Day: 26 March 2024

ബെംഗളൂരു: ഗൃഹപ്രവേശ ചടങ്ങില്‍ പങ്കെടുത്തു മടങ്ങുകയായിരുന്ന യുവാവും യുവതിയും സഞ്ചരിച്ച മോട്ടോർ സൈക്കിള്‍ മംഗളൂരുവിനടുത്ത നാട്ടക്കലില്‍ ഡിവൈഡറില്‍ ഇടിച്ച്‌ മറിഞ്ഞതിനെത്തുടർന്ന് മരിച്ചു. ബൈക്ക് ഓടിച്ച യതീഷ് ദേവഡിഗ(24), ബന്ധുവും ബൊണ്ടേലിലെ ദീക്ഷിതിന്റെ ഭാര്യയുമായ ശ്രീനിധി(29) എന്നിവരാണ് മരിച്ചത്. ഗുരുതരമായി പരുക്കേറ്റ യുവതി ആശുപത്രിയിലേക്കുള്ള വഴിയില്‍ മരിച്ചിരുന്നു. യുവാവ് ചികിത്സക്കിടെയും മരിച്ചു. മംഗളൂരു സൗത്ത് ട്രാഫിക് പൊലീസ് കേസെടുത്ത് അന്വേഷിക്കുന്നു.

ബെംഗളൂരു : ശിവമോഗയിൽ പരീക്ഷാദിനത്തിൽ എസ്.എസ്.എൽ.സി. വിദ്യാർഥി ജീവനൊടുക്കി. സാഗർ താലൂക്കിലെ യദെഹള്ളി സ്വദേശിയായ 16 വയസ്സുകാരനാണ് വീട്ടിലെ ഫാനിൽ തൂങ്ങിമരിച്ചത്. കർണാടക പബ്ലിക് സ്കൂൾ വിദ്യാർഥിയായിരുന്നു. പരീക്ഷാ ഭയം കാരണമാകാം ജീവനൊടുക്കിയതെന്നാണ് പോലീസിന്റെ സംശയം. കുട്ടിക്ക് നേരത്തേയും ആത്മഹത്യാപ്രവണതയുള്ളതായി പോലീസ് പറയുന്നു. ഈ മാസം ആദ്യം ആത്മഹത്യചെയ്യാൻ റെയിൽവേ സ്റ്റേഷനിലെത്തിയെങ്കിലും യാത്രക്കാർ രക്ഷപ്പെടുത്തുകയായിരുന്നു.

ബെംഗളൂരു : കൃഷിയിടത്തിൽപ്പടർന്ന തീയണയ്ക്കാൻ ശ്രമിക്കുന്നതിനിടെ തീയിലേക്ക് വീണ വയോധിക വെന്തുമരിച്ചു . ഹാസൻ ആലൂർ ഹെച്ചെഗൊഡനഹള്ളി സ്വദേശിനിയായ രത്നമ്മ (66) ആണ് മരിച്ചത്. ഞായറാഴ്ച രാത്രിയാണ് സംഭവം. കൃഷിയിടത്തിൽ തീപടരുന്നതുകണ്ട് വീട്ടിൽ നിന്നിറങ്ങിയതായിരുന്നു രത്നമ്മ. സമീപത്തുണ്ടായിരുന്നവർ രക്ഷപ്പെടുത്താൻ ശ്രമിച്ചെങ്കിലും കഴിഞ്ഞില്ല. കൂടുതൽ പേരെത്തി ഏറെനേരത്തിന് ശേഷം തീയണച്ചതോടെയാണ് ഇവരുടെ മൃതദേഹം കത്തിക്കരിഞ്ഞനിലയിൽ കണ്ടെത്തിയത്. തുടർന്ന് ആലൂരിലെ സർക്കാർ ആശുപത്രിയിലേക്ക് മൃതദേഹം മാറ്റി. കൃഷിയിടത്തിൽ കൂട്ടിയിട്ടിരുന്ന വൈക്കോലിനാണ് ആദ്യം തീപിടിച്ചത്. പിന്നീട് മറ്റുഭാഗങ്ങളിലേക്കും തീപടരുകയായിരുന്നു. അഗ്നിരക്ഷാസേനയ്ക്കെത്താൻ റോഡ് സൗകര്യമില്ലാത്ത പ്രദേശമാണിത്.

