ബെംഗളൂരു: നഗരത്തിൽ ഉൽപ്പാദിപ്പിക്കുന്ന നനഞ്ഞ മാലിന്യങ്ങൾ സംസ്കരിക്കാൻ നാല് ബയോ ഗ്യാസ് പ്ലാന്റുകൾ കൂടി 4-5 മാസത്തിനുള്ളിൽ ബെംഗളൂരുവിൽ സജ്ജമാകും.
ഓരോ പ്ലാന്റും 5 ടൺ ശേഷിയുള്ളതായിരിക്കുമെന്ന് ബിബിഎംപിയുടെ ഖരമാലിന്യ പരിപാലന ( എസ്ഡബ്ല്യുഎം ) വകുപ്പിലെ ഉദ്യോഗസ്ഥൻ പറഞ്ഞു.
ഔദ്യോഗിക കണക്കുകൾ പ്രകാരം പ്രതിദിനം 5,500 ടൺ മാലിന്യമാണ് ബെംഗളൂരുവിൽ ഉത്പാദിപ്പിക്കുന്നത്. ഏകദേശം 50% നനഞ്ഞ മാലിന്യങ്ങളും 3-5% മൃഗങ്ങളുടെയും തോട്ടവിളകളുടെയും അവശിഷ്ടങ്ങളാണ്.
നാല് പുതിയ പ്ലാന്റുകൾക്ക് ടെൻഡർ അനുമതി ലഭിച്ചട്ടുണ്ട്. ഓരോന്നിനും രണ്ടര കോടി രൂപ ചെലവ് വരും. ഇവരുടെ ലൊക്കേഷൻ അന്തിമമാക്കിയിട്ടില്ലെങ്കിലും ബയതരായണപുര, മഹാദേവപുര, ബസവനഗുഡി, ശാന്തിനഗർ/ശിവാജിനഗർ എന്നിവിടങ്ങളിൽ എത്തിയേക്കുമെന്ന് എസ്ഡബ്ല്യുഎം ചീഫ് ജനറൽ മാനേജർ ബസവരാജ് കബാഡെ പറഞ്ഞു.
നഗരത്തിൽ ഉത്പാദിപ്പിക്കുന്ന നനഞ്ഞ മാലിന്യങ്ങൾ സംസ്കരിക്കാൻ 13 ബയോഗ്യാസ് പ്ലാന്റുകളുണ്ട്. ഇതിൽ അഞ്ചെണ്ണം പ്രവർത്തന നിലയിലാണ്, ഏഴെണ്ണം നവീകർണ ഘട്ടത്തിലുമാണ്.
നിലവിലുള്ള ഏഴ് ബയോ-മെഥനേഷൻ പ്ലാന്റുകൾ നവീകരിക്കുന്നതിനും അറ്റകുറ്റപ്പണികൾ നടത്തുന്നതിനുമായി 4.5 കോടി രൂപ ചിലവാകും. അതിനാൽ ഓരോ പ്ലാന്റിനും നവീകരണ പ്രവർത്തനങ്ങൾക്കും അറ്റകുറ്റപ്പണികൾക്കുമായി 60 ലക്ഷം രൂപ ചെലവ് വരുമെന്നും കബാഡെ പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
