ബെംഗളൂരു : എയ്‌റോ ഇന്ത്യയുടെ വ്യോമ പ്രദർശനത്തിൽ 2 ബി -1ബി ലാൻസർ സൂപ്പർസോണിക് ഹെവി ബോംബർ ജെറ്റുകളുമെത്തി. പ്രദർശനത്തിന്റെ ഭാഗമാകാൻ യു.എസ് ആണ് 2 ബി -1ബി ലാൻസർ സൂപ്പർസോണിക് ഹെവി ബോംബർ ജെറ്റുകൾ അണിനിരത്തിയത്. ഗൈഡഡ് മിസൈലുകൾ ഉൾപ്പെടെ കനത്ത പ്രഹരശേഷിയുള്ള ഈ യു.എസ് പോർമുനകൾ 2021 ൽ നടന്ന പ്രദര്ശനത്തിന്റെയും ഭാഗമായിരുന്നു.
എക്കാലത്തെയും വലിയ പ്രതിനിധി സംഘവുമായാണ് ഇത്തവണ എയ്‌റോ ഇന്ത്യയിൽ അമേരിക്ക എത്തിയിരിക്കുന്നത് എന്നത് നല്ല സൂചനയാണ്. ഇന്ത്യ പ്രതിരോധശേഷി നവീകരിക്കുമ്പോൾ അതിൽ പങ്കാളികളാകാൻ യു.എസ്. താത്പര്യപ്പെടുന്നതായി അംബാസഡർ എലിസബത്ത് ജോൺസ് നേരത്തേ പറഞ്ഞിരുന്നു. ഇന്ത്യൻ-യു.എസ് പ്രതിരോധ , സുരക്ഷാ, പങ്കാളിത്തത്തിന്റെ പുതിയ തീരുമാനങ്ങൾ ഉടൻ ഉണ്ടാകുമെന്ന പ്രതീക്ഷ കൂടിയാണ് ഇത്തവണത്തെ പ്രദർശനം.
‘ദ ബോൺ’എന്ന പേരിലറിയപ്പെടുന്ന ബി-1ബി ലാൻസർ യു.എസിലെ താവളങ്ങളിൽ നിന്ന് ലോകമെമ്പാടും ദൗത്യങ്ങൾ നടത്താൻ കഴിവുള്ള ദീർഘദൂര, മൾട്ടി മിഷൻ, പരമ്പരാഗത ബോംബർ ആണ്. അമേരിക്കയുടെ ബോംബ് ഫോഴ്‌സിന്റെ നട്ടെല്ലായാണ് ഈ വിമാനത്തെ കണക്കാക്കുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
