ബെംഗളൂരു : സാധാരണയായി ഒരു സിറ്റിയിൽ നിന്നും മറ്റൊരിടത്തേക്കുള്ള ട്രെയിൻ ടിക്കറ്റ് റിസർവ് ചെയ്യണമെങ്കിൽ ആ സ്ഥലത്തിന്റെ പേര് നമ്മൾ ഐ ആർ സി ടി സി വെബ് സൈറ്റിലോ ആപ്പിലോ അടിക്കുകയാണ് ചെയ്യാറുള്ളത്, ഉടൻ തന്നെ ആ പേരുമായി സാമ്യമുള്ള പേരുകൾ താഴെ വരികയും അതിൽ നിന്ന് ആവശ്യമായ സ്റ്റേഷന്റെ പേര് നമ്മൾ തെരഞ്ഞെടുക്കുകയും കൂടെ തന്നെ ആ സ്റ്റേഷന്റെ കോഡും കൂടെ വരും.
ഉദാഹരണമായി ബെംഗളൂരിൽ നിന്ന് കോഴിക്കോട്ടേക്ക് നിങ്ങൾക്ക് ട്രെയിൻ ടിക്കറ്റ് വേണമെങ്കിൽ Bengaluru എന്ന് അടിച്ചാൽ ബെംഗളൂരുമായി ബന്ധപ്പെട്ട എല്ലാ സ്റ്റേഷന്റേയും പേരും കോഡും വരും ,കെ എസ് ആർ ബെംഗളൂരു സിറ്റിക്ക് (SBC), കന്റോൺമെന്റിന് (BNC) അങ്ങനെ പോകുന്നു. സെർച്ച് ബട്ടൺ അമർത്തിക്കഴിഞ്ഞാൽ ബെംഗളൂരുവിൽ നിന്നും മറ്റ് സമീപ സ്റ്റേഷനുകളായ യശ്വന്ത്പുര, കൃഷ്ണരാജപുര എന്നിവിടങ്ങളിൽ നിന്നുള്ള തീവണ്ടിയുടെ വിവരങ്ങൾ കാണിക്കും, അതിന് ശേഷം നമുക്ക് ആവശ്യമായ ട്രെയിൻ തെരഞ്ഞെടുക്കാം.
എന്നാൽ കഴിഞ്ഞ ആഴ്ച മുതൽ യശ്വന്ത് പുരയിൽ നിന്ന് പരിമിതമായ സൗകര്യങ്ങൾ മാത്രമുള്ള ബാനസവാടി സ്റ്റേഷനിലേക്ക് മാറ്റിയ 16527/28 നമ്പർ ട്രെയിൻ മുകളിൽ പറഞ്ഞ രീതിയിൽ വെബ്സൈറ്റിൽ തിരഞ്ഞാൽ വരുന്നില്ല.
ബെംഗളൂരുവിൽ നിന്ന് കോഴിക്കോട്ടേക്ക് (SBC to CLT) അല്ലെങ്കിൽ യശ്വന്ത് പുരയിൽ നിന്ന് (YPR-CLT) എന്ന് തിരഞ്ഞാൽ ഐആർ സി ടി സി വെബ്സൈറ്റ് പറയുന്നത് ഈ സ്റ്റേഷനുകൾക്കിടയിൽ നേരിട്ട് തീവണ്ടി സർവ്വീസ് ഇല്ലാ എന്നാണ് ! സ്ക്രീൻ ഷോട്ട് മുകളിൽ കൊടുത്തിരിക്കുന്നു. എന്നാൽ ബെംഗളൂരു നഗരത്തിനുള്ളിൽ തന്നെ കണ്ണൂർ എക്സ്പ്രസിന് രണ്ട് സ്റ്റോപ്പുകൾ ഉണ്ട് ബാനസവാടിയും കാർമലാറവും, എന്നാൽ ഈ രണ്ട് സ്റ്റേഷനുകളുടെ പേരും ബെംഗളൂരു എന്ന് കൊടുത്താൽ വെബ്സൈറ്റ് കാണിക്കുന്നില്ല.
നഗരത്തെക്കുറിച്ച് വലിയ വിവരമില്ലാത്ത ഒരാൾക്ക് ഇത് തിരിച്ചറിയാൻ കഴിഞ്ഞ് കൊള്ളണമെന്നില്ല.
ബാനസവാടിയിലേക്ക് മുൻപ് മാറ്റിയ എറണാകുളം, കൊച്ചുവേളി ട്രെയിനുകൾക്ക് വേണ്ടി Bengaluru എന്ന് തിരിഞ്ഞാൽ കെ.ആർ.പുര സ്റ്റേഷൻ ലഭിക്കും.
റെയിൽവേ ബംഗളൂരു മലയാളികളെ ദ്രോഹിക്കുന്നത് ആർക്ക് വേണ്ടിയായിരുക്കും ?
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
