Category: CRIME

ബെംഗളൂരു: നഗരത്തിലെ ശിവപ്പ നായക സർക്കിളിൽ യുവാവ് കാമുകിയെ പരിക്കേൽപ്പിച്ചു . ശിവമോഗ താലൂക്കിലെ ഹാഡോനഹള്ളി ഗ്രാമം സ്വദേശിയായ ചേതനും അതേ ഗ്രാമത്തിലെ അംബികയുമായി പ്രണയത്തിലായിരുന്നു. വ്യക്തിപരമായ പ്രശ്‌നത്തെച്ചൊല്ലി സർക്കിളിൽ വാക്ക് തർക്കമുണ്ടായി ഇതോടെ ചേതൻ കാമുകിയെ കുത്തുകയായിരുന്നു. സംഭവം കണ്ടുനിന്നവർ ഇയാളെ മർദ്ദിക്കുകയും തുടർന്ന് പോലീസിൽ ഏൽപ്പിക്കുകയും ചെയ്തു. ചേതൻ ഇപ്പോൾ മക്ഗാൻ ആശുപത്രിയിൽ ചികിത്സയിലാണ്, യുവതിയെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്. സംഭവത്തിൽ കോട് പോലീസ് കേസെടുത്തു.

ബെംഗളൂരു ∙ ഹംപി എക്സ്പ്രസ് ട്രെയിനിനുള്ളിൽ ബ്രിട്ടിഷ് യുവതിയെ (30) ലൈംഗികമായി അതിക്രമിച്ച കേസിൽ റെയിൽവേ കരാർ ജീവനക്കാരൻ ബസവരാജിനെ (22) അറസ്റ്റ് ചെയ്തു. യാത്രക്കാർക്ക് പുതപ്പും തലയണയും വിതരണം ചെയ്യാൻ കരാറെടുത്തിരുന്ന പ്രതി കർണാടക ബാഗൽക്കോട്ട് സ്വദേശിയാണ്. കേരളം സന്ദർശിച്ച ശേഷം ഹംപിയിൽ പോയി മടങ്ങുന്നതിനിടെ വയറുവേദന അനുഭവപ്പെട്ട യുവതി വൈദ്യസഹായം ലഭിക്കുമോ എന്ന് ബസവരാജിനോടു തിരക്കിയിരുന്നു. തുടർന്ന് ശുചിമുറി വരെ പേകാൻ സഹായിക്കാനെന്ന വ്യാജേന സീറ്റിൽ നിന്നു കൂട്ടിക്കൊണ്ടുപോയി പീഡിപ്പിച്ചെന്നാണു പരാതി.

ബെംഗളൂരു : സമീപവാസികൾ ജീവിക്കാനനുവദിക്കുന്നില്ലെന്നും ദയവധം അനുവദിക്കാനുള്ള നടപടിക്രമങ്ങൾ സ്വീകരിക്കണമെന്നുമാവശ്യപ്പെട്ട് മുഖ്യമന്ത്രിക്ക് കത്തയച്ച് മൈസൂരുവിൽനിന്നുള്ള കുടുംബം. രാമപുരയിലെ നാലംഗ കുടുംബമാണ് പ്രതിഷേധത്തിന്റെ ഭാഗമായി മുഖ്യമന്ത്രിക്ക് കത്തയച്ചത്. ഇവരുടെ വീടിനുസമീപം ഗ്രാമവാസികൾ ഒരു ക്ഷേത്രം നിർമിക്കാൻ തീരുമാനിച്ചിരുന്നു. ഇതോടെ, ഇവിടെനിന്ന് ഒഴിഞ്ഞുപോകാൻ സമീപവാസികൾ കുടുംബത്തോട് ആവശ്യപ്പെടുകയായിരുന്നു. അതേസമയം, കാലങ്ങളായി തങ്ങൾ ഇവിടെയാണ് താമസിക്കുന്നതെന്നും ഒഴിഞ്ഞുപോകാൻ ഇടമില്ലെന്നും ഇവർ മുഖ്യമന്ത്രിക്കയച്ച കത്തിൽ ചൂണ്ടിക്കാട്ടി.

ബെംഗളൂരു : യാദ്ഗിർ ജില്ലയിലെ അനപൂർ ഗ്രാമത്തിൽ പത്താം ക്ലാസുകാരിയോട് അപമര്യാദയായി പെരുമാറിയതിന് സർക്കാർ ഹൈസ്കൂളിലെ പ്രധാനാധ്യാപകനെ സസ്പെൻഡ് ചെയ്തു. പ്രധാനാധ്യാപകൻ ഹനുമേഗൗഡയെ സസ്പെൻഡ് ചെയ്തുകൊണ്ട് യാദ്ഗിർ ജില്ലാ പഞ്ചായത്ത് ചീഫ് എക്സിക്യൂട്ടീവ് ഓഫീസർ ഗരിമ പൻവാർ ഉത്തരവിറക്കി. പെൺകുട്ടികളോട് സ്‌കൂൾ ഹെഡ്മാസ്റ്ററുടെ പെരുമാറ്റത്തെക്കുറിച്ച് വിദ്യാർത്ഥികളുടെ രക്ഷിതാക്കൾ പരാതിപ്പെട്ടതിനെ തുടർന്ന് വിദ്യാഭ്യാസ വകുപ്പ് ഉദ്യോഗസ്ഥർ അനപൂർ സർക്കാർ ഹൈസ്‌കൂൾ സന്ദർശിച്ചു. യാദ്ഗിർ ജില്ലയിലെ ബ്ലോക്ക് വിദ്യാഭ്യാസ ഓഫീസർ (ബിഇഒ) സ്‌കൂൾ സന്ദർശിച്ച് വിദ്യാർത്ഥികളുടെ മൊഴി രേഖപ്പെടുത്തുകയും യാദ്ഗിർ ജില്ലാ പഞ്ചായത്ത് സിഇഒയ്ക്ക് റിപ്പോർട്ട് സമർപ്പിക്കുകയും…