Day: 20 April 2020

ബെംഗളൂരു : മേയ് 4ന് മുൻപ് മദ്യവിൽപനശാലകൾ(എംആർപിഔട്ട്ലറ്റുകൾ) തുറക്കുന്നവരുടെ ലൈസൻസ് റദ്ദാക്കുമെന്നമുന്നറിയിപ്പുമായി വീണ്ടും എക്സൈസ് വകുപ്പ് സർക്കുലർ. എന്നാൽ, കൈകൾ ശുചീകരിക്കാനുള്ള സാനിറ്റൈസറുകൾ നിർമിക്കുന്ന ഡിസ്റ്റിലറികൾക്ക്പ്രവർത്തനം തുടരാം. മദ്യവിൽപന ശാലകൾ സമയബന്ധിതമായി തുറക്കുന്നതിലുള്ള തീരുമാനം ഉടനെടുക്കുമെന്നു സർക്കാർ നേരത്തെ പ്രഖ്യാപിച്ചിരുന്നു. എന്നാൽ, കേന്ദ്ര മാർഗ നിർദേശം പാലിച്ച് ഇവ മേയ് 3നു ശേഷം തുറന്നാൽ മതിയെന്നു തീരുമാനിക്കുകയായിരുന്നു.

ബെംഗളൂരു : ബാഗൽക്കോട്ടിലെ ജമഖണ്ഡിയിൽമകനു(47) കോവിഡ് സ്ഥിരീകരിച്ചതറിഞ്ഞ് അമ്മ (65) ഹൃദയസ്തംഭനത്തെ തുടർന്ന് മരിച്ചു. കടുത്ത പ്രമേഹവും രക്തസമ്മർദത്തിനും മരുന്നു കഴിച്ചിരുന്ന വീട്ടമ്മ, ശനിയാഴ്ച വൈകിട്ട് മകനു കോവിഡ് സ്ഥിരീകരിച്ചതോടെ കുഴഞ്ഞു വീഴുകയായിരുന്നു. ജില്ലാ അധികൃതർ ഇടപെിട്ട് കോവിഡ് മാർഗനിർദേശങ്ങൾ പാലിച്ചാണ് ഇവരുടെമൃതദേഹം സംസ്കരിച്ചത്.

ബെംഗളുരു : ലോക്ക്ഡൗൺ നിയന്ത്രണങ്ങൾക്കിടെ, രാമമൂർത്തി നഗറിൽ 2000 ടെട്രാപാക്ക് മദ്യവുമായി യുവാവ് അറസ്റ്റിൽ, ഫോണിൽ ഉപഭോക്താക്കൾ ആവശ്യപ്പെടുന്നതു പ്രകാരം മദ്യം എത്തിച്ചുകൊടുക്കുന്ന രാജുവാണ് (32)അറസ്റ്റിലായത് എന്ന് ബെംഗളുരു പൊലീസിനു കീഴിലുള്ള സെൻട്രൽ ക്രൈംബ്രാഞ്ച് ഡിസിപി കുൽദീപ് ജെയിൻ പറഞ്ഞു. രഹസ്യ വിവരം ലഭിച്ചതിന്റെ അടിസ്ഥാനത്തിൽ രാജുവിന്റെ വീടു റെയ്ഡ് നടത്തിയതിനെ തുടർന്നാണ് മദ്യ പായ്ക്കറ്റുകൾ പിടികൂടിയത്. മറ്റൊരു കേസിൽ,ഇലക്ട്രോണിക് സിറ്റിയിൽ വിൽപനയ്ക്കായി സൂക്ഷിച്ച 236 മദ്യക്കുപ്പികളുമായി ബാർ ജീവനക്കാരൻ പിടിയിൽ. ഹാസൻ സ്വദേശി പ്രീതം കുമാറി(26)നെയാണ് സെൻട്രൽ ക്രൈം ബ്രാഞ്ച് പിടികൂടിയത്. ഇലക്ട്രോണിക് സിറ്റിയിലെ…

