Author: സ്വന്തം ലേഖകന്‍

ബെംഗളൂരു: ലഹരി വിമുക്ത കേന്ദ്രത്തിൽ പ്രവേശിപ്പിച്ച യുവാവ് മരണപ്പെട്ടതിനെ തുടർന്ന് സ്ഥാപന നടത്തിപ്പുകാരനും ജീവനക്കാരും ഉൾപ്പെടെ 3 പേരെ പോലീസ് അറസ്റ്റ് ചെയ്തു. ഇവർ മൂന്നു പേരും ചേർന്ന് തടി കഷ്ണം കൊണ്ട് യുവാവിനെ തല്ലി ചതച്ചതാണ് മരണ കാരാണമെന്ന് യുവാവിന്റെ സഹോദരൻ പോലീസിന് നൽകിയ പരാതിയിൽ പറയുന്നു. കെജി ഹള്ളി സ്വദേശി ആരിഫ് അഹമ്മദ് ഖാൻ ആണ് മരിച്ചത്.

ബെംഗളൂരു: കാട്ടാനകള്‍ കൃഷിയിടത്തിലേക്കിറങ്ങുന്നത് തടയാന്‍ പുതിയ പരീക്ഷണവുമായി ദക്ഷിണ കന്നഡ ജില്ലാ ഭരണകൂടവും കര്‍ഷകരും രംഗത്ത്.കൃഷിയിടങ്ങളില്‍ വനാതിര്‍ത്തിയോടു ചേര്‍ന്ന ഭാഗത്ത് തേനീച്ചപ്പെട്ടികള്‍ സ്ഥാപിച്ചാണ് പരീക്ഷണം. പെട്ടികള്‍ തമ്മില്‍ കമ്പികള്‍ കൊണ്ട് ബന്ധിപ്പിച്ച്‌ വേലിയും നിര്‍മിക്കും. കാടിറങ്ങുന്ന ആനകള്‍ ഈ കമ്പികളില്‍ തട്ടുമ്പോള്‍ പെട്ടികള്‍ ഇളകി അവയ്ക്കുള്ളില്‍ നിന്നും തേനീച്ചകള്‍ കൂട്ടത്തോടെ പുറത്തുവരും. തലങ്ങും വിലങ്ങും തേനീച്ചകള്‍ മൂളിപ്പറന്ന് കുത്തുകയും അലോസരമുണ്ടാക്കുകയും ചെയ്യുന്നതോടെ കാട്ടാനകള്‍ പിന്‍തിരിയേണ്ടിവരും. ഒരുപക്ഷേ അനുഭവം അല്പം രൂക്ഷമാണെങ്കില്‍ പിന്നെ ആനകള്‍ ആ ഭാഗത്തേക്കുതന്നെ വരില്ലെന്നാണ് കണക്കുകൂട്ടല്‍. ആസാം തുടങ്ങിയ വടക്കുകിഴക്കന്‍ സംസ്ഥാനങ്ങളിലും…

ബെംഗളൂരു : സി.പി.ഐ.എമ്മിൻ്റെ തൊഴിലാളി സംഘടനയായ സി.ഐ.ടി.യുവിൻ്റെ ദേശീയ സമ്മേളനത്തിന് ഇന്ന് തുടക്കമാവും, പാലസ് ഗ്രൗണ്ടിൽ ഇന്ന് പ്രതിനിധി സമ്മേളനം നടക്കും. കേരള സംസ്ഥാന മന്ത്രിമാരായ വി.ശിവൻകുട്ടി, വി.എൻ.വാസവൻ മുൻ മന്ത്രിമാരായ എ.കെ.ബാലൻ, മേഴ്സിക്കുട്ടിയമ്മ ,ടി.പി.രാമകൃഷ്ണൻ എന്നിവർ അടക്കം 1500 ഓളം പ്രതിനിധികൾ പങ്കെടുക്കും. ചെഗുവേരയുടെ കൊച്ചു മകൾ ഡോ:അലെയ്ഡയും പങ്കെടുക്കും. ഈ മാസം 22 ന് ബസവനഗുഡി നാഷണൽ കോളേജ് ഗ്രൗണ്ടിൽ വച്ച് നടക്കുന്ന സമാപന സമ്മേളനത്തോടെ പരിപാടികൾക്ക് സമാപനമാകും.

ബെംഗളൂരു: നഗരത്തിലെ പ്രശസ്തമായ കലാ മാമാങ്കമായ ചിത്ര സന്തേ(ചിത്രചന്ത) ഇന്ന് നടക്കും. കർണാടക ചിത്രകലാ പരിഷതിൻ്റെ നേതൃത്വത്തിൽ നടക്കുന്ന ആഘോഷം പരിഷതിൻ്റെ സമീപത്ത് ഉള്ള കുമാര കൃപ റോഡിൽ വച്ച് നടക്കും. 2 കിലോമീറ്ററോളം വരുന്ന ദൂരത്ത് 1500 സ്റ്റാളുകൾ അനുവദിക്കും ,ചിത്ര ശിൽപകാരൻമാർക്ക് നേരിട്ട് അവരുടെ ഉൽപന്നങ്ങൾ വിൽപന നടത്താൻ കഴിയും. ഈ വർഷം ചിത്ര ശിൽപ വിൽപനക്കായി ഓൺലൈൻ സൗകര്യവും ഏർപ്പെടുത്തുമെന്ന് ചിത്രകലാ പരിഷത്ത് ചെയർമാൻ ബി.എൽ.ശങ്കർ പറഞ്ഞു.

ബെംഗളൂരു : വൈദ്യുത വാഹനങ്ങളോട് സംസ്ഥാനത്ത് ഉള്ളവർക്ക് താൽപ്പര്യം കൂടുന്നതായാണ് കണക്കുകൾ പറയുന്നത്, കഴിഞ്ഞ 3 വർഷത്തെ വൈദ്യുത വാഹനങ്ങളുടെ റെജിസ്ട്രേഷൻ്റെ കണക്കെടുത്താൽ 1500% ൽ അധികമാണ് വളർച്ച കാണിക്കുന്നത്. കേന്ദ്ര ഗതാഗത വകുപ്പിൻ്റെ കണക്ക് പ്രകാരം 2019 ൽ ആകെ റെജിസ്റ്റർ ചെയ്ത വൈദ്യുത വാഹനങ്ങളുടെ എണ്ണം 6150 ആണ്. എന്നാൽ 2022 ൽ അത് 95856 ആയി ഉയർന്നു. സംസ്ഥാനത്ത് 2.9 കോടി വാഹനങ്ങൾ ഉണ്ട് എന്നാണ് കണക്ക് അതിൽ 1.5 ലക്ഷം വൈദ്യുത വാഹനങ്ങൾ ആണ്, അതിൽ തന്നെ 1.3…