Month: January 2025

ബെംഗളൂരു : ബെംഗളൂരു മെട്രോ ടിക്കറ്റ് നിരക്ക് 20 ശതമാനം വർധിപ്പിക്കാൻ ശുപാർശ. വർധന ജനുവരി 18-ന് നിലവിൽ വന്നേക്കും. മെട്രോ ചാർജ് വർധിപ്പിക്കുന്നത് സംബന്ധിച്ച് നിർദേശംനൽകാൻ നിയോഗിച്ച സമിതിയാണ് ബെംഗളൂരു മെട്രോ റെയിൽ കോർപ്പറേഷൻ ലിമിറ്റഡിന് നിർദേശം സമർപ്പിച്ചത്. നിരക്ക് വർധിപ്പിക്കാൻ നേരത്തെ ബി.എം.ആർ.സി.എൽ. തീരുമാനിച്ചതാണ്. ജനുവരി 17-ന് ബി.എം.ആർ.സി.എല്ലിന്റെ ബോർഡ് യോഗം ചേരുന്നുണ്ട്. ഇതിൽ അന്തിമ പ്രഖ്യാപനമുണ്ടാകുമെന്നാണ് സൂചന. നിലവിൽ മെട്രോ ട്രെയിനുകളിലെ കുറഞ്ഞ ടിക്കറ്റ് നിരക്ക് 10 രൂപയാണ്. കൂടിയത് 60 രൂപയും. 2017-ലാണ് അവസാനം ടിക്കറ്റ് നിരക്ക് കൂട്ടിയത്.…

ബെംഗളൂരു: ബംഗാരപ്പേട്ട് താലൂക്കിലെ ദാസർഹോസഹള്ളിയിൽ അങ്കണവാടിയുടെ മേൽക്കൂരയിലെ സിമൻ്റ് പ്ലാസ്റ്ററിങ്ങ് വീണ് നാല് കുട്ടികൾക്ക് പരിക്കേറ്റു. നിസാര പരിക്കുകളോടെ കുട്ടികൾ സുഖം പ്രാപിച്ചു. ദാസർഹോസഹള്ളിയിലെ അങ്കണവാടിയുടെ മേൽക്കൂരയിലെ സിമൻ്റ് പ്ലാസ്റ്ററിങ്ങിനെ തുടർന്ന് അങ്കണവാടിയിലെ ഏഴ് കുട്ടികളായ പിഷിത, പരിനീത്, സാൻവി, ചരിത എന്നിവർക്കാണ് പരിക്കേറ്റത്. ദാസർഹോസഹള്ളിയിലെ ശിശുസൗഹൃദ അങ്കണവാടി ശോച്യാവസ്ഥയിലായി. ഇത് സംബന്ധിച്ച് അങ്കണവാടിയുടെ അറ്റകുറ്റപ്പണി നടത്തണമെന്ന് അങ്കണവാടി വർക്കർമാർ പലതവണ വകുപ്പ് മേലധികാരികളോടും ഗ്രാമപ്പഞ്ചായത്തിനോടും നിവേദനം നൽകിയെങ്കിലും ഫലമുണ്ടായില്ല. എന്നാൽ, ഇപ്പോൾ അങ്കണവാടിയുടെ മേൽക്കൂരയുടെ സിമൻ്റ് പ്ലാസ്റ്ററിങ്ങ് വീണ് അപകടഭീഷണി ഉയർത്തിയിട്ടുണ്ട്. സെൻ്ററിലെ…

