Month: June 2018

ജനതാദളി(എസ്) ന്റെ അന്തിമ ലിസ്റ്റ് തയാറായതായും കോൺഗ്രസ് ലിസ്റ്റിനായി കാത്തിരിക്കുകയാണെന്നും മുഖ്യമന്ത്രി കുമാരസ്വാമി പറഞ്ഞു. എന്നാൽ കുമാരസ്വാമിയുടെ സഹോദരൻ എച്ച്.ഡി.രേവണ്ണ ഊർജവകുപ്പും പൊതുമരാമത്തു വകുപ്പും വേണമെന്ന് നിർബന്ധം പിടിക്കുന്നതു കാരണമുള്ള കല്ലുകടി ഇനിയും മാറിയിട്ടില്ലെന്ന് സൂചനയുണ്ട്. മറ്റു ദൾ നേതാക്കൾ ഇതിനെതിരെ ശക്തമായ വിയോജിപ്പ് പ്രകടിപ്പിച്ചിട്ടുമുണ്ട്. എച്ച്.ഡി.ദേവെഗൗഡയുടെ മക്കൾക്കു മാത്രം മുന്തിയ വകുപ്പുകൾ ലഭിക്കുന്നുവെന്ന മുറുമുറുപ്പുണ്ട്. തുടർന്ന് ഏതെങ്കിലും ഒരു വകുപ്പ് മാത്രമായി തിരഞ്ഞെടുക്കാൻ കുമാരസ്വാമി രേവണ്ണയോട് ആവശ്യപ്പെട്ടെങ്കിലും ഇതേവരെ വഴങ്ങിയിട്ടില്ലെന്നാണ് സൂചന. സഹകരണ വകുപ്പ് ഏറ്റെടുക്കാൻ ചാമുണ്ഡേശ്വരി എംഎൽഎയും മുതിർന്ന നേതാവുമായ ജി.ടി.ദേവെഗൗഡയും വിസമ്മതിച്ചിട്ടുണ്ട്.…

ബെംഗളൂരു:പാർട്ടി എടുക്കുന്ന ഏതൊരു തീരുമാനവും അനുസരിക്കുമെന്നും, ഉപമുഖ്യമന്ത്രി പദം ലഭിച്ചില്ലെന്നത് ഉൾപ്പെടെയുള്ള കാര്യങ്ങളിൽ അസംതൃപ്തിയൊന്നും ഇല്ലെന്നും കോൺഗ്രസ് നേതാവ് ഡി.കെ.ശിവകുമാർ വ്യക്തമാക്കി. താൻ വഹിച്ചിരുന്ന ഊർജ വകുപ്പ് ദളിനു കൈമാറിയതിലും അസന്തുഷ്ടിയില്ല. ഉത്തരവാദിത്തമുള്ള പാർട്ടി പ്രവർത്തകനെന്ന നിലയിൽ സംഘടനാ പദവിയായാലും മന്ത്രിപദമായാലും സന്തോഷത്തോടെ സ്വീകരിക്കും. മുതിർന്ന നേതാവായ എസ്.ആർ.പാട്ടീൽ പിസിസി വർക്കിങ് പ്രസിഡന്റ് സ്ഥാനം രാജിവയ്ക്കാനുണ്ടായ സാഹചര്യം തനിക്കറിയില്ല. കോൺഗ്രസ് കേന്ദ്ര നേതൃത്വം ഇദ്ദേഹത്തിന്റെ രാജിക്കാര്യത്തിൽ ഉചിതമായി തീരുമാനം എടുക്കുമെന്നും ശിവകുമാർ പറഞ്ഞു. അതേ സമയം പുതുമുഖങ്ങളെ കൂടുതലായി ഉൾപ്പെടുത്താനുള്ള കോൺഗ്രസ് നീക്കത്തിനിടെ, മന്ത്രിസ്ഥാനം…

ബെംഗളൂരു: മന്ത്രിസഭാ വികസനം നാളെ നടക്കാനിരിക്കെ, സംസ്ഥാന കോൺഗ്രസ് നേതൃത്വം ഇന്ന് ദേശീയ അധ്യക്ഷൻ രാഹുൽ ഗാന്ധിയുമായി ഡൽഹിയിൽ ചർച്ച നടത്തും. കോൺഗ്രസിലും ജനതാദൾ എസിലും മന്ത്രിസ്ഥാനം ഉറപ്പിക്കാനുള്ള ചരടുവലികൾ ശക്തമാണ്. ഇരു കക്ഷികൾക്കും ഇടയിൽ വകുപ്പുകൾ വിഭജിച്ചെടുത്തെങ്കിലും ആരൊക്കെ മന്ത്രിമാരാകണമെന്നതു സംബന്ധിച്ചാണ് പാർട്ടികൾക്കുള്ളിൽ തർക്കം. കോൺഗ്രസ് തയാറാക്കിയ മന്ത്രിമാരുടെ പട്ടികയ്ക്ക് ഇന്നു നടക്കുന്ന യോഗത്തിൽ രാഹുൽ ഗാന്ധി അംഗീകാരം നൽകേണ്ടതുണ്ട്. നാളെ ഉച്ചയ്ക്ക് രണ്ടിന് മന്ത്രിമാർക്ക് ഗവർണർ വാജുഭായി വാല സത്യവാചകം ചൊല്ലിക്കൊടുക്കുന്ന വിധത്തിലാണ് ചടങ്ങ് സജ്ജീകരിക്കുന്നത്. ഉപമുഖ്യമന്ത്രി ഡോ. ജി.പരമേശ്വര, കോൺഗ്രസ്…