Month: September 2017

മൈസൂരു ∙ ദസറ ആഘോഷ ചടങ്ങുകളിൽ പങ്കെടുക്കുന്ന ആനകളുടെ രണ്ടാം സംഘവുമെത്തി. നാഗർഹോളെ, ഹുൻസൂർ എന്നിവിടങ്ങളിലെ ആനവളർത്തുകേന്ദ്രത്തിൽ നിന്നുള്ള ഏഴ് ആനകളാണ് ഇന്നലെ മൈസൂരുവിലെത്തിയത്. പരമ്പരാഗത രീതിയിൽ പുഷ്പവൃഷ്ടിയോടെയാണ് ആനകളെ കൊട്ടാരത്തിലേക്ക് ആനയിച്ചത്. ഇതോടെ ദസറ ചടങ്ങിൽ പങ്കെടുക്കുന്ന 15 ആനകളും കൊട്ടാരത്തിലെത്തി. ജംബോ സവാരിയിൽ പങ്കെടുക്കുന്ന ആനകളുടെ പരിശീലനം കഴിഞ്ഞയാഴ്ച ആരംഭിച്ചിരുന്നു.

ബെംഗളൂരു∙ ദേശീയപാത 75ലെ നെലമംഗല ടോൾ പ്ലാസയിലെ നിരക്കുകൾ വർധിപ്പിച്ചു. അഞ്ചു രൂപ മുതൽ പത്തു രൂപവരെയാണു വർധന നിലവിൽ വന്നത്. കാർ, ജീപ്പ്, വാൻ അടക്കമുള്ള ലൈറ്റ് വാഹനങ്ങൾക്ക് ഒരു വശത്തേക്കു 40 രൂപയും ഇരുവശങ്ങളിലേക്കും 65 രൂപയും ഒരു മാസത്തേക്ക് 1260 രൂപയുമാണു നിരക്ക്. ലൈറ്റ് കൊമേഴ്സ്യൽ വാഹനങ്ങൾക്ക് ഒരു വശത്തേക്ക് 75 രൂപയും ഇരുവശങ്ങളിലേക്ക് 110 രൂപയും ഒരു മാസത്തേക്ക് 2200 രൂപയും ലോറി, ബസ് അടക്കമുള്ള ഹെവിവാഹനങ്ങൾക്ക് ഒരു വശത്തേക്ക് 145 രൂപയും ഇരുവശത്തേക്കും 220 രൂപയും പ്രതിമാസം…

ബെംഗളൂരു ∙ ത്യാഗസ്മരണ പുതുക്കി ഇന്നു ബലിപെരുന്നാൾ. നഗരത്തിലെ മസ്ജിദുകളുലും ഈദ്ഗാഹുകളിലും പെരുന്നാൾ നമസ്കാരത്തിനു വിപുലമായ സജ്ജീകരണങ്ങളാണ് ഒരുക്കിയത്. ഇന്നു രാവിലെ ഏഴരയോടെയാണു പ്രധാന മസ്ജിദുകളിൽ നമസ്കാരം. മലയാളി സംഘടനകളുടെ നേതൃത്വത്തിലും നഗരത്തിന്റെ വിവിധയിടങ്ങളിൽ ഈദ്ഗാഹുകൾ സജ്ജീകരിച്ചിട്ടുണ്ട്. ബലിപെരുന്നാളിനോട് അനുബന്ധിച്ചു ചാമരാജ്പേട്ട് മൈതാനം, ജെസിനഗർ ടിവി ടവറിനു സമീപം, യശ്വന്തപുര, ശിവാജി നഗർ എന്നിവിടങ്ങളിലെ വിപണികളിൽ വലിയ തിരക്കാണ് അനുഭവപ്പെട്ടത്. നഗരത്തിലെ പ്രധാന ഷോപ്പിങ് കേന്ദ്രങ്ങളിലും തിരക്കായിരുന്നു. ബെംഗളൂരുവിലെ വസ്ത്ര വ്യാപാര ശാലകളിൽ രാത്രി വൈകിയും കച്ചവടം പൊടിപൊടിച്ചു. നാട്ടിലും ഗൾഫ് രാജ്യങ്ങളിലും ഇന്നലെയായിരുന്നു…