Category: KERALA

ബെംഗളൂരു ∙ പൊങ്കൽ, മകരസംക്രാന്തി, റിപ്പബ്ലിക് ദിന അവധിക്ക് മുന്നോടിയായി കേരള, കർണാടക ആർടിസി ബസുകളിലെ ടിക്കറ്റുകൾ ഭൂരിഭാഗം വിറ്റുതീർന്നു. മകരസംക്രാന്തി 15നാണെങ്കിലും 12നാണ് തിരക്ക് കൂടുതൽ. റിപ്പബ്ലിക് ദിനത്തിന്റെ തലേദിവസമായ 25നാണ് കൂടുതൽ പേർ നാട്ടിലേക്കു തിരിക്കുന്നത്. കേരളത്തിലേക്കുള്ള പതിവ് ട്രെയിനുകളിലെ ടിക്കറ്റുകൾ മാസങ്ങൾ മുൻപ് തീർന്നതോടെ മിക്കവരും ബസുകളെയാണ് ആശ്രയിക്കുന്നത്. പതിവ് സർവീസുകളിലെ ടിക്കറ്റുകൾ തീർന്നതിനാൽ സ്പെഷൽ ബസുകളിലേക്കുള്ള ബുക്കിങ് അടുത്ത ദിവസം ആരംഭിക്കും. ശബരിമല സീസണായതിനാൽ സംസ്ഥാനാന്തര പെർമിറ്റുള്ള ബസുകളില്ലാത്തതു കൂടുതൽ സ്പെഷലുകൾ അനുവദിക്കുന്നതിനു കേരള ആർടിസിക്കു തിരിച്ചടിയായിരിക്കുകയാണ്.

ബെംഗളൂരു: ബെംഗളൂരുവിൽ താമസിച്ചിരുന്ന നാല് നില കെട്ടിടത്തില്‍ നിന്നും വീണ മലയാളി യുവാവ് മരിച്ചു. സംഭവം നടന്ന ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ലന്നാണ് ലഭിക്കുന്ന വിവരം. കണ്ണൂര്‍ അഴീക്കോട് മൊളോളത്തില്ലത്ത് ഉണ്ണികൃഷ്ണന്‍ നമ്പൂതിരിയുടെയും അഴീക്കോട് സൗത്ത് യു.പി.സ്‌കൂള്‍ റിട്ട. അധ്യാപിക ഉഷ അന്തര്‍ജ്ജനത്തിന്റെയും മകന്‍ ശ്രീജിത്ത് ഉണ്ണി നമ്പൂതിരിയെന്ന (28) യാണ് മരിച്ചത്. ബെംഗളുരുവില്‍ ഇന്‍സ്റ്റിറ്റ്യൂട്ട് ഓഫ് സ്റ്റംസെല്‍ സയന്‍സ് ആന്റ് റിസര്‍ച്ചിലാണ് ഉണ്ണി നമ്പൂതിരി ജോലി ചെയ്യുന്നത്. മൃതദേഹം ഇന്ന് നാട്ടിലെത്തിക്കും. പോലീസ് കേസ് എടുത്ത് അന്വേഷണം ആരംഭിച്ചിട്ടുണ്ട്.

ബെംഗളൂരു: ബെംഗളൂരുവിൽ നിന്നും കണ്ണൂരിനു പുറമെ തൃശൂരിലേക്കും പല്ലക്കി നോൺ എ സി സ്ലീപ്പർ ബസ് സർവീസ് ഈ മാസം ആരംഭിക്കും. നിലവിലുള്ള അംബാരി ഉത്സവ് എ സി സ്ലീപ്പറിന് പുറമെയാണ് നോൺ എ സി സ്ലീപ്പർ കൂടി ആരംഭിക്കുന്നത്. കഴിഞ്ഞ നവംബറിലാണ് കണ്ണൂരിലേക്ക് പല്ലക്കി സർവീസ് ആരംഭിച്ചത്. ഫ്ലെക്സി നിരക്ക് 829 രൂപയും സാധാരണ ദിവസങ്ങളിൽ 760 രൂപയുമാണ് കണ്ണൂരിലേക്കുള്ള ടിക്കറ്റ് നിരക്ക് എറണാകുളത്തേക്ക് 2 അംബാരി സർവീസ് ആരംഭിച്ചത്.