ബെംഗളൂരു : ബെംഗളൂരു-മൈസൂരു പാതയിൽ ടോൾനിരക്ക് മൂന്നുശതമാനം വർധിപ്പിച്ചു. ഇതോടെ കാർ, വാൻ, ജീപ്പ് തുടങ്ങിയ വാഹനങ്ങൾ ഇനിമുതൽ ഒരുവശത്തേക്ക് 330 രൂപ നൽകണം.
ഇതുവരെ 320 രൂപയായിരുന്നു നിരക്ക്. പാതയിലെ ബെംഗളൂരു- നിദാഘട്ട സെക്‌ഷനിൽ 170 രൂപയും നിദാഘട്ട-മൈസൂരു സെക്‌ഷനിൽ 160 രൂപയുമാകും.
കഴിഞ്ഞ ഏപ്രിൽ ഒന്നിന് ദേശീയപാതാ അതോറിറ്റി ഓഫ് ഇന്ത്യ (എൻ.എച്ച്.എ.ഐ.) ടോൾനിരക്ക് വർധിപ്പിക്കേണ്ടതായിരുന്നു.
തിരഞ്ഞെടുപ്പുകാരണമാണ് മാറ്റിവെച്ചത്. കർണാടകത്തിൽ ബെംഗളൂരു-ഹൈദരാബാദ് ഹൈവേയിലും തുമകൂരു- ഹൊന്നവാര ഹൈവേയിലും സാറ്റലൈറ്റ് ടൗൺ റിങ് റോഡിന്റെ ഹൊസ്‌കോട്ടെ-ദേവനഹള്ളി സെക്‌ഷനിലും ടോൾനിരക്ക് വർധിപ്പിച്ചിട്ടുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
