ബെംഗളൂരു : നന്ദിഹിൽസിൽ മുഖ്യമന്ത്രി സിദ്ധരാമയ്യയുടെ അധ്യക്ഷതയിൽ ചേർന്ന യോഗത്തിൽ ബെംഗളൂരു റൂറൽ ജില്ലയുടെ പേര് ബെംഗളൂരു നോർത്ത് എന്നാക്കി മാറ്റാനുള്ള ശുപാർശ മന്ത്രിസഭായോഗം അംഗീകരിച്ചു.
ഹോസ്കോട്ടെ, ദേവനഹള്ളി, ദൊഡ്ഡബല്ലാപുർ, നെലമംഗല എന്നീ താലൂക്കുകൾ അടങ്ങുന്ന ബെംഗളൂരു റൂറൽ നിലവിൽ വന്നത് 1986-ലാണ്.
മേയിൽ രാമനഗര ജില്ലയുടെ പേര് ബെംഗളൂരു സൗത്ത് എന്നാക്കിയിരുന്നു. ഇതിന് പിന്നാലെയാണ് അടുത്ത ജില്ലയുടെ പേരും മാറ്റിയത്.
ബെംഗളൂരു അർബൻ ജില്ല വിഭജിച്ചാണ് പുതിയ ജില്ലയുണ്ടാക്കിയത്. പിന്നീട് ബെംഗളൂരു റൂറൽ വിഭജിച്ച് രാമനഗര ജില്ല രൂപവത്കരിച്ചിരുന്നു.
ചിക്കബല്ലാപുര ജില്ലയിലെ ബാഗപ്പള്ളി ടൗണിന്റെ പേര് ഭാഗ്യനഗര എന്ന് മാറ്റാനും മന്ത്രിസഭ തീരുമാനിച്ചു. ആന്ധ്രയോട് ചേർന്ന് കിടക്കുന്ന ചിക്കബല്ലാപുരയിലെ ‘ബാഗപള്ളി’ തെലുഗു പേരായതിനാലാണ് മാറ്റിയത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
