Month: January 2025

പ്രയാഗ് രാജ്: നടി നിഖില വിമലിന്റെ സഹോദരി അഖില വിമൽ സന്യാസിനിയായി. പ്രയാഗ് രാജിലെ കുംഭമേളയിൽ വച്ചാണ് അഖില സന്യാസം സ്വീകരിച്ചത്. അവന്തികാ ഭാരതി എന്നാണ് ഇനി അറിയപ്പെടുക. അഖിലയുടെ ഗുരുവായ അഭിനവ ബാലാനന്ദഭൈരവയാണ് ഫേസ്ബുക്കിലൂടെ ഇക്കാര്യം അറിയിച്ചത്. ‘ജൂന പീഠാധീശ്വർ ആചാര്യ മഹാ മണ്ഡലേശ്വർ സ്വാമി അവധേശാനന്ദ ഗിരി മഹാരാജിൽ നിന്നും തൻ്റെ ശിഷ്യയായ അഖില, അവന്തികാ ഭാരതി എന്ന നാമത്തിലേക്ക് എത്തി’ എന്ന് അഭിനവ ബാലാനന്ദഭൈരവ കുറിച്ചു.   കേരളത്തിൽ നിന്ന് മഹാമണ്ഡലേശ്വര പദവിയിലേക്കെത്തിയ സ്വാമി ആനന്ദവനം ഭാരതിയ്ക്കൊപ്പമുള്ള ചിത്രവും അഭിനവ…

ബെംഗളൂരു: ഹൊസള്ളിയില്‍ സ്വകാര്യ ബസ് മറിഞ്ഞ് ഒരു ആണ്‍കുട്ടി മരിക്കുകയും അഞ്ച് പേര്‍ക്ക് ഗുരുതരമായി പരിക്കേല്‍ക്കുകയും ചെയ്തു. കുക്കനൂര്‍ താലൂക്കിലെ ബാനപുര ഗ്രാമത്തിലെ വൈഭവ് (9) ആണ് മരിച്ചത്. ബെംഗളൂരുവില്‍ നിന്ന് ഗജേന്ദ്രഗഡിലേക്ക് പോവുകയായിരുന്ന സ്വകാര്യ ബസ് ഹൈവേ വളവില്‍ ഡ്രൈവറുടെ അശ്രദ്ധമൂലം മറിഞ്ഞെന്നാണ് പ്രാഥമിക വിവരം. പരിക്കേറ്റവര്‍ യലബുര്‍ഗ താലൂക്ക് ആശുപത്രിയില്‍ ചികിത്സയിലാണ്.

മഹാരാഷ്ട്രയിലെ ബുല്‍ദാന ജില്ലയില്‍ ഗര്‍ഭസ്ഥ ശിശുവിനുള്ളില്‍ മറ്റൊരു ഭ്രൂണം എന്ന അത്യപൂര്‍വ അവസ്ഥ കണ്ടെത്തി. 32 കാരിയായ ഗര്‍ഭിണിക്കാണ് ഈ അപൂര്‍വ അവസ്ഥ. ‘ഫീറ്റസ് ഇന്‍ ഫീറ്റു’ എന്നാണ് ഈ അപൂര്‍വ ഗര്‍ഭ ധാരണത്തിന് പറയുന്നത്. 35 ആഴ്ച ഗര്‍ഭിണിയായ സ്ത്രീ പതിവ് പരിശോധനയ്ക്കായി പോയപ്പോഴാണ് ഈ അപൂര്‍വ അവസ്ഥ ഡോക്ടര്‍മാര്‍ കണ്ടെത്തിയത്. ലോകത്ത് തന്നെ അഞ്ച് ലക്ഷത്തില്‍ ഒന്ന് മാത്രമാണ് ഈ അവസ്ഥ ഉണ്ടാകുന്നതെന്ന് ഗൈനക്കോളജിസ്റ്റ് ഡോ.ആര്‍ പ്രസാദ് പറഞ്ഞു. ലോകത്താകെ ഇതുവരെ 200 കേസുകളാണ് ഇത്തരത്തില്‍ റിപ്പോര്‍ട്ട് ചെയ്തിട്ടുള്ളത്. അതും പ്രസവശേഷമാണ്…

