ബെംഗളൂരു: മാർച്ച് 17ന് ശിവാജി നഗറിലെ ഷംസ് കൺവെൻഷൻ സെൻ്ററിൽ വച്ചു നടക്കുന്ന ഇഫ്താർ സംഗമത്തിനുള്ള ഒരുക്കങ്ങൾ പുരോഗമിക്കുന്നു.
‘ഇസ്ലാം മഹത്തരമാണ്, പരിഹാരമാണ്’ എന്ന പ്രമേയത്തിൽ ബെംഗളൂരുവിന്റെ വിവിധ ഭാഗങ്ങളിൽ നടക്കുന്ന ഏരിയ കൺവൻഷനുകളുടെ പരിസമാപ്തി കൂടിയാണ് ഈ സംഗമം.
ഉച്ചക്ക് 2 മണിക്ക് ആരംഭിക്കുന്ന സമ്മേളനത്തിൽ പണ്ഡിതൻ ഹാരിസ് ബിൻ സലീം പ്രമേയാവതരണം നടത്തും.
തുടർന്നുള്ള വിജ്ഞാന സദസ്സിൽ, ‘മരണം വിളിപ്പാടകലെ’ – നിസാർ സ്വലാഹി, ‘നോമ്പിൻ്റെ ലക്ഷ്യം’ – ഫിറോസ് സ്വലാഹി, ‘ഖുർആനിനെ ചേർത്ത് പിടിക്കാം’ – ബിലാൽ കൊല്ലം എന്നിവർ സംസാരിക്കും.
കുട്ടികളുടെ സർഗ്ഗാത്മകത മാറ്റുരയ്ക്കുന്ന “റയ്യാൻ സർഗ്ഗ വിരുന്ന്” അംജദ് മദനി നയിക്കും.
മത്സരങ്ങളിൽ പങ്കെടുക്കാൻ ഉദ്ദേശിക്കുന്ന കുട്ടികൾ ഉച്ചക്ക് 2 മണിക്ക് സംഗമ നഗരിയിൽ വച്ച് രജിസ്റ്റർ ചെയ്യേണ്ടതാണ്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