ബെംഗളൂരു : സാഹചര്യം എന്തു തന്നെയായാലും കാശിനോടുള്ള മനുഷ്യൻ്റെ ആദ്യമായ ആഗ്രഹം അത് പലപ്പോഴും നിയന്ത്രിക്കാവുന്നതല്ല,ഇതു കാണിക്കുന്ന ഒരു വാർത്തയാണ് ഇപ്പോൾ വരുന്നത്. സാവദത്തി ഹുളികട്ടി പെട്രോൾപമ്പിന് സമീപം അജ്ഞാതർ വിതറിയ നോട്ട് തിരക്കിട്ട് വാരിക്കൂട്ടിയ മൂന്നുപേർ വീടുകളിൽ നിർബന്ധിത ക്വാറൻ്റെ നിലായി. ഇവർക്ക് 6600 രൂപ ലഭിച്ചു. എല്ലാം 200 രൂപയുടെ നോട്ടുകൾ ആയിരുന്നു. രാത്രി സമയത്ത് ബൈക്കുകളിലെത്തിയാണ് പണം വിതറിയതെന്ന് പോലീസ് കണ്ടെത്തിയിട്ടുണ്ട്. ഇവരെ കണ്ടെത്താനുള്ള അന്വേഷണം തുടരുന്നു.

ബെംഗളൂരു: ഓൺലൈൻ ക്ലാസുകൾ നടത്തി വിദ്യാർഥികളിൽനിന്ന് ഫീസ് പിരിക്കുന്ന സ്വകാര്യ സ്കൂളുകൾക്കെതിരേ വീണ്ടും താക്കീതുമായി വിദ്യാഭ്യാസമന്ത്രി എസ്. സുരേഷ്‌കുമാർ. വിദ്യാർഥികളിൽനിന്ന് ഫീസ് പിരിക്കുന്നതും അടുത്ത അധ്യയനവർഷത്തേക്കുള്ള പ്രവേശനനടപടികൾ ഓൺലൈനിലൂടെ നടത്തുന്നത് നേരത്തെ സർക്കാർ വിലക്കിയിരുന്നു. ഇത്തരം നടപടികളുമായി മുന്നോട്ടുപോകുന്ന സ്വകാര്യ സ്കൂളുകൾക്കെതിരേ കർശന നടപടി സ്വീകരിക്കാനാണ് വിദ്യാഭ്യാസവകുപ്പിന്റെ തീരുമാനം. സ്കൂളുകൾ അടച്ചതോടെ നഗരത്തിലെ വൻകിട സ്വകാര്യസ്കൂളുകൾ വിദ്യാർഥികൾക്ക് ഓൺലൈനിലൂടെ ക്ലാസുകൾ നൽകുന്നുണ്ട്. ഇത് സാധാണ ക്ലാസായി പരിഗണിച്ച് ഈ മാസത്തെ ഫീസ് അടയ്ക്കണമെന്നാണ് രക്ഷിതാക്കളോട് സ്കൂൾ അധികൃതർ ആവശ്യപ്പെടുന്നത്. ഇത്തരം ഒട്ടേറെ പരാതികളാണ് വിദ്യാഭ്യാസവകുപ്പിന്…

ബെംഗളൂരു : നഗരത്തിലെ സീൽ ഡൗൺ ചെയ്ത ബി.ബി.എം പി.വാർഡിൽ സംഘർഷം. പാദരായണപുരയിലാണ് ഇന്നലെ രാത്രിയോടെ സംഘർഷം ഉണ്ടായത്. പ്രാദേശിക മാധ്യമങ്ങൾ റിപ്പോർട്ട് ചെയ്യുന്നത് പ്രകാരം 400 ഓളം ആളുകൾ അക്രമികളിൽ ഉണ്ടായിരുന്നു. ഇന്നലെ രാത്രി പാദരായപുര യുടെ അതിർത്തിയിൽ സ്ഥാപിച്ച പന്തൽ ഒരു വിഭാഗം ആളുകൾ തകർക്കുകയായിരുന്നു. സ്ഥലം സീൽ ഡൗൺ ചെയ്തതിനാൽ ഈ സ്ഥലങ്ങളിലെ സുരക്ഷാ ആവശ്യങ്ങൾക്ക് ഉള്ള പോലീസുകാർ ഷിഫ്റ്റ് മാറ്റത്തിന് പോയ സാഹചര്യത്തിലാണ് അക്രമം അരങ്ങേറിയത്, ബി.ബി.എം.പി ഉദ്യേഗസ്ഥരും ആരോഗ്യ പ്രവർത്തകരും കൊറോണ വാരിയേഴ്സും ഇതേ പന്തലിൽ ആണ്…