ബെംഗളുരു : കനത്ത നാശനഷ്ടമുണ്ടാക്കിയ കോവിഡിൽ നിന്ന് കരകയറാനും വരുമാന നഷ്ടം പരിഹരിക്കാനുമായി യൂസർ ഡെവലപ്പമെന്റ് ഫീസ് കെപഗൗഡ ഇന്റർനാഷ്ണൽ എയർപോർട്ടിൽ ഉയർത്തിയത് യാത്രക്കാർക്ക് അധിക ബാധ്യതയാകും.
ഇത്തരത്തിൽ വിദേശ യാത്രക്കാരുടെതിൽ 17% ശതമാനവും ആഭ്യന്തര യാത്രക്കാരുടെതിൽ 3% ആണ് വരുത്തിയത്. ഇതു പ്രകാരം ഇനി മുതൽ ബെംഗളുരുവിൽ നിന്ന് പോകുന്ന യാത്രക്കാർ ( ആഭ്യന്തരം) 184 രൂപയും വിദേശ യാത്രക്കാർ 839 രൂപയുമാണ് നൽകേണ്ടി വരുകയെന്ന് റിപ്പോർട്ടുകൾ സൂചിപ്പിയ്ക്കുന്നു.
179, 816 എന്നതായിരുന്നു ഇതുവരെയുള്ള കണക്കുകൾ പ്രകാരം നൽകിയിരുന്നത്. ആഭ്യന്തര വിമാന സർവ്വീസ് പുനരാരംഭിച്ചതോടെ അന്യ സംസ്ഥാനങ്ങളിൽ നിന്നും യാത്രക്കാർ എത്തുന്നുണ്ട്.
കെംപഗൗഡ രാജ്യാന്തര വിമാനത്താവളത്തിൽ നിന്ന് പുറപ്പെടുന്ന യാത്രക്കാർക്കാണ് ഇനി മുതൽ ഉയർന്ന ഫീ നൽകേണ്ടി വരുക. കോവിഡ് പ്രതിസന്ധി മൂലം ഉണ്ടായ ലോക്ക് ഡൗണിനെ തുടർന്ന് നിർത്തി വച്ച ആഭ്യന്തര , രാജ്യാന്തര വിമാന സർവ്വീസുകൾ മൂലം നേരിടേണ്ടി വന്ന നഷ്ടം മറികടക്കാനാണ് ഫീസ് ഉയർത്താൻ എയർപോർട്ട് റെഗുലേറററി അതോറിറ്റി അനുമതി നൽകിയത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
