Year: 2024

ബെംഗളൂരു : കർണാടകത്തിൽ കുടിവെള്ള ബില്ലിൽ ഹരിതസെസ് ഏർപ്പെടുത്താൻപോകുന്നെന്ന റിപ്പോർട്ടുകൾ തള്ളി ഉപമുഖ്യമന്ത്രി ഡി.കെ. ശിവകുമാർ. അത്തരമൊരു പദ്ധതി സർക്കാരിനുമുൻപിൽ ഇല്ലെന്നും അദ്ദേഹം പറഞ്ഞു. പ്രചരിക്കുന്നത് വ്യാജവാർത്തയാണെന്നും പിന്നിൽ ബി.ജെ.പി.യാണെന്നും ശിവകുമാർ ആരോപിച്ചു. പശ്ചിമഘട്ട സംരക്ഷണത്തിനുള്ള ഫണ്ടുകണ്ടെത്താനായി സംസ്ഥാനത്തെ ടൗണുകളിലും നഗരങ്ങളിലും കുടിവെള്ള ബില്ലിൽ രണ്ടുരൂപമുതൽ മൂന്നുരൂപവരെ ഹരിതസെസ് ഏർപ്പെടുത്താൻ വനംവകുപ്പ് ആലോചിക്കുന്നതായാണ് റിപ്പോർട്ട് പുറത്തുവന്നത്. ഇതുസംബന്ധിച്ച് പദ്ധതിരേഖ സമർപ്പിക്കാൻ വനംമന്ത്രി ഈശ്വർ ഖാൻഡ്രെ ഉദ്യോഗസ്ഥർക്ക് നിർദേശംനൽകിയെന്നുള്ള വിവരവും പുറത്തുവന്നിരുന്നു. നിരക്ക് കൂട്ടുന്നത് പ്രതിഷേധം ഉണ്ടാക്കുമെന്ന് കണ്ടാണ് വ്യാഴാഴ്ച ഉപമുഖ്യന്ത്രി വിഷയം തള്ളിയതെന്നാണ് സൂചന.

ബെംഗളൂരു : സൈബർ കേസുകൾ പെരുകുന്നതിന്റെ പശ്ചാത്തലത്തിൽ കേസന്വേഷണത്തിന്റെ മേൽനോട്ടം ഡി.ജി.പി.യുടെ ചുമതലയിലാക്കാനൊരുങ്ങി കർണാടക ആഭ്യന്തരവകുപ്പ്. രാജ്യത്ത് ആദ്യമായാണ് പോലീസ് തലപ്പത്ത് ഇത്തരമൊരു നിയമനം. സൈബർ കുറ്റകൃത്യങ്ങൾ തടയുന്നതിനുള്ള നടപടികളുടെ ഭാഗമായാണിത്. ഇതിനായി ആഭ്യന്തര വകുപ്പ് തയ്യാറാക്കിയ പദ്ധതി അംഗീകാരത്തിനായി അടുത്ത ദിവസം ധനകാര്യ വകുപ്പിന് സമർപ്പിക്കും. തുടർന്ന് പുതിയ ഡി.ജി.പി. യുടെ തസ്തിക സൃഷ്ടിക്കും. ഇതോടെ കർണാടകത്തിൽ പോലീസ് മേധാവി ഉൾപ്പെടെ ഡി.ജി.പി. മാരുടെ എണ്ണം അഞ്ചാകും. നിലവിൽ സംസ്ഥാനത്ത് എല്ലാ ജില്ലകളിലും സൈബർ ക്രൈം സെല്ലുകളോ സൈബർ പോലീസ് സ്‌റ്റേഷനുകളോ പ്രവർത്തിക്കുന്നുണ്ട്.…

ബെംഗളൂരു : സ്വകാര്യ കമ്പനികൾ മുലപ്പാൽ വിപണിയിൽ ഇറക്കുന്നത് തടയാൻ നിർദേശം നൽകണമെന്ന് ആവശ്യപ്പെട്ടുള്ള ഹർജിയിൽ സംസ്ഥാന, കേന്ദ്ര സർക്കാരുകൾക്ക് ഹൈക്കോടതി നോട്ടീസ് അയച്ചു. ബെംഗളൂരു സ്വദേശി മുന്നേഗൗഡയുടെ പൊതു താല്പര്യ ഹർജിയിലാണ് ചീഫ് ജസ്റ്റിസ്‌ എൻ വി അൻജാരിയയുടെ ആദ്യക്ഷതയിലുള്ള ഡിവിഷൻ ബെഞ്ചിന്റെ നടപടി. കേന്ദ്ര ആയുഷ് മന്ത്രാലയത്തിന്റെ നിർദേശം പ്രകാരം ഇത്തരം കമ്പനികളിൽ ചിലതിന്റെ ലൈസൻസ് നേരെത്തെ റദ്ധാക്കിയിരുന്നതായി സംസ്ഥാന സർക്കാർ കോടതിയെ അറിയിച്ചു. ഇതിലൊരു കമ്പനി സമർപ്പിച്ച ഹർജി ഹൈക്കോടതി സിംഗിൾ ബെഞ്ചിന്റെ പരിഗണനയിൽ ഉണ്ടെന്നും കർണാടക ധരിപ്പിച്ചു. തുടർന്നാണ്…

