Day: 23 April 2020

ബെംഗളുരു : കർണാടക സർക്കാരിന്റെ ടെലിമെഡിസിൻ ഹെൽപ്പ് ലൈൻ “ആപ്തമിത്ര’യ്ക്ക് തുടക്കമായി. കോവിഡ് ലക്ഷണമുള്ളവർക്കുള്ള സംശയ നിവാരണത്തിനും ചികിത്സാ ഉപദേശത്തിനുമായി ടോൾഫ്രീ നമ്പറും മൊബൈൽ ആപ്പുമാണ് മുഖ്യമന്ത്രി യെഡിയൂരപ്പ ഉദ്ഘാടനം ചെയ്തത്. രാവിലെ 8 മുതൽ രാത്രി 8 വരെ വിളിക്കാം. ബെംഗളുരുവിൽ 4,മൈസൂരുവിലും മംഗളൂരുവിലെ ബന്ത്വാളിലും ഓരോ കേന്ദ്രങ്ങൾ എന്നിങ്ങനെയാണ് ഹെൽപ്ഡെസ്ക് സജ്ജീകരിച്ചിരിക്കുന്നത്. എംബിബിഎസ് ആയുഷ് ഡോക്ടർമാർ ക്കു പുറമേ നഴ്സസിങ്, ഫാർമ അവസാന വർഷ വിദ്യാർഥികൾ ഉൾപ്പെടെ 300പേരെയാണ് ടെലിമെഡിസിൻ സേവനത്തിനായി നിയോഗിച്ചിരിക്കുന്നത്.ഹെൽപ് ലൈൻ – 14410.ആപ്: ആപ്തമിത്ര.

ബെംഗളൂരു : കര്‍ണാടകയിലെ ധാര്‍വാഡിലെ മെഡിക്കൽ സ്റ്റോറുകളിൽ നിന്ന് കൈകൾ ശുദ്ധീകരിക്കാനുള്ള സാനിറ്റൈസറുകൾ വാങ്ങുന്നവർക്ക് തിരിച്ചറിയൽ രേഖകൾ നിർബന്ധമാക്കി ജില്ലാ ഭരണകൂടം ഉത്തരവിറക്കി. എന്താണ് കാരണം എന്നല്ലേ.. ജില്ലയില്‍  മദ്യത്തിന് പകരം സാനിറ്റൈസറുകൾ ഉപയോഗിക്കുന്ന സംഭവങ്ങൾ വർധിച്ചു വരുന്ന  സാഹചര്യത്തിലാണ് ഈ നടപടി. തിരിച്ചറിയൽ രേഖ നൽകാത്തവർക്ക് സാനിറ്റൈസറുകൾ നൽകേണ്ടെന്നാണ് ജില്ലാ കളക്ടർ പുറത്തിറക്കിയ ഉത്തരവിൽ പറയുന്നത്.

ബെംഗളൂരു : ലോക്ക് ഡൗൺ കാരണം നഗരത്തിൽ കുടുങ്ങിക്കിടക്കുന്ന മലയാളികൾക്ക് തങ്ങളുടെ ആശങ്കകൾ പങ്കുവക്കുവാനും യാത്രാ സംബന്ധമായ സംശയങ്ങൾക്ക് മറുപടി നൽകുവാനും…. നാട്ടിലേക്ക് യാത്ര ചെയ്യാൻ ആഗ്രഹിക്കുന്നവർക്ക് ഈ വിഷയത്തിൽ വ്യക്തത വരുത്താനും… നഗരത്തിൽ മറ്റ് ബുദ്ധിമുട്ടുകൾ അനുഭവിക്കുന്ന മലയാളികളുടെ പ്രശ്നത്തിൽ ഇടപെടുന്നതിനുമായി കോവിഡ്- 19 ഹെൽപ് ഡെസ്ക്കിടെ പ്രതിനിധീകരിച്ച് ,മലയാളം മിഷൻ കർണാടക സ്റ്റേറ്റ് കോർഡിനേറ്റർ ബിലു.സി.നാരായണൻ നിങ്ങളുമായി സംവദിക്കുന്നു. ഇന്ന് വൈകുന്നേരം 7 മണിക്ക് ബെംഗളൂരു വാർത്തയുടെ ഫേസ് ബുക്ക് പേജിൽ… https://www.facebook.com/bvartha/ സംസ്ഥാനത്തെ ചെറുതും വലുതുമായ നിരവധി മലയാളി സാംസ്കാരിക-സാമൂഹിക-സന്നദ്ധ…

ബെംഗളുരു : കൂടുതല്‍ കോവിഡ് രോഗബാധകള്‍ കണ്ടെത്തിയ  കണ്ടെയ്ൻമെന്റ് സോണുകൾ ഒഴികെയുള്ള ഇടങ്ങളിൽ കർണാടക സർക്കാർ ലോക്ഡൗൺ ഇളവുകൾ പ്രഖ്യാപിച്ചു. ഇളവുകൾ ഇന്നു മുതൽ നിലവിൽ വന്നു. ഒരു മാസമായി നിലച്ച വ്യവസായ-വാണിജ്യ പ്രവർത്തനങ്ങള്‍ക്ക് പുനര്‍ ജീവന്‍ ഇതില്‍ നിന്ന് ലഭിക്കും എന്ന് കരുതുന്നു. കേന്ദ്ര സർക്കാരിന്റെ മാർഗനിർദേശങ്ങൾ കർശനമായി പാലിച്ചു കൊണ്ടാണ് ഈ ഇളവുകള്‍ പ്രഖ്യാപിച്ചത്. ഇന്ന് മുതല്‍ പ്രവര്‍ത്തനാനുമതി ലഭിച്ച മേഖലകള്‍ ഇവയാണ് ഐടി, ബിടി കമ്പനികൾക്ക് അത്യാവശ്യ ജീവനക്കാരെ ഉൾപ്പെടുത്തി പ്രവർത്തിക്കാം. ജീവനക്കാർക്കു വീട്ടിലിരുന്നു ജോലി ചെയ്യാനുള്ള സൗകര്യം തുടരണം.…