Category: SPORTS

ടെക്‌സാസ്: അമേരിക്കൻ കായിക രംഗത്തെ ഇതിഹാസങ്ങളിൽ ഒരാളും മുൻനിര മനുഷ്യാവകാശ പോരാളിയുമായ ബിൽ റസ്സൽ (88) അന്തരിച്ചു. 11 എൻ.ബി.എ. കിരീടങ്ങളുടെ ഉടമയാണ് റസ്സൽ. ബാസ്ക്കറ്റ്ബോൾ ടീമായ ബോസ്റ്റൺ കെൽറ്റിക്കിനായി കളിച്ച ബിൽ റസ്സൽ 1956 നും 1969 നും ഇടയിൽ നാഷണൽ ബാസ്കറ്റ്ബോൾ അസോസിയേഷന്‍റെ (എൻബിഎ) 11 കിരീടങ്ങൾ നേടി. 13 വർഷത്തെ എൻ.ബി.എ. കരിയറിനിടെയാണ് ഇത്രയും കിരീടങ്ങൾ. തുടർച്ചയായി എട്ട് വർഷം കിരീടം നേടി. അഞ്ച് തവണ ടൂർണമെന്‍റിലെ ഏറ്റവും മൂല്യമേറിയ കളിക്കാരനായിരുന്നു അദ്ദേഹം. 1956-ലെ മെൽബൺ ഒളിമ്പിക്സിൽ കിരീടം നേടിയ…

ബിര്‍മിങ്ഹാം: കോമൺവെൽത്ത് ഗെയിംസിൽ ഇന്ത്യ ഒരു വെങ്കല മെഡൽ കൂടി നേടി. ഭാരോദ്വഹനത്തിൽ ഹർജിന്ദർ കൗർ വെങ്കല മെഡൽ നേടി. ഇതുകൂടാതെ നാലാം ദിനം ജൂഡോയിൽ രണ്ട് മെഡലുകൾ കൂടി ഇന്ത്യ സ്വന്തമാക്കി. ഭാരോദ്വഹനത്തിൽ 71 കിലോഗ്രാം വിഭാഗത്തിൽ ഹർജിന്ദർ വെങ്കലം നേടി. ജൂഡോയിൽ സുശീല ദേവി വെള്ളിയും വിജയ് കുമാർ വെങ്കലവും നേടി. ഇതോടെ നാലാം ദിനം ഇന്ത്യയുടെ മെഡൽ നേട്ടം ഒമ്പതായി.  സ്നാച്ചിൽ 93 കിലോയും ക്ലീൻ ആൻഡ് ജെർക്കിൽ 119 കിലോയുമാണ് ഹർജിന്ദർ കൗർ ഉയർത്തിയത്. ജൂഡോയിലെ വനിതകളുടെ 48…

ബാസെറ്റര്‍: വെസ്റ്റ് ഇൻഡീസിനെതിരായ മൂന്ന് മത്സരങ്ങളുടെ പരമ്പരയിലെ രണ്ടാം ടി20യിൽ ഇന്ത്യ പരാജയപ്പെട്ടു. ആദ്യം ബാറ്റ് ചെയ്ത ഇന്ത്യ മൂന്ന് മണിക്കൂർ വൈകി ആരംഭിച്ച മത്സരത്തിൽ 138 റൺസിന് ഓൾ ഔട്ടായി. മറുപടി ബാറ്റിംഗിനിറങ്ങിയ വെസ്റ്റ് ഇൻഡീസ് 19.2 ഓവറിൽ അഞ്ച് വിക്കറ്റ് നഷ്ടത്തിൽ ലക്ഷ്യം മറികടന്നു. ആവേശ് ഖാൻ എറിഞ്ഞ അവസാന ഓവറിൽ വെസ്റ്റ് ഇൻഡീസിന് ജയിക്കാൻ 10 റൺസാണ് വേണ്ടിയിരുന്നത്. ഒഡിയൻ സ്മിത്തും ഡെവോൺ തോമസുമാണ് ക്രീസിലുണ്ടായിരുന്നത്. ആദ്യ പന്ത് ഒരു നോ ബോളായിരുന്നു. ഇതിൽ ഒരു റൺസ് ഓടിയെടുത്തു. അടുത്ത…

ബാസ്റ്റെയർ: ഇന്ത്യയും വെസ്റ്റ് ഇൻഡീസും തമ്മിലുള്ള രണ്ടാം ടി20 മത്സരം വൈകും. പുതുക്കിയ ഷെഡ്യൂൾ അനുസരിച്ച് ഇന്ത്യൻ സമയം രാത്രി 10 മണിക്കാണ് മത്സരം. ട്രിനിഡാഡിൽ നിന്ന് സെന്‍റ് കിറ്റ്സിലേക്കുള്ള ടീമുകളുടെ ലഗേജ് വൈകിയതിനാലാണ് മത്സരം വൈകിയത്. പ്രാദേശിക സമയം ഉച്ചയ്ക്ക് 12 മണിക്ക് മത്സരം ആരംഭിക്കുമെന്ന് വെസ്റ്റ് ഇൻഡീസ് ക്രിക്കറ്റ് ബോർഡ് അറിയിച്ചു. ആരാധകർക്കുണ്ടായ അസൗകര്യത്തിൽ ഖേദമുണ്ടെന്ന് ബോർഡ് അറിയിച്ചു.  ആദ്യ മത്സരം ജയിച്ച് അഞ്ച് മത്സരങ്ങളുടെ പരമ്പരയിൽ ഇന്ത്യ മുന്നിലാണ്. മത്സരത്തിൽ ഇന്ത്യ 68 റൺസിന് വിജയിച്ചു. 

ഖത്തര്‍: ഖത്തറിൽ ആവേശത്തിന്‍റെ പന്ത് ഉരുളുമ്പോൾ ഇന്ത്യയിൽ നിന്നുള്ള സാംസ്കാരിക പരിപാടികൾക്ക് നേതൃത്വം നൽകുന്നത് ഒരു മലയാളിയാണ്. കോഴിക്കോട് ചേന്ദമംഗല്ലൂർ സ്വദേശി സഫീർ റഹ്മാനെയാണ് സാംസ്കാരിക, സാമുദായിക പരിപാടികളുടെ ഏകോപന ചുമതലയുള്ള ഇന്ത്യൻ കമ്മ്യൂണിറ്റി ലീഡറായി തിരഞ്ഞെടുത്തത്. 32 കമ്യൂണിറ്റികളിൽ നിന്നാണ് നേതാക്കളെ തിരഞ്ഞെടുത്തത്. 2007 മുതൽ ഖത്തറിൽ ഫുട്ബോൾ ആരാധകനും പ്രവാസിയുമായ സഫീർ ഖത്തർ എനർജിയിൽ സീനിയർ സെക്രട്ടറിയാണ്. ലോകമെമ്പാടുമുള്ള ഫുട്ബോൾ പ്രേമികൾ ഖത്തറിൽ എത്തുമ്പോൾ ഇന്ത്യയിൽ നിന്നുള്ള മികച്ച കലാസാംസ്കാരിക പരിപാടികൾ സംഘടിപ്പിക്കുകയാണ് സഫീറിന്‍റെ ദൗത്യം.