ബെംഗളൂരു: ബെംഗളൂരുവിലെ രാജ്ഭവന് അജ്ഞാതന്റെ ബോംബ് ഭീഷണി സംഭവത്തിൽ ഒരാൾ അറസ്റ്റിൽ.
കേസുമായി ബന്ധപ്പെട്ട് കോലാർ സ്വദേശി ഭാസ്കറിനെ അറസ്റ്റ് ചെയ്ത് നഗരത്തിലെത്തിച്ചതായി സെൻട്രൽ ഡിവിഷൻ പോലീസ് അറിയിച്ചു.
അടുത്തിടെ ബെംഗളൂരുവിലെയും ഗ്രാമപ്രദേശങ്ങളിലെയും 60 ലധികം സ്കൂളുകൾക്ക് ബോംബ് ഭീഷണി മുഴക്കിയ കേസ് അന്വേഷണം പുരോഗമിക്കുന്നതിനിടെയാണ് ദേശീയ അന്വേഷണ ഏജൻസി (എൻഐഎ) ഹെൽപ്പ് ലൈനിൽ വിളിച്ച് രാജ്ഭവനിൽ വ്യാജ ബോംബ് ഭീഷണി മുഴക്കിയത്.
തിങ്കളാഴ്ച പകൽ 11.30 ഓടെ നഗരത്തിലെ ദൊമ്മലൂരിലുള്ള ദേശീയ അന്വേഷണ ഏജൻസി (എൻഐഎ) ഓഫീസിലെ കൺട്രോൾ റൂമിലേക്ക് അജ്ഞാതമായി വിളിക്കുകയും രാജ്ഭവൻ വളപ്പിൽ സ്ഥാപിച്ച ബോംബ് നിമിഷങ്ങൾക്കകം പൊട്ടുമെന്ന് പറഞ്ഞ് ഫോൺ കട്ട് ചെയ്യുകയും ചെയ്തു.
കോൾ ലഭിച്ചയുടൻ പോലീസിന് വിവരം കൈമാറിയ എൻ ഐഎ ഉദ്യോഗസ്ഥർ ലോക്കല് പോലീസിനും വിവരം കൈമാറി.
പിന്നീട് 12 മണിയോടെ പോലീസും ബോംബ് സ്ക്വാഡും ഡോഗ് സ്ക്വാഡും വിരലടയാള വിദഗ്ധരും സ്ഥലത്തെത്തി രാജ്ഭവൻ പരിസരത്ത് പരിശോധന നടത്തി.
ഈ കേസിൽ സംശയാസ്പദമായ വസ്തുക്കളൊന്നും കണ്ടെത്തിയില്ല. അതിനാൽ ഇതൊരു വ്യാജ ബോംബ് കോളാണെന്നാണ് അവർ മനസ്സിലാക്കുകയായിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