ബെംഗളൂരു : ബെംഗളൂരുവിലെ ടെക്കി യുവാവ് അതുൽ സുഭാഷ് (34) ജീവനൊടുക്കിയ കേസിൽ ഭാര്യ നികിത സിംഘാനിയ, ഭാര്യാമാതാവ് നിഷ സിംഘാനിയ, ഭാര്യാ സഹോദരൻ അനുരാഗ് സിംഘാനിയ എന്നിവർക്ക് ബെംഗളൂരുവിലെ സിറ്റി സിവിൽ കോടതി ജാമ്യം അനുവദിച്ചു. കഴിഞ്ഞ മാസമാണ് ഉത്തർപ്രദേശ് സ്വദേശിയായ അതുൽ സുഭാഷ് ജീവനൊടുക്കിയത്. ഭാര്യയുടെയും ഭാര്യവീട്ടുകാരുടെയും പീഡനം മൂലമാണ് അതുൽ ജീവനൊടുക്കിയതെന്നാണ് കേസ്. അഖിലിന്റെ പേരിൽ ഇവർ നൽകിയ ഒമ്പത് കേസ് നിലവിലുണ്ടായിരുന്നു. കൊലപാതക ശ്രമം, പ്രകൃതിവിരുദ്ധ ലൈംഗിക പീഡനം, സ്ത്രീധന പീഡനം ഉൾപ്പെടെ ആരോപിച്ചുള്ള പരാതികളിലാണ് കേസ് നേരിട്ടത്.…

ബെംഗളൂരു: മാലിന്യം കയറ്റിവന്ന വാഹനമിടിച്ച്‌ സഹോദിരിമാരായ യുവതികള്‍ക്ക് ദാരുണാന്ത്യം. ഗോവിന്ദപുര സ്വദേശികളായ നാസിയ സുല്‍ത്താൻ, നാസിയ ഇർഫാൻ എന്നിവരാണ് മരിച്ചത്. സ്ത്രീകള്‍ സഞ്ചരിച്ചിരുന്ന ഇരുചക്രവാഹനത്തില്‍ ബിബിഎംപിയുടെ മാലിന്യ ട്രക്ക് ഇടിക്കുകയായിരുന്നുവെന്ന് പോലീസ് പറഞ്ഞു. ട്രക്ക് ഡ്രൈവറായ ഗാഡി ലിംഗയെ (32) ഹെബ്ബാള്‍ ട്രാഫിക് പോലീസ് അറസ്റ്റ് ചെയ്തു. സഹോദരിമാർ ആർകെ ഹെഗഡെ നഗറിലെ ആശുപത്രിയിലേക്ക് പോകുമ്പോഴായിരുന്നു അപകടം. ഡ്രൈവറെ ബ്രീത്ത് അനലൈസർ പരിശോധനയ്ക്ക് വിധേയനാക്കിയപ്പോള്‍ മദ്യപിച്ചിട്ടില്ലെന്ന് കണ്ടെത്തി. ഹെബ്ബാള്‍ ട്രാഫിക് പോലീസ് സ്‌റ്റേഷനില്‍ കേസ് രജിസ്റ്റർ ചെയ്തിട്ടുണ്ട്.

ബെംഗളൂരു: പോലീസ് സ്റ്റേഷനില്‍ പരാതിപറയാൻ എത്തിയ യുവതിയെ ലൈംഗിക പീഡനത്തിനിരയാക്കിയതിന് അറസ്റ്റിലായ പോലീസ് സൂപ്രണ്ടിനെ 14 ദിവസത്തേക്ക് ജുഡീഷ്യല്‍ കസ്റ്റഡിയില്‍ റിമാൻഡ് ചെയ്തു. തുമകുരു, മധുഗിരി ഡെപ്യൂട്ടി പോലീസ് സൂപ്രണ്ട് എ രാമചന്ദ്രപ്പയെ വെള്ളിയാഴ്ച രാത്രിയായിരുന്നു അറസ്റ്റു ചെയ്തത്. ഭൂമി തർക്ക പരാതിയുമായി എത്തിയ യുവതിയെ പോലീസ് സ്റ്റേഷനകത്തെ തന്റെ മുറിയില്‍ രാമചന്ദ്രപ്പ ലൈംഗിക അതിക്രമത്തിനിരയാക്കുന്ന ദൃശ്യങ്ങള്‍ സമൂഹ മാധ്യമങ്ങളില്‍ അടക്കം പ്രചരിച്ചിരുന്നു. ദൃശ്യങ്ങളുടെ അടിസ്ഥാനത്തില്‍ യുവതിയെ കണ്ടെത്തിയ പോലീസ് സംഘം പരാതി എഴുതി വാങ്ങുകയായിരുന്നു. ശേഷം സഹപ്രവർത്തകർ എസ്പിയെ അറസ്റ്റ് രേഖപ്പെടുത്തി അതേ…