ബെംഗളൂരു : ചിക്കമംഗളൂരു കെഞ്ചനഹള്ളിയിൽ കാട്ടാനയുടെ ആക്രമണത്തിൽ തൊഴിലാളി മരിച്ചു. തമിഴ്‌നാട് വീരസോളപുരം സ്വദേശിയായ ശ്രീധർ (68) ആണ് മരിച്ചത്. വെള്ളിയാഴ്ച വൈകീട്ടാണ്സംഭവം. കാപ്പിത്തോട്ടത്തിലെ തൊഴിലാളിയായ ശ്രീധർ ജോലികഴിഞ്ഞ് താമസസ്ഥലത്തേക്ക് മടങ്ങുന്നതിനിടെ കാട്ടാനയുടെ മുന്നിൽപ്പെടുകയായിരുന്നു. ഓടിയടുത്ത കാട്ടാനയുടെമുന്നിൽനിന്ന് രക്ഷപ്പെടാൻ ശ്രീധറിന് കഴിഞ്ഞില്ല. ഗുരുതരമായിപരിക്കേറ്റ ഇദ്ദേഹത്തെ പ്രദേശവാസികൾ ഹാസനിലെ സ്വകാര്യ ആശുപത്രിയിലെത്തിച്ചെങ്കിലും രാത്രിയോടെ മരിച്ചു. ഏതാനുംദിവസങ്ങളായി പ്രദേശത്ത് സാന്നിധ്യമുള്ള കാട്ടാനയാണ് തൊഴിലാളിയെ ആക്രമിച്ചതെന്ന് പ്രദേശവാസികൾ പറഞ്ഞു. കാട്ടാനയെ കാടുകയറ്റുകയോ പിടികൂടി മറ്റെവിടേക്കെങ്കിലും മാറ്റുകയോവേണമെന്ന് പ്രദേശവാസികൾ ആവശ്യപ്പെട്ടിരുന്നു. എന്നാൽ വനംവകുപ്പധികൃതർ കാര്യമായ നടപടികൾ സ്വീകരിച്ചില്ലെന്നാണ് ആരോപണം.

ബെംഗളൂരു : ശിവമോഗയിൽ പരീക്ഷാദിനത്തിൽ എസ്.എസ്.എൽ.സി. വിദ്യാർഥി ജീവനൊടുക്കി. സാഗർ താലൂക്കിലെ യദെഹള്ളി സ്വദേശിയായ 16 വയസ്സുകാരനാണ് വീട്ടിലെ ഫാനിൽ തൂങ്ങിമരിച്ചത്. കർണാടക പബ്ലിക് സ്കൂൾ വിദ്യാർഥിയായിരുന്നു. തിങ്കളാഴ്ചയാണ് സംസ്ഥാനത്ത് എസ്.എസ്.എൽ.സി. പരീക്ഷയാരംഭിച്ചത്. പരീക്ഷാ ഭയം കാരണമാകാം ജീവനൊടുക്കിയതെന്നാണ് പോലീസിന്റെ സംശയം. കുട്ടിക്ക് നേരത്തേയും ആത്മഹത്യാപ്രവണതയുള്ളതായി പോലീസ് പറയുന്നു. ഈ മാസം ആദ്യം ആത്മഹത്യചെയ്യാൻ റെയിൽവേ സ്റ്റേഷനിലെത്തിയെങ്കിലും യാത്രക്കാർ രക്ഷപ്പെടുത്തുകയായിരുന്നു.