിയിട്ടുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.
If you cannot read Malayalam,Download BengaluruVartha Android app from Google play store and Click On the News Reader Button.
Related
