Day: 22 June 2024

ബെംഗളൂരു : സാമൂഹികമാധ്യമത്തിൽ പാക് അനുകൂല സന്ദേശം പങ്കുവെച്ച കശ്മീർ സ്വദേശി അറസ്റ്റിൽ. ബെംഗളൂരു ഇന്റർനാഷണൽ എക്സിബിഷൻ സെന്ററിൽ ജോലിചെയ്യുന്ന ഫഹീം ഫർദൗസ് ഖുറേഷിയാണ് (30) അറസ്റ്റിലായത്. സന്ദേശത്തിന്റെ സ്‌ക്രീൻഷോട്ടുകൾ സഹിതം എക്സിബിഷൻ സെന്റർ അധികൃതർ അയച്ചുകൊടുത്ത ഇ-മെയിൽ കണക്കിലെടുത്ത് മാദനായകനഹള്ളി പോലീസ് സ്വമേധയാ കേസെടുക്കുകയായിരുന്നു. തുടർന്നാണ് അറസ്റ്റ്. കശ്മീർപ്രശ്നത്തെ സൂചിപ്പിച്ച് ഇന്ത്യയെ അവസാനിപ്പിക്കണമെന്നാണ് ഒരു സന്ദേശം. ട്വന്റി20 ക്രിക്കറ്റ് ലോകകപ്പിൽ പാകിസ്താനുമായുള്ള മത്സരത്തിൽ ഇന്ത്യ വിജയിക്കുന്നത് താങ്ങാനാവില്ലെന്നാണ് മറ്റൊരു സന്ദേശം. ജൂൺ 12-നാണ് സന്ദേശങ്ങൾ പോസ്റ്റുചെയ്തത്. ഇയാളെ പോലീസ് കസ്റ്റഡിയിൽവാങ്ങി ചോദ്യംചെയ്തുവരുന്നു. പതിനൊന്നുമാസമായി…

ബെംഗളൂരു : കർണാടകത്തിൽ പട്ടികജാതി-വർഗ വിഭാഗങ്ങൾക്കെതിരായ അതിക്രമങ്ങൾ കൈകാര്യം ചെയ്യുന്നതിനായി 33 പ്രത്യേക പൗരാവകാശ പോലീസ് സ്റ്റേഷനുകൾ സ്ഥാപിക്കുന്നു. എല്ലാ ജില്ലകളിലും ഓരോ പോലീസ് സ്റ്റേഷൻ വീതമുണ്ടാകും. ബെംഗളൂരുവിൽ രണ്ടു സ്റ്റേഷനുകൾ ഉണ്ടാകും. ഡിവൈ.എസ്.പി. റാങ്കിലുള്ള ഉദ്യോഗസ്ഥനോ എ.സി.പി.യോ ആയിരിക്കും സ്റ്റേഷന്റെ ചുമതല വഹിക്കുക. 33 സ്റ്റേഷനുകളിലായി 450 തസ്തികകളും സർക്കാർ അനുവദിച്ചു. പട്ടികജാതി-വർഗ നിയമപ്രകാരം രജിസ്റ്റർചെയ്യുന്ന കേസുകളായിരിക്കും ഈ സ്റ്റേഷനുകൾ കൈകാര്യംചെയ്യുക. കർണാടകത്തിൽ ഓരോ വർഷവും പട്ടികജാതി-വർഗ വിഭാഗങ്ങൾക്കെതിരേയുള്ള അതിക്രമത്തിന് 2000 കേസുകൾ രജിസ്റ്റർ ചെയ്യപ്പെടുന്നുണ്ട്. 2022-നുശേഷം 7633 കേസുകൾ രജിസ്റ്റർചെയ്തതിൽ 1723…

ബെംഗളൂരു : ചന്നപട്ടണ ഉപതിരഞ്ഞെടുപ്പിൽ മത്സരിക്കുമെന്ന സൂചന നൽകിയ ഉപമുഖ്യമന്ത്രി ഡി.കെ. ശിവകുമാർ മലക്കംമറിഞ്ഞു. മത്സരിക്കാനില്ലെന്ന് അദ്ദേഹം വെള്ളിയാഴ്ച പറഞ്ഞു. ചന്നപട്ടണയിലെ വോട്ടർമാരും പാർട്ടിയും പറഞ്ഞാൽ താൻ മത്സരിക്കുമെന്ന് ബുധനാഴ്ച ശിവകുമാർ പറഞ്ഞിരുന്നു. കനകപുര മണ്ഡലത്തിൽനിന്നുള്ള എം.എൽ.എ.യാണ് അദ്ദേഹം. ചന്നപട്ടണയിൽ വിജയിച്ചാൽ അദ്ദേഹത്തിന് കനകപുരയിലെ എം.എൽ.എ. സ്ഥാനം രാജിവെക്കേണ്ടിവരും. ജെ.ഡി.എസിന്റെ എച്ച്.ഡി. കുമാരസ്വാമിയുടെ മണ്ഡലമാണ് ചന്നപട്ടണ. അദ്ദേഹം മണ്ഡ്യയിൽനിന്ന് ലോക്‌സഭാംഗമായതോടെയാണ് ഉപതിരഞ്ഞെടുപ്പിന് കളമൊരുങ്ങിയത്.

ബെംഗളൂരു: ഹാസൻ ജില്ലയിലെ ഹാസൻ സിറ്റി ഹൊയ്സാല നഗറില്‍ വ്യാഴാഴ്ച ഉച്ചക്ക് നടന്ന വെടിവെപ്പില്‍ രണ്ടുപേർ കൊല്ലപ്പെട്ടു. റിയല്‍ എസ്റ്റേറ്റ് ബിസിനസും ഇഞ്ചി കൃഷിയും കൂട്ടായി നടത്തുന്ന ബെംഗളൂരു സ്വദേശി ആസിഫ് (46), ഹാസൻ അഡുവള്ളിയില്‍ താമസിക്കുന്ന ഡല്‍ഹി സ്വദേശി ശറാഫത്ത് അലി (52) എന്നിവരാണ് മരിച്ചത്. ഒരാളുടെ മൃതദേഹം റോഡരികില്‍ കിടക്കുന്നതാണ് ഉച്ച 12.30ഓടെ വെടിയൊച്ച കേട്ടെത്തിയ നാട്ടുകാർ കണ്ടത്. മറ്റൊരാള്‍ കാറിലും മരിച്ചുകിടന്നു. രണ്ട് മൃതദേഹങ്ങളിലും വെടിയേറ്റിട്ടുണ്ട്. അലിയെ വെടിവെച്ച്‌ കൊലപ്പെടുത്തിയശേഷം ആസിഫ് സ്വയം നിറയൊഴിച്ച്‌ മരിച്ചതാണെന്നാണ് പ്രാഥമിക നിഗമനമെന്ന് സംഭവസ്ഥലം…