Day: 25 October 2024

ബെംഗളൂരു: ഇന്ദിരാനഗറിലെ ഇഎസ്‌ഐ ആശുപത്രി ജംഗ്ഷനില്‍ സോനം എന്ന സ്ത്രീ ട്രാഫിക് പോലീസുകാരെ കൈയേറ്റം ചെയ്യാൻ ശ്രമിക്കുന്ന ദൃശ്യങ്ങള്‍ സമൂഹ മാധ്യമങ്ങളില്‍ വ്യാപകമായി പ്രചരിക്കുന്നു. സോനം തൻ്റെ റൈഡറുമായി വഴക്കിട്ടപ്പോള്‍ ട്രാഫിക് പോലീസ് ഇടപെട്ടാണ്സംഭവങ്ങളുടെ തുടക്കം. സോനം റോഡില്‍ ബഹളം സൃഷ്ടിക്കുകയും ബോഡിക്യാം തട്ടിയെടുക്കാൻ ശ്രമിക്കുകയും യൂണിഫോമിലുള്ള ഒരു ട്രാഫിക് പോലീസുകാരനെ ആക്രമിക്കുകയും, ചവിട്ടി നിലത്തിടാൻ ശ്രമിക്കുകയും , തെറിയഭിഷേകം നടത്താൻ ശ്രമിക്കുകയും ചെയ്യുന്നതാണ് വീഡിയോയിലുള്ളത്. സംഭവത്തില്‍ ഇന്ദിരാനഗർ പോലീസ് എഫ്‌ഐആർ ഫയല്‍ ചെയ്ത് തുടർ നടപടിക്ക് ഒരുങ്ങുകയാണ്.

ബെംഗളൂരു: ഉഡുപ്പി ജില്ലയിലെ കാർക്കള താലൂക്കിലെ അജേക്കറില്‍ ഭർത്താവിനെ ശ്വാസം മുട്ടിച്ച്‌ കൊലപ്പെടുത്തിയ കേസില്‍ യുവതിയെയും കാമുകനെയും പോലീസ് അറസ്റ്റ് ചെയ്തു. ബാലകൃഷ്ണ പൂജാരി എന്ന 44 കാരൻ കൊല്ലപ്പെട്ട സംഭവത്തിലാണ് പോലീസ് നടപടി. കൊല്ലപ്പെട്ട ബാലകൃഷ്ണയുടെ ഭാര്യ പ്രതിമ (34), കാമുകൻ ദിലീപ് ഹെഗ്‌ഡെ (28) എന്നിവരെയാണ് പോലീസ് അറസ്റ്റ് ചെയ്തത്. കാർക്കളയിലെ ദിലീപ് ഹെഗ്‌ഡെയുമായി പ്രതിമയ്ക്ക് അടുത്ത ബന്ധമുണ്ടായിരുന്നു. ഈ ബന്ധത്തിന് ഭർത്താവ് തടസ്സമായതിനെ തുടർന്നാണ് ഇരുവരും ചേർന്ന് യുവാവിനെ കൊലപ്പെടുത്തിയതെന്നാണ് പോലീസ് പറയുന്നത്. കാർക്കള റോട്ടറി, കെഎംസി ഹോസ്പിറ്റല്‍ മണിപ്പാല്‍,…

ബെംഗളൂരു: കർണാടക ആർ.ടി.സി ബസുകളില്‍ നവംബർ ഒന്നുമുതല്‍ പൂർണമായി പണരഹിത യാത്ര സംവിധാനം നടപ്പാക്കുന്നു. യാത്രക്കാർക്ക് യു.പി.ഐ, ക്രെഡിറ്റ് കാർഡ് അല്ലെങ്കില്‍ ഡെബിറ്റ് കാർഡ് എന്നിവ ഉപയോഗിച്ച്‌ ടിക്കറ്റിന് പണം നല്‍കാം. കെ.എസ്.ആർ.ടി.സി ബസുകളില്‍ ഇതിനായി പ്രത്യേകം ഒരുക്കിയ ഇലക്‌ട്രോണിക് ടിക്കറ്റ് മെഷീനുകള്‍ (ഇ.ടി.എം) സ്ഥാപിക്കും. 8000-ലധികം കെ.എസ്.ആർ.ടി.സി ബസുകളില്‍ ഈ സേവനം ലഭ്യമാകും. ആധുനിക സാങ്കേതികവിദ്യ ഉപയോഗിച്ച്‌ ടിക്കറ്റുകള്‍ പ്രിന്റ് ചെയ്യുന്ന ഉപകരണങ്ങളാണ് ഇ.ടി.എം. യാത്രക്കാരൻ തന്റെ ലക്ഷ്യസ്ഥാനം നല്‍കിയാല്‍ മെഷീൻ സ്വയമേ ടിക്കറ്റ് തുക കണക്കാക്കി പേയ്‌മെന്റ് സ്വീകരിക്കും. ജൂണ്‍ മാസത്തോടെ…