ബംഗളുരു : ബംഗളുരു വിമാനത്താവളത്തിലേക്കുള്ള ബെള്ളാരി ഹൈവേയിൽ ഗതാഗത കുരുക്കും അപകടങ്ങളും കൂടിയതോടെ പരിഷ്ക്കാരങ്ങളുമായി ദേശീയ പാത അതൊരിറ്റിയും ട്രാഫിക് പോലീസും, മന്ത്രി കൃഷ്ണ ബൈരെ ഗൗഡ വിളിച്ചു ചേർത്ത യോഗത്തിൽ പ്രശ്നപരിഹാരത്തിന് കർമ പദ്ധതി രൂപീകരിക്കാൻ തീരുമാനിച്ചു. പ്രതിരോധ വകുപ്പിന്റെ ഉടമസ്ഥതയിലുള്ള ഭൂമി ഉൾപ്പെടെ ഏറ്റെടുത്ത് റോഡ് വികസിപ്പിക്കാനുള്ള ലക്ഷ്യമാണ് ഇടുന്നത്. ഹെബ്ബാൾ മേൽ പാലത്തിന് സമീപം എൻ എച്ച് എ ഐ സർവീസ് റോഡ് നിർമ്മിക്കും. മിലിറ്ററി ഫാം ബസ് സ്റ്റോപ്പിലെ ബസ് ബെയുടെ വീതി കൂട്ടും. യെലഹങ്ക സിഗ്നലിൽ നിന്നും…

ബെംഗളൂരു : ആനേക്കൽ താലൂക്കിലെ സർജാപൂരിൽ 35കാരിയുടെ നഗ്നശരീരം അഴുകിയ നിലയിൽ കണ്ടെത്തി . മറ്റൊരിടത്ത് കൊലപ്പെടുത്തിയ ശേഷം ഇവിടെ തള്ളിയതായാണ് സംശയിക്കുന്നത്. കഴിഞ്ഞ മൂന്ന് ദിവസമായി പ്രദേശത്ത് ദുർഗന്ധമുണ്ടായിരുന്നു. അതിനാൽ നാട്ടുകാർ ഗ്രാമപഞ്ചായത്തിൽ പരാതി നൽകി. അഴുക്കുചാല് വൃത്തിയാക്കുന്നതിനിടെ നഗരസഭാ തൊഴിലാളികളാണ് യുവതിയുടെ കാൽ ആദ്യം കണ്ടത്, പരിശോധനയില് അഴുകിയ നിലയിൽ മൃതദേഹം കണ്ടെത്തുകയായിരുന്നു. തുടർന്ന് ഡോഗ് സ്ക്വാഡ് സ്ഥലത്തെത്തി പരിശോധന നടത്തി. സർജാപൂർ പോലീസ് സ്റ്റേഷനിൽ കേസ് രജിസ്റ്റർ ചെയ്തിട്ടുണ്ട്.

മണ്ഡല- മകരവിളക്ക് മഹോത്സവത്തിന് നാളെ തുടക്കമാകും. വൈകിട്ട് അഞ്ചിന് പി എൻ മഹേഷ് നമ്പൂതിരി നട തുറന്ന് ദീപം തെളിയിക്കും. നട  തുറന്ന ശേഷം ആഴിയിൽ അഗ്നിപകരും. പുതിയ ശബരിമല, മാളികപ്പുറം മേൽശാന്തിമാരും നാളെ  ചുമതലയേൽക്കും. വൃശ്ചിക മാസം ഒന്നിന് പുലർച്ചെ മൂന്നു മണിക്കാണ് നട തുറക്കുക. അയ്യപ്പഭക്തരെ വരവേൽക്കാൻ തിരുവിതാംകൂർ ദേവസ്വം ബോർഡും സംസ്ഥാന സർക്കാരും ചേർന്ന് എല്ലാ ഒരുക്കങ്ങളും പൂർത്തിയാക്കിയതായി വാർത്താക്കുറിപ്പിൽ സർക്കാർ അറിയിച്ചു. അതേസമയം, ശബരിമല ക്ഷേത്രത്തിലേക്കുള്ള തീർത്ഥാടന അനുഭവം വർധിപ്പിക്കുന്നതിനായി ജില്ലാ ഭരണകൂടത്തിന്റെ ‘സ്വാമി ചാറ്റ് ബോട്ട്’ വരുന്നു.…

ബെംഗളൂരു : മൂന്നാമത് കർണാടക മിനി ഒളിമ്പിക്സിന് കണ്ഠീരവ ഇൻഡോർ സ്‌റ്റേഡിയത്തിൽ തുടക്കമായി. മുഖ്യമന്ത്രി സിദ്ധരാമയ്യ ഉദ്ഘാടനം ചെയ്തു. കായിക യുവജന ക്ഷേമവകുപ്പും കർണാടക ഒളിമ്പിക് അസോസിയേഷനും (കെ.ഒ.എ.) സംയുക്തമായിട്ടാണ് 14 വയസ്സിൽ താഴെയുള്ള കുട്ടികൾക്കായി മിനി ഒളിമ്പിക്സ് സംഘടിപ്പിക്കുന്നത്. നവംബർ 20-ന് സമാപിക്കും. അത്‌ലറ്റിക്‌സ്, ബാസ്കറ്റ്‌ബോൾ, വുഷു, ഖോ ഖോ തുടങ്ങിയ 24 മത്സരയിനങ്ങളുണ്ടാകും. സംസ്ഥാനത്തിന്റെ വിവിധ ഭാഗങ്ങളിൽ നിന്നുള്ള കുട്ടികൾ പങ്കെടുക്കും. മൂന്നു കോടി രൂപയാണ് പരിപാടിയുടെ നടത്തിപ്പിനായി സർക്കാർ നീക്കി വെച്ചിരിക്കുന്നത്.