ബെംഗളൂരു: ഓക്സിജൻ സിലിൻഡറുകൾക്ക് ആശുപത്രികളിൽ ക്ഷാമമനുഭവപ്പെട്ടുതുടങ്ങിയതോടെ ഉപഭോഗം കുറയ്ക്കുന്നതിനുള്ള മാർഗനിർദേശങ്ങളുമായി കർണാടക സർക്കാർ. അത്യാവശ്യ ഘട്ടങ്ങളിൽ കോവിഡ് രോഗികൾക്ക് ഓക്സിജൻ ലഭ്യമല്ലാത്ത സാഹചര്യം ഒഴിവാക്കുകയാണ് ആരോഗ്യവകുപ്പ് ലക്ഷ്യമിടുന്നത്. ആവശ്യമായ അളവിൽ മാത്രം രോഗികൾക്ക് ഓക്സിജൻ ലഭ്യമാക്കുന്നതിൽ ശ്രദ്ധ വേണമെന്നാണ് ഡോക്ടർമാർക്കും ആരോഗ്യപ്രവർത്തകർക്കും നിർദേശം നൽകിയിരിക്കുന്നത്. ഓക്സിജൻ ആവശ്യമായ ഘട്ടം പിന്നിട്ടശേഷവും ഓക്സിജൻ നൽകുന്നത് കർശനമായി നിയന്ത്രിക്കണമെന്നും ആരോഗ്യവകുപ്പ് ആവശ്യപ്പെട്ടു. നേരത്തേ ഓക്സിജന്റെ അനാവശ്യ ഉപഭോഗം കുറയ്ക്കണമെന്ന് ആരോഗ്യവിദഗ്ധരുടെ സമിതി സർക്കാരിനോട് ആവശ്യപ്പെട്ടിരുന്നു. വിവിധ ചികിത്സകൾക്ക് എത്ര അളവിൽ ഓക്സിജൻ ഉപയോഗിക്കാമെന്നും ആരോഗ്യവകുപ്പ് മാർഗനിർദേശം പുറപ്പെടുവിച്ചിട്ടുണ്ട്.…
Read Moreഓക്സിജൻ ഇനി ആവശ്യത്തിന് മാത്രം; അനാവശ്യ ഉപയോഗം കുറയ്ക്കാൻ നിർദ്ദേശം
