CHENNAI NEWS – Page 29 – BengaluruVartha

ബെംഗളൂരു സ്വദേശികൾ കന്യാകുമാരിയിൽ കടലിൽ മുങ്ങി മരിച്ചു

September 4, 2023 Arya

നാഗർകോവിൽ : സുഹൃത്തുക്കൾക്കൊപ്പം കടലിൽ കുളിക്കാൻ ഇറങ്ങിയ രണ്ടുപേർ തിരയിൽപ്പെട്ടു മരിച്ചു. ബെംഗളൂരു സ്വദേശികളായ മണി(30), സുരേഷ്(32) എന്നിവരാണ് മരിച്ചത്. ഇവരുടെ സംഘത്തിലുണ്ടായിരുന്ന ബിന്ദു(25) എന്ന സ്ത്രീ സ്വകാര്യ ആശുപത്രിയിൽ ചികിത്സയിലാണ്. ബെംഗളൂരു ഇലക്ട്രോണിക് സിറ്റിയിലെ ഒരു കമ്പനിയിൽ ജീവനക്കാരായ പത്തംഗ സംഘം ഞായറാഴ്ച രാവിലെയാണ് കന്യാകുമാരിയിൽ എത്തിയത്. സൺസെറ്റ് പോയന്റിൽ കുളിക്കവെയാണ് സംഘത്തിലെ മൂന്നുപേർ തിരയിൽപ്പെട്ടത്. രാവിലെ പത്തുമണിയോടെ തിരയിൽപ്പെട്ടവരെ 11 മണിയോടെ മറൈൻ പോലീസ് കരയ്ക്ക് എടുത്തെങ്കിലും രണ്ടുപേരെ രക്ഷിക്കാനായില്ല.

ബിജെപിക്കെതിരെ രൂക്ഷ വിമര്‍ശനവുമായി എം കെ സ്റ്റാലിൻ

September 4, 2023 News Team

ബിജെപിക്കെതിരെ രൂക്ഷ വിമര്‍ശനവുമായി തമിഴ്നാട് മുഖ്യമന്ത്രി എം കെ സ്റ്റാലിൻ. ഭരണപരാജയം മറയ്ക്കാൻ മതത്തെ ഉപയോഗിക്കുന്നുവെന്നും മതവികാരം ആളിക്കത്തിച്ച് നേട്ടമുണ്ടാക്കാനാണ് ബിജെപി ശ്രമിക്കുന്നതെന്നും എം കെ സ്റ്റാലിൻ കുറ്റപ്പെടുത്തി. 2002 ൽ ഗുജറാത്തിൽ വിദ്വേഷവും വെറുപ്പും വിതച്ചു. ഇപ്പോൾ ഹരിയനയിലും മണിപ്പൂറിലും അതേശ്രമമാണ് ബിജെപി നടത്തുന്നത്. ഇതിന് ഇപ്പോൾ തടയിട്ടില്ലെങ്കിൽ ഇന്ത്യയെ രക്ഷിക്കാനാകില്ലെന്നും എം കെ സ്റ്റാലിൻ പറയുന്നു.

ചെന്നൈ വിമാനത്താവളത്തിൽ ഒക്‌ടോബർ മുതൽ രണ്ട് ആഭ്യന്തര ടെർമിനലുകൾ ഉണ്ടാകും; വിശദാംശങ്ങൾ

September 4, 2023 News Team

ചെന്നൈ: തിരക്കുള്ള സമയങ്ങളിൽ ചെന്നൈ വിമാനത്താവളത്തിലെ ആഭ്യന്തര ടെർമിനൽ ഉപയോഗിക്കുന്ന വിമാന യാത്രക്കാർക്ക് ഒക്ടോബർ മുതൽ യാത്ര എളുപ്പമാകും. ഒക്‌ടോബർ മുതൽ വിമാനത്താവളത്തിന് രണ്ട് പ്രവർത്തനക്ഷമമായ ആഭ്യന്തര ടെർമിനലുകൾ ഉണ്ടായിരിക്കും. ഇത് യാത്രക്കാരുടെ തിരക്കും ക്യൂവും കുറയ്ക്കും, പ്രത്യേകിച്ച് അതിരാവിലെ പോലുള്ള തിരക്കുള്ള സമയങ്ങളിൽ വിമാനം കയറുന്നവർക്ക് ആയിരിക്കും ഏത് സഹായിക്കുക. ജൂലൈയിൽ അന്താരാഷ്ട്ര വിമാന പ്രവർത്തനങ്ങൾ മാറ്റിയ പുതിയ ഇന്റഗ്രേറ്റഡ് ടെർമിനലിന്റെ (T2) ഒരു ഭാഗം തുറന്നതിനെ തുടർന്നാണ് ഈ നീക്കം. നിലവിലുള്ള ആഭ്യന്തര ടെർമിനൽ (ടി1) സാധാരണപോലെ പ്രവർത്തിക്കുമെങ്കിലും, ഏതാനും മാസങ്ങൾക്കുമുമ്പ്…