Month: July 2024

ബെംഗളൂരു : ബെംഗളൂരു – മൈസൂരു എക്‌സ്പ്രസ് വേയിൽ ഗതാഗത നിയമലംഘനങ്ങൾക്ക് കഴിഞ്ഞ മാസം 9 കോടി രൂപ പിഴ ചുമത്തിയതായി ട്രാഫിക് പോലീസ് അറിയിച്ചു. പാതയിൽ 12 ഇടങ്ങളിലായി സ്ഥാപിച്ച 40 ഓട്ടോമാറ്റിക് നമ്പർ പ്ലേറ്റ് റെക്കഗ്‌നിഷൻ ക്യാമറകളാണ് നിയമലംഘനങ്ങൾ പിടിക്കുന്നത്. രണ്ട് ടോൾ പ്ലാസകൾക്കും സമീപം ഡ്യൂട്ടിയിലുള്ള പോലീസ് സംഘം നിയമലംഘകരിൽ നിന്ന് പിഴ ഈടാക്കാറുണ്ട്. ഇത്തരത്തിൽ 48 ലക്ഷം രൂപയാണ് പൊലീസിന് ലഭിച്ചത്, ശേഷിക്കുന്നവർക്ക് ഓൺലൈനായി പിഴ അടക്കാനുള്ള സംവിധാനവും ഉണ്ട്

ബെംഗളൂരു : സിവിൽ സർവീസ് പരീക്ഷകൾക്ക് പഠിക്കുന്ന എസ്.സി.-എസ്.ടി. വിഭാഗങ്ങളിൽപ്പെട്ട വിദ്യാർഥികൾക്ക് ഡൽഹിയിൽ ഹോസ്റ്റൽ സ്ഥാപിക്കാൻ പദ്ധതിയിട്ട് കർണാടക സർക്കാർ. ഈ വിഭാഗങ്ങളിൽപ്പെട്ട വിദ്യാർഥികൾക്ക് സിവിൽ സർവീസ് മേഖലയിലേക്ക് കടക്കാൻ പ്രോത്സാഹനം നൽകുന്ന പദ്ധതിയാണ് സർക്കാർ നടപ്പാക്കുന്നത്. ഡൽഹിയിൽ ഇതിന് സ്ഥലം കണ്ടെത്തുമെന്ന് മുഖ്യമന്ത്രി സിദ്ധരാമയ്യ അറിയിച്ചു. മികച്ച ലൈബ്രറി ഉൾപ്പെടെയുള്ള ഹോസ്റ്റലാണ് സ്ഥാപിക്കാൻ ഉദ്ദേശിക്കുന്നതെന്നും പറഞ്ഞു. ഇവർക്ക് നൽകുന്ന സാമ്പത്തിക സഹായം മാസം 10,000 രൂപയിൽനിന്ന് 15,000 രൂപയാക്കി വർധിപ്പിക്കാൻ തീരുമാനിച്ചതായും അദ്ദേഹം പറഞ്ഞു. എസ്.സി.-എസ്.ടി. ഉപപദ്ധതികളുടെ തുക ഉപയോഗിച്ചായിരിക്കും ഇത്. സിവിൽ…

ബെംഗളൂരു: നവീകരണത്തിന്റെ ഭാഗമായി മജസ്റ്റിക്കിൽ നിന്നുള്ള ട്രെയിനുകൾ ബയ്യപ്പനഹള്ളി ഉൾപ്പെടെ നഗരത്തിലെ മാറ്റ് സ്റ്റേഷനുകളിലേക്ക് തിരിച്ചുവിടും. പ്രതിദിനം 1 .75 ലക്ഷം യാത്രക്കാരാണ് സ്റ്റേഷനിൽ എത്തുന്നതായാണ് കണക്കുകൾ. രാജ്യത്തെ ഏറ്റവും തിരക്കേറിയ റെയിൽവേ സ്റ്റേഷനുകളിലൊന്നാണിത്. അതിനാൽ യാത്രക്കാർക്ക് ബുദ്ധിമുട്ട് ഉണ്ടാകാത്ത വിധത്തിലാകും ട്രെയിനുകൾ മാറ്റി ക്രമീകരിക്കുക. ഇതിനായി വിശദമായ കർമ്മ പദ്ധതിക്ക് രൂപം നൽകുമെന്നും റെയിൽവേ പ്രഖ്യാപിച്ചു.

ബെംഗളൂരു : ലാല്‍ബാഗ് സ്വാതന്ത്രദിന പുഷ്പമേളയില്‍ ഇത്തവണ ഡേ. ബി. ആര്‍. അംബേദ്കറുടെ ജീവിതവും ഭരണഘടനയും പ്രമേയമാകും. ഓഗസ്റ്റ് 15 മുതല്‍ 23 വരെയാണ് മേള നടക്കുക. ഇറക്കുമതി ചെയ്ത പൂക്കളും സസ്യങ്ങളും മേളയുടെ ഭാഗമാകും. ഒപ്പം വിവിധയിനം പഴങ്ങള്‍ , പച്ചക്കറികള്‍ , ഔഷധസസ്യങ്ങള്‍ എന്നിവയും മേളയില്‍ ഉണ്ടാകുമെന്നും ഹോര്‍ട്ടികള്‍ചര്‍ വകുപ്പ് അറിയിച്ചു.