Day: 18 March 2021

ബെംഗളൂരു : കേരളത്തിലെ ബി.ജെ.പിയുടെ തെരഞ്ഞെടുപ്പ് ചുമതലയിൽ ഉള്ള രണ്ടു പേരും കർണാടകയിൽ നിന്നുള്ളവർ ആണ്, കേന്ദ്ര മന്ത്രി പ്രഹ്ലാദ് ജോഷിയും കർണാടക ഉപമുഖ്യമന്ത്രി അശ്വഥ് നാരായണയും. തെരഞ്ഞെടുപ്പ് പ്രവർത്തനങ്ങൾക്കിടയിൽ ലഭ്യമായ സമയത്ത് ശബരിമല ദർശനം നടത്തിയിരിക്കുകയാണ് അശ്വഥ് നാരായണ. കഴിഞ്ഞ ചൊവ്വാഴ്ച പന്തളം കൊട്ടാരം സന്ദർശിക്കുകയും രാജകുടുംബാംഗങ്ങളുമായി സൗഹൃദ സംഭാഷണം നടത്തുകയും തിരുവാഭരണ ദർശനം നടത്തുകയും ചെയ്തു. തുടർന്ന് മാലയിട്ട് കറുപ്പുടുത്ത് ഇരുമുടി കെട്ടി നഗ്നപാദനായി മല കയറുകയായിരുന്നു. അയ്യപ്പ ദർശനം നടത്തി പ്രത്യേക പടിപൂജ വഴിപാടായി കഴിച്ച് തന്ത്രി കണ്ഠര് രാജീവരുടേയും…

ബെംഗളൂരു: ഹെൽത്ത് ഓഫീസർ ഡോക്ടർ കോമള യുടെ നേതൃത്വത്തിൽ കഴിഞ്ഞദിവസം മൈസൂരു റോഡ്, വിജയനഗർ, ഹോസക്കര ഹള്ളി, ബ്യാടാ രായണപുര എന്നിവിടങ്ങളിലെ വിദ്യാലയ പരിസരങ്ങളിൽ പൊതുസ്ഥലത്ത് പുകവലിച്ചവരിൽനിന്ന് നിന്ന് പിഴയീടാക്കി. വിദ്യാലയങ്ങളിൽ നിന്ന് 100 മീറ്റർ പരിധിക്കകത്ത് വരുന്ന കടകളിൽ അപ്രതീക്ഷിത പരിശോധനകൾ നടത്തിയ ഉദ്യോഗസ്ഥർ പൊട്ടിച്ച പായ്ക്കറ്റുകളിൽ നിന്ന് ഒറ്റയായ സിഗരറ്റുകൾ വിതരണം ചെയ്യുന്നത് വിലക്കുകയും ചെയ്തു. പൊതുസ്ഥലങ്ങളിൽ പുകവലിച്ചാൽ പിടിക്കപ്പെടുന്നവരിൽ നിന്നും 200 രൂപയാണ് പിഴ ഈടാക്കുന്നത്. സമീപകാലത്തായി ഏറ്റവും കൂടുതൽ പിഴയീടാക്കിയിട്ടുള്ളത് മൈക്കോ ലേയൗട്ട്, അശോക് നഗർ, ബ്യാടാ രായണപുര…

ബെംഗളൂരു: ജോലി വാഗ്ദാനം നല്‍കി കര്‍ണാടക മന്ത്രി രമേശ് ജാര്‍ക്കിഹോളിയുടെ ലൈംഗിക പീഡനത്തിനിരയായി എന്ന് ആരോപിക്കപ്പെടുന്ന യുവതിയെ തട്ടിക്കൊണ്ടുപോയെന്ന് പിതാവിന്റെ ആരോപണം. ബെംഗളൂരുവിലെ ഹോസ്റ്റലില്‍നിന്നാണ് മകളെ തട്ടിക്കൊണ്ടുപോയതെന്ന് പിതാവ് ബെലഗാവി പൊലീസിന് നല്‍കിയ പരാതിയില്‍ പറയുന്നു. അജ്ഞാതരായ ആളുകള്‍ വന്ന് മകളെ ഭീഷണിപ്പെടുത്തുകയും ലൈംഗികമായി ഉപദ്രവിക്കുകയും ചെയ്‌തെന്ന് ഇദ്ദേഹം പരാതിയില്‍ ആരോപിച്ചു. ഇവര്‍ തന്നെയാണ് മന്ത്രിയോടൊപ്പമുള്ള മകളുടെ വീഡിയോ പ്രചരിപ്പിച്ചതെന്നും പിതാവ് ആരോപിച്ചു. മകളെ രക്ഷപ്പെടുത്തണമെന്ന് അഭ്യര്‍ത്ഥിച്ച് മാതാപിതാക്കള്‍ വിഡിയോ ചിത്രീകരിച്ച് മുഖ്യമന്ത്രിക്ക് അയച്ചു. മന്ത്രിയോടപ്പമുള്ള വിഡിയോ ചാനലുകള്‍ സംപ്രേഷണം ചെയ്യുന്നതിന് മുമ്പ് ചിത്രങ്ങള്‍…

ബെംഗളൂരു: കോവിഡ് രോഗികളുടെ എണ്ണം വർധിച്ചുവരുന്ന സാഹചര്യത്തിൽ നിശാനിയമവും നിരോധനാജ്ഞയും പരിഗണനയിൽ ഇല്ലെന്നും മറിച്ച് പ്രതിരോധ മരുന്നു നൽകുന്ന നടപടികൾ ത്വരിതപ്പെടുത്തുന്നതിനെക്കുറിച്ചാണ് ഗവൺമെന്റ് ചിന്തിക്കുന്നത് എന്ന് മുഖ്യമന്ത്രി യെദിയൂരപ്പ അഭിപ്രായപ്പെട്ടു. സംസ്ഥാനത്തുടനീളം 3500 ആശുപത്രികളിലായി ദിവസവും മൂന്നു ലക്ഷം പേർക്ക് പ്രതിരോധ മരുന്ന് വിതരണം ചെയ്യാനുള്ള സംവിധാനങ്ങൾ ഉടൻ നടപ്പിലാക്കുമെന്നും അദ്ദേഹം പറഞ്ഞു. ഏറ്റവും ഒടുവിലത്തെ സാഹചര്യം വിലയിരുത്തുമ്പോൾ ബെംഗളൂരു നഗരത്തിലും ബിദാർ, കലബുർഗി എന്നിവിടങ്ങളിലുമാണ് ഏറ്റവുമധികം കോവിഡ് റിപ്പോർട്ട് ചെയ്യപ്പെടുന്നത്. കോവിഡ് വ്യാപനം തടയുന്നതിന് പുറപ്പെടുവിച്ചിരിക്കുന്ന മാർഗ്ഗനിർദ്ദേശങ്ങൾ കൃത്യമായി പാലിക്കണം എന്ന് ജനങ്ങളോട്…