Day: 30 October 2018

ബെംഗളൂരു: ഒക്ടോബർ 31-നകം നഗരം മാലിന്യമുക്തമാക്കണമെന്ന് ബൃഹത് ബെംഗളൂരു മഹാനഗര പാലികെയ്ക്ക് (ബി.ബി.എം.പി.) ഹൈക്കോടതിയുടെ നിർദേശം. ചീഫ് ജസ്റ്റിസ് ദിനേശ് മഹേശ്വരി, ജസ്റ്റിസ് എസ്.ജി. പണ്ഡിറ്റ് എന്നിവരടങ്ങിയ ഡിവിഷൻ ബെഞ്ചാണ് ബി.ബി.എം.പി. കമ്മിഷണർ എൻ. മഞ്ജുനാഥപ്രസാദിന് നിർദേശം നൽകിയത്. നഗരത്തിലെ കുഴികൾ നികത്തൽ, കനാൽ നവീകരണം എന്നിവ സംബന്ധിച്ച പൊതുതാത്പര്യ ഹർജികൾ പരിഗണിക്കവേയാണ് കന്നഡപ്പിറവിക്കുമുമ്പ് മാലിന്യം നീക്കണമെന്ന് കോടതി വാക്കാൽ പറഞ്ഞത്. കഴിഞ്ഞ വ്യാഴാഴ്ച ഡൊംളൂർ ക്ഷേത്രത്തിനുമുമ്പിലെ മാലിന്യക്കൂമ്പാരം സംബന്ധിച്ച പൊതുതാത്പര്യ ഹർജി പരിഗണിച്ച കോടതി ഉടൻതന്നെ മാലിന്യം നീക്കാൻ നടപടിവേണമെന്ന് ബി.ബി.എം.പി.ക്ക് നിർദേശം നൽകിയിരുന്നു.…

ബെംഗളൂരു: ബെള്ളാരിയുടെ ശോചനീയാവസ്ഥയ്ക്കു കാരണം മുൻ മുഖ്യമന്ത്രി സിദ്ധരാമയ്യ ആണെന്നു ഖനി വ്യവസായിയും മുൻ മന്ത്രിയുമായ ജി.ജനാർദനറെഡ്ഡി. ചിത്രദുർഗയിൽ സമൂഹവിവാഹത്തെ അഭിസംബോധന ചെയ്യുകയായിരുന്നു റെഡ്ഡി. ഏഴു വർഷത്തോളം തന്നെ ബെള്ളാരിയിൽ നിന്ന് കോൺഗ്രസ് അകറ്റിനിർത്തി. താൻ സംസ്ഥാനത്തിന്റെ ഒരുലക്ഷം കോടി രൂപ കൊള്ളയടിച്ചെന്നാണ് കഴിഞ്ഞദിവസം സിദ്ധരാമയ്യ ആരോപിച്ചത്. പിന്നീട് ഫെയ്സ്ബുക് പോസ്റ്റിൽ 25000 കോടി രൂപയെന്ന് ആരോപിച്ചു. രാഹുൽഗാന്ധി പറയുന്നു 35000 കോടി രൂപ കൊള്ളയടിച്ചെന്ന്. എന്നാൽ 1 കോടി രൂപ പോലും പിടിച്ചെടുക്കാൻ കഴിഞ്ഞിട്ടില്ല. ബെള്ളാരിയിൽ ബിജെപി സ്ഥാനാർഥിക്കുവേണ്ടി സജീവമായി പ്രചാരണം നടത്താൻ ശ്രീരാമുലു മാത്രമേയുള്ളു. എന്നാൽ ദൾ–കോൺഗ്രസ് സ്ഥാനാർഥിക്കുവേണ്ടി സിദ്ധരാമയ്യയും…

മൈസൂരു: മൈസൂരു മൃഗശാലയിൽ ഞായറാഴ്ച ഉച്ചയ്ക്ക് ദാരുണമായ രണ്ട് മരണങ്ങൾക്കിടയാക്കിയ അപൂർവ പോരാട്ടത്തിന്റെ ദാരുണമായ ദൃശ്യമാണ്. പുലി യും മൂർഖൻ പാമ്പുമായുണ്ടായ ഏറ്റുമുട്ടലിനൊടുവിൽ രണ്ടിന്റെയും മരണത്തിലാണ് കലാശിച്ചത്. ഉച്ചയ്ക്ക് ഒന്നരയോടെയാണ് മൂർഖൻപാമ്പ് പുലിയുടെ തുറന്ന കൂട്ടിൽ ഇഴഞ്ഞുകയറിയത്. മൃഗശാലയിലെ രണ്ടു പുലികളിലൊന്നായ രാജ, മൂർഖനെ കണ്ടതോടെ ക്രുദ്ധനായി ചാടിവീണ് ആക്രമണം തുടങ്ങി. കടിയേറ്റ് നിരവധി ഭാഗങ്ങളിൽ പരിക്കേറ്റ മൂർഖന്റെ അന്ത്യവും താമസിയാതെ ഉണ്ടായി. പതിനഞ്ച് മിനിറ്റോളം നീണ്ട ഏറ്റുമുട്ടലിനൊടുവിലാണ് മൂർഖൻ പത്തിമടക്കിയത്. ആക്രമണത്തിനിടയിൽ രാജയ്ക്കും മൂർഖന്റെ നിരവധി കടികളേറ്റിരുന്നു. സംഭവം അറിഞ്ഞെത്തിയ മൃഗശാല ജീവനക്കാർ…

ബെംഗളൂരു: മദ്യപിച്ചെത്തിയ പിതാവിന്റെ ആക്രമണത്തിൽ ഇളയമകൻ വെന്തുമരിച്ചു. പൊള്ളലേറ്റ മൂത്ത മകൻ ഗുരുതരാവസ്ഥയിൽ. തലഗട്ടപുര അഞ്ജനനഗറിൽ താമസിക്കുന്ന ശ്രീനിവാസ മൂർത്തി (38) ആണ് മക്കളെ മണ്ണെണ്ണയൊഴിച്ചു കത്തിച്ചത്. ഇളയമകൻ രണ്ടുവയസ്സുകാരൻ പ്രീതം സായിയാണ് മരിച്ചത്. മൂത്തമകൻ ചേതൻ സായ് (അഞ്ച്) വിക്ടോറിയ ആശുപത്രിയിൽ ചികിൽസയിലാണ്. സ്ഥിരമായി മദ്യപിച്ച് വീട്ടിലെത്തുന്ന ശ്രീനിവാസ മൂർത്തി ഭാര്യ പ്രേമലതയെ മർദിക്കാറുണ്ട്. ഉറങ്ങുകയായിരുന്ന ചേതനും പ്രീതവും ഒച്ചകേട്ട് ഉണർന്നപ്പോൾ വീട്ടിൽ സൂക്ഷിച്ചിരുന്ന മണ്ണെണ്ണയെടുത്ത് ശ്രീനിവാസ മൂർത്തി ഇരുവരുടേയും ദേഹത്ത് ഒഴിക്കുകയായിരുന്നു. തീ ആളിപ്പടരുന്നത് കണ്ട് ഓടിയെത്തിയ അയൽവാസികളാണ് കുട്ടികളെ ആശുപത്രിയിലെത്തിച്ചത്.