ബെംഗളൂരു: പത്താം ക്ലാസുകാരിയെ വിവാഹം ചെയ്ത ട്യൂഷൻ അധ്യാപകൻ പെണ്‍കുട്ടിയുമായി ഒളിച്ചോടി. 25കാരനായ അഭിഷേക് ഗൗഡയെയും പെണ്‍കുട്ടിയെയും കാണാതായിട്ട് 40 ലധികം ദിവസമാണ് ആയെന്നാണ് പെണ്‍കുട്ടിയുടെ കുടുംബം പോലീസില്‍ അറിയിച്ചിരിക്കുന്നത്. നവംബർ 23നാണ് 15 കാരിയായ പെണ്‍കുട്ടിയെ കാണാതാകുന്നത്. വൈകിട്ട് ട്യൂഷനുപോയതായിരുന്നു പെണ്‍കുട്ടി. എന്നാല്‍ രാത്രി വളരെ വൈകിയിട്ടും പെണ്‍കുട്ടി തിരികെ വീട്ടില്‍ എത്താഞ്ഞതോടെ പെണ്‍കുട്ടിയുടെ അച്ഛൻ അഭിഷേകിൻ്റെ വീട്ടിലെത്തി. എന്നാല്‍ വീട്ടില്‍ ആരും ഇല്ലായിരുന്നിട്ടും കതക് ചാരിയിട്ട നിലയിലായിരുന്നു. ഇതോടെ വീടിൻ്റെ അകത്ത് കടന്ന പെണ്‍കുട്ടിയുടെ അച്ഛൻ ലിവിങ് റൂമിലെ മേശയില്‍ ഒരു…

ബെംഗളൂരു: പുതുവര്‍ഷ ദിനം ബെംഗളൂരുവില്‍ നടന്ന റോഡ് അപകടത്തില്‍ മസ്തിഷ്‌ക മരണം സംഭവിച്ച മലയാളി വിദ്യാര്‍ത്ഥി അലന്‍ അനുരാജിന്റെ അവയവങ്ങള്‍ എട്ട് പേരിലൂടെ ജീവിക്കും. ആറ് പ്രധാന അവയവങ്ങളും 2 കണ്ണുകളുമാണ് ദാനം ചെയ്തത്. ഹൃദയം, രണ്ട് വൃക്കകള്‍, പാന്‍ക്രിയാസ്, ശ്വാസകോശം, കരള്‍, നേത്ര പടലം എന്നിവയാണ് ദാനം ചെയ്തത്. അവയവങ്ങള്‍ കര്‍ണാടകയിലെ വിവിധ ആശുപത്രികള്‍ക്ക് കൈമാറി. മരണാനന്തര അവയവദാനത്തിന് നേതൃത്വം നല്‍കുന്ന കര്‍ണാടക സര്‍ക്കാരിന്റെ ‘ജീവസാര്‍ത്ഥകത്തേ’യുടെ നേതൃത്വത്തിലാണ് അവയവ കൈമാറ്റ നടപടിക്രമങ്ങളും സ്വീകര്‍ത്താക്കളെ കണ്ടെത്തലും കാര്യക്ഷമമായി നടന്നത്. തീവ്ര ദു:ഖത്തിലും മറ്റൊരു സംസ്ഥാനത്ത്…