Day: 27 February 2025

ബെംഗളൂരു : ബെലഗാവിയിൽ മഹാത്മാഗാന്ധി അധ്യക്ഷതവഹിച്ച കോൺഗ്രസ് സമ്മേളനത്തിന്റെ നൂറാംവാർഷികത്തിന്റെ ഭാഗമായി കർണാടകയിൽ കോൺഗ്രസ് നൂറ്് ഓഫീസുകൾ നിർമിക്കുന്നു. സംസ്ഥാനത്തിന്റെ വിവിധഭാഗങ്ങളിലായി നിർമിക്കുന്ന ഓഫീസുകൾക്ക് സ്ഥലംകണ്ടെത്താൻ ശ്രമംതുടങ്ങി. സർക്കാർഭൂമിയോ സ്വകാര്യഭൂമിയോ കണ്ടെത്താനാണ് നേതാക്കൾക്ക് നിർദേശംനൽകിയിരിക്കുന്നത്. സർക്കാർഭൂമി ലഭ്യമായില്ലെങ്കിൽ സ്വകാര്യഭൂമി പണംനൽകി വാങ്ങാൻ നേതാക്കളോടാവശ്യപ്പെട്ടതായി കെ.പി.സി.സി. പ്രസിഡന്റും ഉപമുഖ്യമന്ത്രിയുമായ ഡി.കെ. ശിവകുമാർ പറഞ്ഞു. 1924 ഡിസംബർ 26-നാണ് മഹാത്മാഗാന്ധി അധ്യക്ഷതവഹിച്ച ചരിത്രപ്രസിദ്ധമായ ബെലഗാവി എ.ഐ.സി.സി. സമ്മേളനം ചേർന്നത്. ഇതിന്റെ ശതാബ്ദിയോടനുബന്ധിച്ച് കഴിഞ്ഞ ഡിസംബർ 26-ന് ബെലഗാവിയിൽ എ.ഐ.സി.സി. സമ്മേളനം വിളിച്ചുചേർത്തിരുന്നു. ഗാന്ധിയൻമൂല്യങ്ങളും ഭരണഘടനാമൂല്യങ്ങളും മുൻനിർത്തിയുള്ള ഒരുവർഷത്തെ…

ഡല്‍ഹി: ശശി തരൂര്‍ എംപി ലോക്‌സഭാ പ്രതിപക്ഷ ഉപനേതാവാകുമെന്ന് സൂചന. നിലവിലെ ഉപനേതാവ് ഗൗരവ് ഗൊഗോയ് അസം പിസിസി അധ്യക്ഷനാകുമെന്ന സാധ്യതകള്‍ക്ക് പിന്നാലെയാണ് ശശി തരൂരിനെ നിയമിക്കാനുള്ള നീക്കം. കേരളത്തെ പോലെ തന്നെ അടുത്ത വര്‍ഷം നിയമസഭാ തിരഞ്ഞെടുപ്പ് നടക്കാനിരിക്കുന്ന അസമിലും പിസിസി പുനഃസംഘടന നടക്കാനിരിക്കുകയാണ്. ഗൊഗോയിയെ സംസ്ഥാന രാഷ്ട്രീയത്തില്‍ കൊണ്ടുവന്ന് കോണ്‍ഗ്രസിനെ ശക്തിപ്പെടുത്തണമെന്നാണ് ഹൈക്കമാന്‍ഡ് നിലപാട്. ബിജെപി നേതാവ് ഹിമന്ത വിശ്വ ശര്‍മയെ ശര്‍മയ്‌ക്കെതിരെ പോരാടാന്‍ ഗൊഗോയ് സംസ്ഥാന കോണ്‍ഗ്രസ് അധ്യക്ഷനായി വരണമെന്ന് കഴിഞ്ഞ ദിവസം സംസ്ഥാന നേതാക്കള്‍ കേന്ദ്ര നേതൃത്വത്തിന് കത്തയച്ചിരുന്നു.

ബെംഗളൂരു: നഗരത്തിലെ സർജാപുര റോഡിൽ ഒരു യുവാവ് തന്റെ കാമുകിയെ ബൈക്കിൽ തിരിച്ചിരുത്തി സിനിമാറ്റിക് സ്റ്റൈലിൽ ഓടിച്ചുപോയ സംഭവം വൈറൽ ആയി. കമിതാക്കൾ റോഡിന്റെ മധ്യത്തിലാണ് ഈ ഭ്രാന്തൻ ഷോ അവതരിപ്പിച്ചത്. ഒരു യുവതിയെ ബുള്ളറ്റ് ബൈക്കിന്റെ പെട്രോൾ ടാങ്കിൽ പുറകിലേക്ക് കാലിട്ട് ഇരുത്തി അപകടകരമായ രീതിയിലാണ് ബൈക്ക് ഓടിച്ചത്. ബൈക്കിന് തമിഴ്‌നാട് നമ്പർ പ്ലേറ്റ് ആണ് ഉള്ളത്. വീഡിയോ ഇപ്പോള്‍ വൈറലായിക്കൊണ്ടിരിക്കുകയാണ്. ഉടനടി പോലീസിന്റെ പിടിവീഴും എന്ന് ഉറപ്പാണ്

