Day: 6 July 2024

ബെംഗളൂരു : കൊട്ടാരനഗരിയായ മൈസൂരുവിൽ വിനോദസഞ്ചാരമേഖല വീണ്ടും കുതിപ്പിന്റെപാതയിലേക്ക് തിരിച്ചെത്തുമ്പോൾ ഇവിടെനിന്നുള്ള വിമാനസർവീസുകൾ പലതും മുടങ്ങിക്കിടക്കുന്നത് തിരിച്ചടിയാകുന്നു. കൂടുതൽ വിനോദസഞ്ചാരികളെത്തുന്ന കേരളത്തിലെ കൊച്ചിയിലേക്കും ഗോവയിലേക്കുമുള്ള വിമാനസർവീസുകൾ രണ്ടുവർഷത്തോളമായി മുടങ്ങിക്കിടക്കുകയാണ്. സർവീസുകൾ പുനരാരംഭിക്കണമെന്ന് ആവശ്യമുയർന്നിട്ടും നടപടികളുണ്ടാകുന്നില്ലെന്ന് ഈ മേഖലയിലുള്ളവർ പറയുന്നു. മൈസൂരുവിൽ കഴിഞ്ഞസാമ്പത്തികവർഷം 40 ലക്ഷം സഞ്ചാരികൾ എത്തിയതായാണ് കണക്ക്. കോവിഡ് കാലത്തെ തിരിച്ചടിക്കുശേഷം ആദ്യമായാണ് സഞ്ചാരികളുടെ എണ്ണം ഇത്രയധികമുയർന്നത്. സഞ്ചാരികളെ ഏറെആകർഷിക്കുന്ന മൈസൂരു കൊട്ടാരം 40.56 ലക്ഷം പേർ സന്ദർശിച്ചതായാണ് കണക്ക്. മൈസൂരു-ബെംഗളൂരു അതിവേഗപാത യാഥാർഥ്യമായതുൾപ്പെടെ സന്ദർശകർ കൂടാൻകാരണമായി കണക്കാക്കുന്നു. രണ്ട് വന്ദേഭാരത് തീവണ്ടികൾ…

ബെംഗളൂരു: വയനാട്ടിലേക്ക് കർണാടക ടൂറിസം വികസന കോർപറേഷൻ മൺസൂൺ വിനോദ സഞ്ചാര പാക്കേജ് പ്രഖ്യാപിച്ചു. 3 പകലും 2 രാത്രിയും ഉൾപ്പെടുന്ന യാത്രയും മൈസൂരുവും ഉൾപ്പെടും. ബന്ദിപ്പൂർ, നഗർഹോളെ, വന്യജീവി സങ്കേതങ്ങളോട് ചേർന്നുള്ള വയനാട്ടിലെ മഴക്കാലം കാണാൻ പോകുന്ന സന്ദർശകരുടെ എണ്ണം വർധിച്ചതോടെയാണ് പുതിയ പാക്കേജ് അവതരിപ്പിച്ചത്

ബെംഗളൂരു : സംസ്ഥാനത്ത് 155 പേർക്കുകൂടി ഡെങ്കിപ്പനി ബാധിച്ചു. ഇതിൽ 142 പേർ ചികിത്സ തേടി. 899 പേരെ പരിശോധിച്ചപ്പോഴാണിത്. രോഗബാധിതരിൽ 107 പേരും ബെംഗളൂരുവിലാണ്. ഇതോടെ ഈ സീസണിൽ രോഗം ബാധിച്ചവർ 6831 ആയി. 343 പേർ ആശുപത്രികളിലുണ്ട്. ബെംഗളൂരുവിൽ ആകെ 1793 പേർക്ക് രോഗം ബാധിച്ചു. ഡെങ്കിപ്പനി വ്യാപിക്കുന്നതിന്റെ പശ്ചാത്തലത്തിൽ രോഗനിയന്ത്രണത്തിന്റെ ഭാഗമായി ആരോഗ്യവകുപ്പ് പനി ക്ലിനിക്കുകൾ ആരംഭിക്കും. പരിശോധനയ്ക്കും ചികിത്സയ്ക്കും ഇവിടെ സൗകര്യമൊരുക്കും. രോഗബാധ കൂടുതൽ കാണുന്നസ്ഥലങ്ങൾ കണ്ടെത്തി രോഗലക്ഷണം പ്രകടിപ്പിക്കുന്നവരെ ഉടൻ പരിശോധനയ്ക്ക് വിധേയമാക്കാൻ ഉദ്യോഗസ്ഥർക്ക് നിർദേശം നൽകി.…