Category: KERALA

തിരുവനന്തപുരം: ഈ വര്‍ഷത്തെ SSLC, THSLC, AHLC ഫലങ്ങള്‍ ഇന്ന് പ്രഖ്യാപിക്കും. ഉച്ചകഴിഞ്ഞ് മൂന്നു മണിക്ക് പൊതു വിദ്യാഭ്യാസവകുപ്പ് മന്ത്രി വി ശിവന്‍കുട്ടി ഫലപ്രഖ്യാപനം നടത്തും. വൈകീട്ട് നാലുമണിക്ക് മുഴുവന്‍ വിദ്യാര്‍ഥികളുടെയും ഫലം വെബ്‌സൈറ്റുകളില്‍ ലഭ്യമാകും. ഇത്തവണ 4,27,105 വിദ്യാര്‍ത്ഥികളാണ് എസ്എസ്എല്‍സി ഫലം കാത്തിരിക്കുന്നത്. കഴിഞ്ഞവര്‍ഷത്തെക്കാള്‍ 7977 വിദ്യാര്‍ത്ഥികള്‍ കൂടുതല്‍. 99.7% ആയിരുന്നു കഴിഞ്ഞവര്‍ഷത്തെ വിജയശതമാനം. പരീക്ഷാ ഫലം www.prd.kerala.gov.in, www.result.kerala.gov.in, www.examresults.kerala.gov.in, https://sslcexam.kerala.gov.in, www.results.kite.kerala.gov.in, https://pareekshabhavan.kerala.gov.in എന്നീ വെബ്‌സൈറ്റുകളിലും PRD Live മൊബൈല്‍ ആപ്പിലും ലഭ്യമാകും.

കോഴിക്കോട്: ഊഞ്ഞാലില്‍ നിന്നു വീണു പരുക്കേറ്റ ഒന്നര വയസുകാരി മരിച്ചു. കക്കട്ട് മധുകുന്ന് എ.ആർ.രജീഷിന്റെ മകള്‍ നൈറാ രാജാണ് മരിച്ചത്. കോഴിക്കോട് സ്വകാര്യ ആശുപത്രിയില്‍ ചികിത്സയിലായിരുന്നു. സഹോദരിയോടൊപ്പം ഊഞ്ഞാലില്‍ കളിച്ചു കൊണ്ടിരിക്കെ വീണു പരിക്കേല്‍ക്കുകയായിരുന്നു.

തിരുവനന്തപുരം: മാസപ്പടി കേസില്‍ അന്വേഷണമില്ല. മുഖ്യമന്ത്രി പിണറായി വിജയനും മകള്‍ വീണയ്ക്കും എതിരായ ഹര്‍ജിയാണ് തള്ളിയത്. കോണ്‍ഗ്രസ് നേതാവ് മാത്യു കുഴല്‍നാടനായിരുന്നു ഹര്‍ജി നല്‍കിയത്. മാസപ്പടി കേസില്‍ മുഖ്യമന്ത്രി പിണറായി വിജയന്‍, മകള്‍ വീണാ വിജയന്‍ എന്നിവര്‍ക്കെതിരെ അന്വേഷണം വേണമെന്നാവശ്യപ്പെട്ടായിരുന്നു ഹര്‍ജി. സിഎംആര്‍എല്‍ കമ്പനിക്ക് സംസ്ഥാന സര്‍ക്കാര്‍ വഴിവിട് സഹായങ്ങള്‍ നല്‍കിയെന്നായിരുന്നു ആരോപണം. തിരുവനന്തപുരം വിജിലന്‍സ് കോടതിയാണ് ഹര്‍ജി തള്ളിയത്. വിജിലൻസ് അന്വേഷണം വേണമെന്ന ആവശ്യവും കോടതി മേൽനോട്ടത്തിൽ അന്വേഷണം വേണമെന്ന ആവശ്യവും തള്ളി. സിഎംആര്‍എല്ലിന് വഴിവിട്ട സഹായം നല്‍കിയതിന് പ്രതിഫലമായി മുഖ്യമന്ത്രിയുടെ മകള്‍…

ബെംഗളൂരു : ബൈക്ക് മോഷ്ടിച്ച മലയാളി ഹോട്ടൽജീവനക്കാരനെ പോലീസ് അറസ്റ്റുചെയ്തു. തലശ്ശേരി സ്വദേശി ഷഹീം (19) ആണ് അറസ്റ്റിലായത്. നാട്ടിൽപ്പോകാൻ ശമ്പളക്കുടിശ്ശിക ചോദിച്ചപ്പോൾ ബൈക്ക് വല്ലതും മോഷ്ടിച്ച് കേരളത്തിലേക്ക് ഓടിച്ചുകൊണ്ടുപോകാൻ ഹോട്ടലുടമ തമാശയ്ക്ക് പറഞ്ഞിരുന്നതായി പോലീസ് പറഞ്ഞു. ഇതനുസരിച്ചാണ് ഷഹീം ബൈക്ക് മോഷ്ടിച്ചത്. തുടർന്ന് തലശ്ശേരിയിലേക്ക് ബൈക്കോടിച്ചു പോയി. ഇതിനിടെ ബൈക്ക്‌ ഉടമ പോലീസിൽ പരാതിനൽകി. സി.സി.ടി.വി. പരിശോധിച്ചപ്പോൾ ഹോട്ടൽയൂണിഫോമിൽ യുവാവ് ബൈക്കിന്റെ ലോക്ക് പൊളിക്കുന്നതുകണ്ടു. തുടർന്ന് പോലീസ് യുവാവിന്റെ മൊബൈൽനമ്പർ കണ്ടെത്തി ട്രാക്ക്ചെയ്തു. കഴിഞ്ഞദിവസം ബെംഗളൂരുവിൽ തിരിച്ചെത്തിയപ്പോൾ അറസ്റ്റുചെയ്യുകയായിരുന്നു

തിരുവനന്തപുരം ‍ഡിവിഷനനിൽ അറ്റകുറ്റപ്പണികൾ നടക്കുന്നതിനാൽ ചില ട്രെയിൻ സർവീസുകളിൽ മാറ്റം. ചില ട്രെയിനുകൾ വഴി തിരിച്ചു വിടും. ചിലത് ഭാ​ഗിമായി റദ്ദാക്കും. വഴി തിരിച്ചു വിടുന്നവ ഈ മാസം 9, 11 തീയതികളിൽ ചെന്നൈ എ​ഗ്മൂറിൽ നിന്നു പുറപ്പെടുന്ന ആലപ്പുഴ വഴിയുള്ള ​ഗുരുവായൂർ എക്സ്പ്രസ് (16127), 9നു ​ഗുരുവായൂരിൽ നിന്നു പുറപ്പെടുന്ന എ​ഗ്മൂർ എക്സ്പ്രസ് (16128) എന്നിവ കോട്ടയം വഴി തിരിച്ചു വിടും. കോട്ടയം, ചങ്ങനാശേരി, തിരുവല്ല, ചെങ്ങന്നൂർ എന്നിവിടങ്ങളിൽ സ്റ്റോപ്പുണ്ടാകും. 16, 18, 23 തീയതികളിൽ കൊച്ചുവേളിയിൽ നിന്നു പുറപ്പെടുന്ന ആലപ്പുഴ വഴിയുള്ള…