ബെംഗളൂരു: പ്രതിഷേധങ്ങൾക്ക് ഇടയിലും നാഷണൽ ഹൈവേ അതോറിറ്റി ഓഫ് ഇന്ത്യ (എൻഎച്ച്എഐ) ബെംഗളൂരു-മൈസൂരു എക്സ്പ്രസ് വേയുടെ രണ്ടാം ഭാഗത്തെ ടോൾ പിരിവ് ആരംഭിച്ചു. മണ്ഡ്യയിലെ ശ്രീരംഗപട്ടണത്തിനടുത്തുള്ള ഗണഗനുരു ടോൾ പ്ലാസയിൽ ശനിയാഴ്ച രാവിലെയാണ് ടോൾ പിരിവ് ആരംഭിച്ചത്.
ഗണഗനുരു ടോൾ പ്ലാസയിലെ ടോൾ പിരിവ് അടുത്തിടെ NHAI അറിയിച്ചിരുന്നു, ഇത് എക്‌സ്പ്രസ്‌വേയിൽ ചെലവേറിയ യാത്രാ ചെലവിന് കാരണമായി. ഏറ്റവും പുതിയ ടോൾ നിരക്കുകൾ ഇതാ.
കാർ, ജീപ്പ്, വാൻ എന്നിവയ്ക്ക് ഒരു വശത്തേക്ക് 155 രൂപയാണ് ടോൾ. മടക്കയാത്രയ്ക്കുൾപ്പെടെ 235 രൂപയും. ചെറിയ ചരക്കുവാഹനങ്ങൾക്കും മിനിബസുകൾക്കും ഒരു വശത്തേക്ക് 250 രൂപയും ഇരുവശത്തേക്കുമായി 375 രൂപയുമാണ്. ബസുകൾക്കും ലോറികൾക്കും ഇത് യഥാക്രമം 525 രൂപയും 790 രൂപയുമാണ്. ബെംഗളൂരുവിൽനിന്നാരംഭിക്കുന്ന പാതയിൽ രണ്ടിടത്താണ് ടോൾപിരിവുള്ളത്.
ഇതോടെ ബെംഗളൂരുവിൽനിന്നും മൈസൂരുവിലേക്കുവരുന്ന കാർയാത്രികർക്ക് മൊത്തം 320 രൂപ ടോൾ അടയ്ക്കണം. മടക്കയാത്രയ്ക്കുൾപ്പെടെ 485 രൂപയുമാകും. മിനിബസുകൾക്ക് ഒരുവശത്തേക്ക് 505 രൂപയും ഇരുവശത്തേക്കുമായി 780 രൂപയുമാകും. രണ്ട് ആക്സിലുള്ള ബസുകൾക്കും ലോറികൾക്കും ഒരു വശത്തേക്ക് 1090 രൂപയും രണ്ടുവശത്തേക്കുമായി 1640 രൂപയുമാകും.
അതിനിടെ, ശനിയാഴ്ച കന്നഡ അനുകൂല സംഘടനകളിലെ അംഗങ്ങൾ ഗണഗനുരു ടോൾ പ്ലാസയിൽ ചെറിയ പ്രതിഷേധം നടത്തി. ഫാസ്ടാഗ് സ്കാനിംഗിലെ പിഴവുകളെക്കുറിച്ചും ചില യാത്രക്കാർ പരാതിപ്പെട്ടു, ഇത് പരിഹരിക്കുമെന്ന് അധികൃതർ ഉറപ്പുനൽകി.
പ്രവേശന നിയന്ത്രിത ബെംഗളൂരു-മൈസൂർ എക്സ്പ്രസ് വേ മാർച്ച് 12-ന് പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തത്. തുടർന്ന് മാർച്ച് 27-ലെ വിജ്ഞാപനത്തിൽ NHAI ടോൾ 22 ശതമാനം പുതുക്കി ജൂണിൽ ബെംഗളൂരുവിനും നിദാഘാട്ടയ്ക്കും ഇടയിൽ (കനിമിനിക്കെ, ശേഷഗിരി ഹള്ളി ടോൾ പ്ലാസകൾ) പിരിവ് ആരംഭിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
