Day: 19 November 2024

ബെംഗളൂരു: നഗരത്തിലെ ഇ വി ഷോറൂമില്‍ തീപ്പിടിത്തത്തില്‍ ജീവനക്കാരിക്ക് ദാരുണാന്ത്യം. രാജ്കുമാര്‍ റോഡിലെ ‘മൈ ഇ വി സ്റ്റോര്‍’ ഷോറൂമിലുണ്ടായ തീപ്പിടിത്തത്തില്‍ ജീവനക്കാരിയായ പ്രിയ വെന്തുമരിച്ചു. ഷോറൂമിലെ ഇലക്‌ട്രിക് സ്‌കൂട്ടറുകളും കത്തി നശിച്ചു. നിലവില്‍ തീ നിയന്ത്രണ വിധേയമായിട്ടുണ്ട്. വൈകിട്ടോടെയായിരുന്നു ഇലട്രിക് സ്‌കൂട്ടറുകള്‍ സൂക്ഷിച്ച ഷോറൂമില്‍ തീയും പുകയും ഉയര്‍ന്നത്. അഗ്‌നിബാധ കണ്ട ജീവനക്കാര്‍ പുറത്തേക്ക് ചിതറി ഓടിയെങ്കിലും ഒരു സ്ത്രീ മാത്രം പുക ശ്വസിച്ചു അകത്ത് കുഴഞ്ഞു വീഴുകയായിരുന്നു. ആരും ഷോറൂമില്‍ അകപ്പെട്ടു കാണില്ലെന്ന നിഗമനത്തില്‍ ആയിരുന്നു തീയണക്കാനുള്ള ശ്രമം ആരംഭിച്ചത്.

ബെംഗളൂരു: 22 വർഷമായി ലിവ്-ഇൻ റിലേഷൻഷിപ്പില്‍ പങ്കാളിയായ ഒരാള്‍ക്കെതിരെ ചുമത്തിയ ബലാത്സംഗക്കേസ് കർണാടക ഹൈക്കോടതി റദ്ദാക്കി. മുൻപ് വിവാഹിതയായിരുന്ന പരാതിക്കാരിക്ക് ആ ബന്ധത്തില്‍ രണ്ടു കുട്ടികളും ഉണ്ട്. അവർ 2004-ല്‍ ബെംഗളൂരുവിലെത്തി ഒരു ഹോട്ടലില്‍ ജോലിക്ക് ചേർന്നു. അവിടെ വച്ച്‌ കണ്ടു മുട്ടിയ ആളുമായി അടുപ്പത്തിലാകുകയും ഒരുമിച്ച്‌ താമസിക്കുകയും ചെയ്തു. കുറ്റാരോപിതൻ തന്നെ വിവാഹം കഴിക്കാമെന്ന് വാഗ്ദാനം ചെയ്തതായി വാദിയായ സ്ത്രീ അവകാശപ്പെടുന്നു. നല്ലൊരു ജീവിതം നല്‍കാമെന്ന ഉറപ്പില്‍ അയാളുടെ വീട്ടില്‍ താമസം തുടങ്ങിയ അവരെ തന്റെ ഭാര്യയാണെന്ന് അയാള്‍ എല്ലാവരോടും പരിചയപ്പെടുത്തുകയും ശാരീരികമായി…

ബെംഗളൂരു: ഹാസനില്‍ പെൻഷൻ മൊഹല്ല പൊലീസ് സ്റ്റേഷൻ പരിധിയില്‍ പാതയോരത്ത് നിർത്തിയിട്ട പോളിത്തീൻ സാധനങ്ങള്‍ കയറ്റിയ ലോറി കത്തിനശിച്ചു. ഹാസനില്‍ നിന്ന് ബെംഗളൂരുവിലേക്ക് വരുകയായിരുന്ന ലോറിയില്‍ നിന്ന് ഡ്രൈവർ ഭക്ഷണം കഴിക്കാൻ ഇറങ്ങിയ വേളയിലാണ് തീപിടിത്തമുണ്ടായത്. പരിസരവാസികള്‍ കത്തിച്ച ഉണങ്ങിയ മാലിന്യത്തില്‍ നിന്നാണ് അഗ്നിബാധയുണ്ടായതെന്ന് പോലീസ് പറഞ്ഞു. ചിക്കമഗളൂരു ജില്ലയിലെ മുഡിഗെരെ രജിസ്ട്രേഷനിലുള്ളതാണ് ലോറി.

ബെംഗളൂരു: ദേശീയപാത 75ല്‍ നെല്യാടി മന്നഗുണ്ടിയില്‍ കാർ ഡിവൈഡറിലിടിച്ചുണ്ടായ അപകടത്തില്‍ ഒരാള്‍ മരിച്ചു. കാറിലുണ്ടായിരുന്ന കുമ്പ്ര സ്വദേശി എ.ജഗദീഷാണ് (37) മരിച്ചത്. ഡ്രൈവർ നിസ്സാര പരിക്കോടെ രക്ഷപ്പെട്ടു. നെല്യാടി പോലീസ് കേസെടുത്തു.

ബെംഗളൂരു: നഗരത്തില്‍ ഭിക്ഷാടനം നടത്തിയ യുവാവ് 75 വയസ്സുള്ള വൃദ്ധയെ ബലാത്സംഗം ചെയ്തു എന്നാരോപണം. തയ്യബ് പട്ടണത്തില്‍ ഭിക്ഷ യാചിച്ചുകൊണ്ടിരിക്കുകയാരുന്നു. ആരുമില്ലാത്ത സമയത്ത് വീട്ടില്‍ കയറി വൃദ്ധയെ ബലാത്സംഗം ചെയ്യുകയായിരുന്നുവെന്നാണ് പരാതി. ഇപ്പോള്‍ ഒളിവിലുള്ള തയ്യബിനെ കണ്ടെത്താൻ പോലീസ് അന്വേഷണം തുടങ്ങി. ഗുരുതരാവസ്ഥയിലായ വയോധികയെ ബിദറിലെ സർക്കാർ ആശുപത്രിയില്‍ പ്രവേശിപ്പിച്ചു. അവർ ചികിത്സയിലാണ്.