ബെംഗളൂരു: സേക്രട്ട്ഹാര്‍ട്ട് ചര്‍ച്ച്, വൈറ്റ് ഫീല്‍ഡ് ഇടവക തിരുന്നാള്‍ ഫെബ്രുവരി 28, മാര്‍ച്ച് 1, 2 ദിവസങ്ങളില്‍ എക്യുമെനിക്കല്‍ ക്രിസ്റ്റ്യന്‍ സെന്റര്‍ (ഇ.സി.സി.) വൈറ്റ് ഫീല്‍ഡില്‍ വെച്ച് നടത്തും. ഫെബ്രുവരി 28ാം തിയ്യതി വെള്ളിയാഴ്ച വൈകിട്ട് 6.30നാണ് വിശുദ്ധ സെബസ്റ്റ്യാനോസിന്റെയും വിശുദ്ധ യൂദാ തദേവൂസിന്റേയും സംയുക്ത തിരുന്നാള്‍ കൊടികയറ്റം. അതിന് ശേഷം തിരുഹൃദയ പ്രതിഷ്ഠയും, മരിച്ചവര്‍ക്ക് വേണ്ടിയുള്ള കുര്‍ബ്ബാനയും ഉണ്ടായിരിക്കും. അമ്പ് തിരുന്നാള്‍ ദിനമായ 1ാം തിയ്യതി ശനിയാഴ്ച വൈകിട്ട് 6.30ന് റാസ കുര്‍ബാനയും തുടര്‍ന്ന് സ്‌നേഹവിരുന്നും നടത്തും. പ്രധാന തിരുന്നാള്‍ ദിനമായ 2ാം…

ഓസ്കാർ ജേതാവായ യുഎസ് നടൻ ജീൻ ഹാക്ക്മാനെയും (95) ഭാര്യ ബെറ്റ്സി അരക്വയും (63) വീടിനുള്ളിൽ മരിച്ച നിലയിൽ. ന്യൂ മെക്സിക്കോയിലെ സാന്താ ഫെയിലുള്ള വീട്ടിൽ ആണ് ഇരുവരെയും അവരുടെ നായയേയും മരിച്ച നിലയിൽ കണ്ടെത്തിയത്. മരണകാരണം ഇതുവരെ അധികൃതർ വെളിപ്പെടുത്തിയിട്ടില്ല. ആറ് പതിറ്റാണ്ടിലേറെ നീണ്ടുനിന്ന കരിയറിൽ അദ്ദേഹത്തിന് രണ്ട് അക്കാദമി അവാർഡുകൾ, രണ്ട് ബാഫ്തകൾ, നാല് ഗോൾഡൻ ഗ്ലോബുകൾ, ഒരു സ്ക്രീൻ ആക്ടേഴ്സ് ഗിൽഡ് അവാർഡ് എന്നിവ ലഭിച്ചു. 1971-ൽ വില്യം ഫ്രീഡ്കിന്റെ ത്രില്ലർ ചിത്രമായ ദി ഫ്രഞ്ച് കണക്ഷനിലെ ജിമ്മി “പോപ്പേ”…

ബെംഗളൂരു: ബെംഗളൂരുവിലെ ചില ഹോട്ടലുകളിലും റസ്റ്റോറന്റുകളിലും ഇഡ്ഡലി തയ്യാറാക്കാൻ പ്ലാസ്റ്റിക് ഷീറ്റുകൾ ഉപയോഗിക്കുന്നുണ്ടെന്ന് കണ്ടെത്തി. ഇത് ഉപഭോക്താക്കളിൽ ഗുരുതരമായ ആരോഗ്യ പ്രത്യാഘാതങ്ങൾ ഉണ്ടാക്കുന്നു. ബെംഗളൂരുവിന്റെ വിവിധ ഭാഗങ്ങളിൽ നിന്ന് ശേഖരിച്ച ഇഡ്ഡലി സാമ്പിളുകളിൽ ഏകദേശം 51 ശതമാനവും സുരക്ഷിതമല്ലെന്ന് ഭക്ഷ്യവകുപ്പിന്റെ ലബോറട്ടറി സ്ഥിരീകരിച്ചതിനെത്തുടർന്ന് കർണാടക സർക്കാർ കാര്യമായ നടപടി സ്വീകരിച്ചു. സംസ്ഥാനത്തെ ഹോട്ടലുകളിലും റസ്റ്റോറന്റുകളിലും പ്ലാസ്റ്റിക് ഉപയോഗം നിരോധിക്കുകയാണെന്ന് ആരോഗ്യമന്ത്രി ദിനേശ് ഗുണ്ടു റാവു വ്യാഴാഴ്ച പ്രഖ്യാപിച്ചു. ഹോട്ടലുകളിലും വഴിയോര ലഘുഭക്ഷണശാലകളിലും പ്ലാസ്റ്റിക് കവറുകൾ ഉപയോഗിക്കാൻ പാടില്ല. ഇനി മുതൽ ഭക്ഷണം തയ്യാറാക്കുന്നതിലും വിതരണം…