തന്‍റെ മൂന്നാം വിവാഹം പാക്കിസ്ഥാനില്‍ നിന്നാകാന്‍ താല്‍പ്പര്യം അറിയിച്ച് നടിയും സോഷ്യല്‍ മീഡിയയിലെ വിവാദ താരവുമായ രാഖി സാവന്ത്. തന്‍റെ സമീപകാല പാക്കിസ്ഥാന്‍ സന്ദർശനത്തിനിടെ ലഭിച്ച നല്ല വിവാഹ സാധ്യതകളെ ഉദ്ധരിച്ച് ടൈംസ് ഓഫ് ഇന്ത്യയ്ക്ക് നല്‍കിയ അഭിമുഖത്തിലാണ് പാകിസ്ഥാനിൽ നിന്ന് വിവാഹം കഴിക്കാനുള്ള ആഗ്രഹം നടി തുറന്നുപറഞ്ഞത്. ഇന്ത്യക്കാർക്കും പാകിസ്താനികൾക്കും പരസ്പരം ആശ്രയിക്കാതെ പറ്റില്ല. എനിക്ക് പാകിസ്താൻകാരെ ഇഷ്ടമാണ്. എനിക്ക് അവിടെ ആരാധകരുമുണ്ട്. പാകിസ്താനിൽ മുസ്ലീം ആചാര പ്രകാരമാകും വിവാഹം. സ്വീകരണം ഇന്ത്യയിലാകും. ടൈംസ് ഓഫ് ഇന്ത്യയാണ് വാർത്ത റിപ്പോർട്ട് ചെയ്യുന്നത്. പാകിസ്താനി…

ബെംഗളൂരു: മഹാത്മാ ഗാന്ധിയുടെ 77ാ മത് രക്തസാക്ഷി ദിനത്തോടനുബന്ധിച്ച് ബെംഗളൂരുവിൽ ജനുവരി 30ന് മാംസ വിൽപന നിരോധിച്ചതായി ബിബിഎംപി അറിയിച്ചു. ബിബിഎംപി പരിധിയിലുള്ള എല്ലാ കശാപ്പ് ശാലകളിലും, ഹോട്ടലുകളിലും മാംസ നിരോധനം ബാധകമാണ്. നഗരത്തിൽ ഏകദേശം 3,000 ലൈസൻസുള്ള മാംസ വിൽപന ഷോപ്പുകളുണ്ട്. നിർദേശം ലംഘിക്കുന്നവർക്കെതിരെ കർശന നടപടി ഉണ്ടാകുമെന്ന് ബിബിഎംപി മുന്നറിയിപ്പ് നൽകി.

ബെംഗളൂരു: മാവോവാദി നേതാവ് രവീന്ദ്രയും കീഴടങ്ങാൻ സന്നദ്ധത അറിയിച്ചതായി അഭ്യൂഹം. ഈ മാസം ആദ്യം ചിക്കമഗളൂരു കാടുകളിൽനിന്ന് ബെംഗളൂരുവിലെത്തി കീഴടങ്ങിയ ആറ്്‌ മാവോവാദി പ്രവർത്തകരുടെ സംഘത്തിൽപ്പെട്ടയാളാണ് കർണാടക സ്വദേശിയായ രവീന്ദ്ര എന്ന കോട്ടഹോണ്ട രവി. രവീന്ദ്ര കീഴടങ്ങാൻ സന്നദ്ധത അറിയിച്ച് കർണാടക സിവിൽ റൈറ്റ്‌സ് ഫോറം ഭാരവാഹികളെ ബന്ധപ്പെട്ടതായാണ് വിവരം. നേരത്തെ കീഴടങ്ങിയവരും സിവിൽ റൈറ്റ്‌സ് ഫോറം ഭാരവാഹികളുടെ മധ്യസ്ഥതയിലാണ് സർക്കാരുമായി ചർച്ച നടത്തിയത്. ഒന്നരപതിറ്റാണ്ടോളം കേരളത്തിൽ പ്രവർത്തിച്ച് കർണാടകയിലെത്തിയ സംഘത്തിലൊരാളായിരുന്നു രവീന്ദ്ര. കണ്ണൂർ, വയനാട്, കോഴിക്കോട് ജില്ലകളിലെ പശ്ചിമഘട്ട വനമേഖല കേന്ദ്രീകരിച്ച് പ്രവർത്തിച്ച…

  ബെംഗളൂരു: എയർ ഷോ പ്രമാണിച്ച് ഫെബ്രുവരി 13, 14 തീയതികളിൽ നഗരത്തിലെ യലഹങ്ക എയർ ബേസിന് ചുറ്റുമുള്ള ബിരുദ കോളേജുകൾക്ക് അവധി നൽകി. സർക്കാർ, എയ്ഡഡ്, സ്വകാര്യ ഡിഗ്രി കോളേജുകളിലെ ക്ലാസുകൾ റദ്ദാക്കി കോളേജ് വിദ്യാഭ്യാസ വകുപ്പ്  ഉത്തരവിറക്കി. എയർഫോഴ്‌സ് സ്‌റ്റേഷനും യെലഹങ്കയ്ക്കും ചുറ്റുമുള്ള കോളേജുകൾക്കും ഈ ഉത്തരവ് ബാധകമായിരിക്കും. കോളേജുകളുടെ പേരുകൾ പ്രത്യേകം പ്രഖ്യാപനത്തിൽ പരാമർശിച്ചിട്ടില്ല. ഏഷ്യയിലെ ഏറ്റവും വലിയ എയർ ഷോ ഫെബ്രുവരി 13, 14 തീയതികളിൽ ബെംഗളൂരുവിലെ യലഹങ്ക എയർഫോഴ്സ് ബേസിൽ നടക്കും. ഈ എയർ ഷോ വീക്ഷിക്കാൻ…