ബെംഗളൂരു: നഗരത്തിൽ മലയാളി യുവതിക്ക് നേരെ അതിക്രമം നടന്നതായി പരാതി. യുവതിയെ ആക്രമിക്കാൻ വന്ന തെരുവ് നായയെ കല്ലെറിഞ്ഞതിന് മർദ്ദനവും ലൈംഗിക അതിക്രമവും നേരിട്ടെന്നാണ് പരാതി. രാമമൂർത്തി നഗറില്‍ എൻ ആർ ഐ ലെ ഔട്ടില്‍ വെച്ചാണ് സംഭവമുണ്ടായത്. യതീഷ് എന്ന ആള്‍ക്കെതിരെ പരാതി നല്‍കിയിട്ടും പോലീസ് എഫ്‌ഐആറില്‍ പേര് വച്ചില്ല. യുവതി ബെംഗളൂരു സിറ്റി പോലീസ് കമ്മീഷണർക്ക് പരാതി അയച്ചു.

ബെംഗളൂരു: കൊപ്പൽ ജില്ലയിലെ മരകുമ്പി ഗ്രാമത്തിൽ ദലിതുകൾക്കുനേരെ അതിക്രമം നടത്തുകയും കുടിലുകൾ ചുട്ടെരിക്കുകയും ചെയ്ത സംഭവത്തിൽ 98 പേർക്ക് ജില്ലാ കോടതി ജീവപര്യന്തം തടവ് ശിക്ഷ വിധിച്ചു. പത്ത് വർഷം മുമ്പ് നടന്ന അതിക്രമത്തിലാണ് വിധി. കേസിൽ കുറ്റക്കാരായ 101 പേരുടെ ശിക്ഷയാണ് ഇന്ന് കൊപ്പൽ ജില്ലാ കോടതി പ്രസ്താവിച്ചത്. മേഖലയിൽ ദലിതുകൾ മേൽജാതിക്കാരിൽ നിന്ന് നേരിട്ടുവരുന്ന അതിക്രമങ്ങളിൽ ആദ്യമായാണ് ഇത്തരമൊരു നടപടി വരുന്നത്. ഇത്രയധികം പേർക്ക് ഒരുമിച്ച് ജീവപര്യന്തം ശിക്ഷ വിധിക്കുന്നതും ആദ്യമായാണ്. 2014 ആഗസ്റ്റ് 28നാണ് കേസിനാസ്പദമായ സംഭവം നടന്നത്. ഒരു…

ബെംഗളൂരു: വണ്ടി പരിശോധനയ്ക്കായി നിന്ന പോലീസുകാരനോട് കൊടുംക്രൂരത. കാർ നിർത്താൻ ആവശ്യപ്പെട്ട ട്രാഫിക് പോലീസ് ഉദ്യോഗസ്ഥനെ യുവാവ് വാഹനമിടിപ്പിച്ച്‌ ബോണറ്റില്‍ കയറ്റി നൂറ് മീറ്ററോളം ഓടിച്ചുപോയി. കേബിള്‍ ഓപ്പറേറ്റർ മിഥുൻ ജഗ്ദലെ എന്നയാളാണ് പോലീസിനെ വാഹനമിടിപ്പിച്ചത്. ബോണറ്റിലേക്ക് എടുത്തെറിയപ്പെട്ട പോലീസുമായി യുവാവ് 100 മീറ്ററോളം കാറോടിക്കുന്ന ദൃശ്യങ്ങളും ഇതിനോടകം പുറത്തുവന്നിട്ടുണ്ട്. സോഷ്യല്‍ മീഡിയയില്‍ വ്യാപക വിമർശനമാണ് യുവാവിനെതിരെ ഉയരുന്നത്. ശിവമോഗയിലാണ് സംഭവം നടന്നത്. പതിവ് പരിശോധനകള്‍ നടത്തുന്നതിനിടയില്‍ അമിത വേഗതയില്‍ വന്ന കാർ ട്രാഫിക് പോലീസിന്‍റെ ശ്രദ്ധയില്‍പ്പെട്ടു. വണ്ടിയോടിച്ചിരുന്ന മിഥുൻ കാർ നിർത്താൻ തയ്യാറായില്ല.…